Нейрожелі әлемнің ең әдемі қалыңдықтарын көрсетті - фото
Нейрожелі әлемнің ең әдемі қалыңдықтарын көрсетті - фото
Sputnik Қазақстан
Жер шарының барлық елінде қалыңдықтардың киімдеріне байланысты ерекше дәстүрлер бар. Олар халықтардың мәдени ерекшеліктері мен наным-сенімдерінің көрінісі... 07.08.2024, Sputnik Қазақстан
Бүкіл әлемде тұрмысқа шығатын қыздар киім таңдауға ерекше көңіл бөледі. Мысалы, Үндістанда тұрмысқа шығатын қыздар жалт-жұлт еткен киімдер мен әшекей бұйымдарды ұнатады. Олар мойындарына қатар-қатар моншақ және қолдарында көп білезік пен сақина тағады. Нигериядағы қалыңдықтар "геле" деп аталатын ерекше бас киімімен мақтана алады. Ол бас киім әрқайсысының мәні бар үлкен моншақтармен безендірілген. Қытайда қалыңдықтың дәстүрлі киімі інжу мен моншақтармен кестеленген жібек матадан тігіледі. Бұл суреттер топтамасынан әлем елдеріндегі қалыңдықтардың дәстүрлі көйлектері, бас киімдері мен әшекейлері ұсынылған. Нейрондық желі оларды осылай сипаттап көрсетті.
Жер шарының барлық елінде қалыңдықтардың киімдеріне байланысты ерекше дәстүрлер бар. Олар халықтардың мәдени ерекшеліктері мен наным-сенімдерінің көрінісі болады. Нейрондық желі қалыңдықтардың әртүрлі бейнелерін ұсынған суреттер топтамасын көріңіздер!
Бүкіл әлемде тұрмысқа шығатын қыздар киім таңдауға ерекше көңіл бөледі. Мысалы, Үндістанда тұрмысқа шығатын қыздар жалт-жұлт еткен киімдер мен әшекей бұйымдарды ұнатады. Олар мойындарына қатар-қатар моншақ және қолдарында көп білезік пен сақина тағады.
Нигериядағы қалыңдықтар "геле" деп аталатын ерекше бас киімімен мақтана алады. Ол бас киім әрқайсысының мәні бар үлкен моншақтармен безендірілген.
Қытайда қалыңдықтың дәстүрлі киімі інжу мен моншақтармен кестеленген жібек матадан тігіледі.
Бұл суреттер топтамасынан әлем елдеріндегі қалыңдықтардың дәстүрлі көйлектері, бас киімдері мен әшекейлері ұсынылған. Нейрондық желі оларды осылай сипаттап көрсетті.
Қазіргі ресейлік қалыңдықтар ақ көйлек киіп, жамылғы кигенді жөн көреді. Алайда, бұрын орыс халқында қалыңдықтың үйлену көйлегі жеңі кең ақ көйлек және қызыл түсті сарафаннан құралды. Ауқатты отбасылардың қалыңдықтары үйлену тойының көйлегін інжу тастармен, терімен, күміс және алтын жіптермен безендірді.
Оңтүстік Африкадағы қыздар үшін, әсіресе қалыңдықтар үшін дәстүрлі бас киімнің безендірілуі өзгеше мәнге ие. Зулу кестелерімен өрнектелген бас киімдегі әрбір моншақтың өзіндік мағынасы бар.
Қытайда қалыңдықтың дәстүрлі үйлену көйлегі інжу-маржандармен безендіріліп, айдаһар мен феникс бенесі кестеленген қызыл халаттан тұрады. Қытайда қалыңдықтың бас киімі де қызыл түсті болады және тәжге ұқсайды.
Моңғолияда үйлену тойында қалыңдық пен күйеу жігіт моңғолдардың және Орталық Азияның басқа да көшпелі халықтарының ежелден келе жатқан дәстүрі болып табылатын өрнекті киім киеді.
Болгариядағы қалыңдықтың бейнесін нейрожелі таңғажайып рәсімдерімен танымал жергілікті помак этникалық тобының үйлену тойындағы бейнесі арқылы көрсетті. Помактар тойды тек қыста өткізеді. Той кезінде қонақтардың алдына сән-салтанатымен киінген қалыңдық шығады. Қалыңдықты өонақтардың ортасымен ақырын алып жүріп, оны асыл тас сияқты көрсетеді. Қалыңдықтың беті қалың ақ сазбен боялып, оның үстіне түрлі өрнектер салынып, жылтыр моншақтармен безендірілген.
Суретте заманауи той көйлегін киген қазақ қалыңдығы бейнеленген. Дәстүр бойынша қазақ қызы үйлену тойында үстіне кең көйлек, басына сәукеле киген және желек жамылған. Сондай-ақ көйлектің үстіне камзол да киген. Дегенмен, үйлену көйлегінің стилі мен түсі әртүрлі болуы мүмкін. Мұның бәрі қалыңдық қалауына байланысты.
Йемендік қалыңдықтар той кезінде өзі көтере алатындай салмақта күміс пен асыл әшекей бұйымдар тағады. Өйткені, қалыңдық тойда неғұрлым қымбат металдар мен тастар тақса, оның некесі соғұрлым сәтті болады деп сенеді. Мұндай безендіру бұйымдарының жалпы салмағы бірнеше килограммға жетуі мүмкін.
![Жапония қалыңдықтары үйлену тойларына "шайтан мүйізі" немесе "қызғаныш мүйізі" деп аталатын кішкентай мүйіз түріндегі дәстүрлі ақ бас киім киеді. - Sputnik Қазақстан](https://sputnik.kz/img/07e8/07/1e/45982618_0:0:2688:1792_600x0_80_0_1_94e880fc3ba675644529a2f6cef654a8.jpg "Жапония қалыңдықтары үйлену тойларына "шайтан мүйізі" немесе "қызғаныш мүйізі" деп аталатын кішкентай мүйіз түріндегі дәстүрлі ақ бас киім киеді.")
