https://sputnik.kz/20240719/bektenov-qazaqstandagy-en-uzyn-kopirdin-qurylysyn-tekserdi-45780703.html

Бектенов Қазақстандағы ең ұзын көпірдің құрылысын тексерді

Бектенов Қазақстандағы ең ұзын көпірдің құрылысын тексерді

Sputnik Қазақстан

Көпірді жыл соңында пайдалануға беру жоспарланған 19.07.2024, Sputnik Қазақстан

2024-07-19T16:19+0500

2024-07-19T16:19+0500

2024-07-19T16:19+0500

көпір

https://sputnik.kz/img/07e8/07/13/45780928_0:0:1600:900_1920x0_80_0_0_e56c86a0f747a6f73aaa8ebc8cbb2b49.jpg

АЛМАТЫ, 19 шілде – Sputnik. Үкімет басшысы Олжас Бектенов Шығыс Қазақстан облысына жұмыс сапары барысында Бұқтырма су қоймасындағы Күршім көпір өткелінің құрылыс қарқынын тексерді.50 жыл бойы Шығыс Қазақстан облысының Марқакөл, Күршім, Көкпекті және Қатон-Қарағай аудандары арасындағы көлік қатынасы жазғы уақытта паром арқылы, қыс мезгілінде мұз үстімен жүзеге асырылып келді. 2019 жылы ауқымды әлеуметтік маңызы бар жобаны – автокөпір өткелін салу міндеті қойылған болатын. Аталған жұмыс 2021 жылы басталды.Екі жолақты автокөлік көпірі Қазақстандағы су үстіне салынған ең ұзын құрылым болады – оның ұзындығы 1316 метр, ал өткізу мүмкіндігі тәулігіне 80 мың көлікке дейін жетеді. Бүгінгі таңда нысан 80%-ға дайын. Көпірді жыл соңында пайдалануға беру жоспарланған.Сонымен қатар жоба аясында ұзындығы 18,6 шақырым болатын көпірге қосылатын жаңа автожол құрылысы қарастырылған. Бүгінде 7,7 шақырым төменгі жабын қабаты төселді."Қазір көпірдегі көлік қозғалысын іске қосу үшін жұмыстарды тезірек аяқтап, барлық күшті жұмылдыру керек", — деп тапсырды Олжас Бектенов.

2024

Жаңалықтар

kk_KK

көпір