https://sputnik.kz/20240717/semey-turgyny-suyiktisin-abaysyzda-oltirgeni-ushin-sottaldy-45724213.html

Семей тұрғыны сүйіктісін абайсызда өлтіргені үшін сотталды

Семей тұрғыны сүйіктісін абайсызда өлтіргені үшін сотталды

Sputnik Қазақстан

Жанжалдан кейін қыз көліктің капотына жатып алған. Жүргізуші тежегішті басып қалғанда жерге құлап, басын қатты ұрып алған 17.07.2024, Sputnik Қазақстан

2024-07-17T16:48+0500

2024-07-17T16:48+0500

2024-07-17T16:54+0500

семей

https://sputnik.kz/img/21/84/218410_0:21:3067:1746_1920x0_80_0_0_ff099619f444a2c0d19e70a254b43541.jpg

АСТАНА, 17 шілде – Sputnik. Семейде сүйіктісін абайсызда өлтірген ер адам 9,5 жылға сотталды, деп хабарлайды Sputnik Қазақстан.Сот материалына сәйкес, ол күні сотталушы қызымен алкоголь ішкен, қызғаныштан ұрыс шығып, екеуі жанжалдасып қалған. Артынан ер адам оны көлікпен келе жатып кездестірген. Қыз оның жолын жауып, қолымен көлік капотының шетінен ұстап тұрады. Ал көлік алға қарай жүргенде капотқа жатып алған. Бірақ көлік жүргізуші тоқтаған жоқ, біраз қашықтықты жүріп өткеннен кейін тежегішті басып қалады. Сонда капотта жатқан қыз жерге құлап, басын қатты соғып алады. Оның миына зақым келіп, ауруханада көз жұмды.Қылмыстық іс жәбірленушінің абайсызда қайтыс болуына әкеп соққан қасақана денсаулыққа ауыр зиян келтіру (106-баптың 3-бөлігі) бойынша тергелді. Мұндай қылмыс үшін 8 жылдан 12 жылға дейін бас бостандығынан айыру жазасы қарастырылған.Сот ауырлататын және жеңілдететін жағдайлардың жоқтығын, соттылықтың жоқтығын және кінәні ішінара мойындауын ескеріп, 9,5 жылға бас бостандығынан айыруға шешім шығарды. Оған қоса, жәбірленуші тараптың пайдасына 12 млн теңгеден астам материалдық және моральдық өтемақы өндірілді.Сот үкімі заңды күшіне енген жоқ.

семей

2024

Жаңалықтар

kk_KK

семей