https://sputnik.kz/20240711/bugin-doktorantura-emtikhanyn-quzhat-qabyldau-bastaldy-45594919.html
Бүгін докторантура емтиханына құжат қабылдау басталды
Бүгін докторантура емтиханына құжат қабылдау басталды
Sputnik Қазақстан
Құжат қабылдау 3 тамызға дейін жүргізіледі 11.07.2024, Sputnik Қазақстан
2024-07-11T09:33+0500
2024-07-11T09:33+0500
2024-07-11T11:40+0500
құжат
https://sputnik.kz/img/07e4/0a/09/15161162_0:66:3068:1792_1920x0_80_0_0_60b62fdd21fb57274ac209ab31b08a6b.jpg
АСТАНА, 11 шілде – Sputnik. 2024 жылғы докторантураға түсу емтиханына өтініш қабылдау басталды.Ол testcenter.kz сайтында 11 шілдеден бастап 3 тамызға дейін жүргізіледі.Өтініш беру кезінде тек тестілеу орнын (қаласын) таңдай аласыздар.Ал тест тапсыру күні, уақыты және орны (мекенжайы) туралы ақпарат 9 тамызда жеке кабинеттің "Менің іс-әрекетім" бөлімінде ұсынылады.Айта кетейік, өтініштерді қабылдау мерзімі аяқталғанға дейін, яғни 3 тамызға дейін білім беру бағдарламаларының тобына, тест тапсыру тілі мен орнына (қаласына) өзгеріс енгізуге мүмкіндік беріледі.Емтиханға қатысу құны — 21 072 теңге.TOEFL ITP сертификаты бар тұлғалар докторантураға түсу емтиханы басталғанға дейін ағылшын тілін білуге арналған қосымша тестілеуді (қосымша тестілеу) тапсырады.Қосымша тестілеуді өткізу орны мен уақыты туралы ақпарат 5 тамызда талапкердің жеке кабинетінде қолжетімді болады. Қосымша тестілеуге қатысу құны — 14 162 теңге.Түсушілер міндетті түрде ҚАЗТЕСТ сертификатын және шет тілін меңгергенін растайтын сертификат ұсынуы керек.2024 жылы шет тілін меңгергенін растайтын сертификаттардың шекті деңгейі B1-ге дейін төмендетілді және тізімге TOEIC және Duolingo English Test сертификаттары енгізілді.Докторантураға "магистр" дәрежесі және кемінде 9 (тоғыз) ай еңбек өтілі бар немесе медицина мамандықтары бойынша резидентурада оқу бітірген адамдар қабылданады.Мемлекеттік білім беру тапсырысы бойынша және ақылы негізде докторантураға түсу үшін шекті балл — 75 балл.2024 жылдан бастап түсушілердің бейіні бойынша докторлар бағдарламасы аясында докторантураға түсуге мүмкіндігі бар.Бұл бағдарлама үшін шет тілін меңгергенін растайтын сертификаттың белгілі бір деңгейі талап етілмейді.Сондай-ақ бейіні бойынша докторлар бағдарламасына түсушілер емтихан барысында эссе жазбайды.Ең жоғары көрсеткіш — 80 балл, оның ішінде әңгімелесуге — 25 балл, кәсіпорындар мен ұйымдардың ұсыныс хатына (болған жағдайда) — 5 балл және бейіні бойынша емтихан сұрақтары — 50 балл.Шекті балл — кемінде 50.
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
құжат
Бүгін докторантура емтиханына құжат қабылдау басталды
09:33 11.07.2024 (жаңартылды: 11:40 11.07.2024) Құжат қабылдау 3 тамызға дейін жүргізіледі
АСТАНА, 11 шілде – Sputnik. 2024 жылғы докторантураға түсу емтиханына өтініш қабылдау басталды.
Ол testcenter.kz сайтында 11 шілдеден бастап 3 тамызға дейін жүргізіледі.
Өтініш беру кезінде тек тестілеу орнын (қаласын) таңдай аласыздар.
Ал тест тапсыру күні, уақыты және орны (мекенжайы) туралы ақпарат 9 тамызда жеке кабинеттің "Менің іс-әрекетім" бөлімінде ұсынылады.
Айта кетейік, өтініштерді қабылдау мерзімі аяқталғанға дейін, яғни 3 тамызға дейін білім беру бағдарламаларының тобына, тест тапсыру тілі мен орнына (қаласына) өзгеріс енгізуге мүмкіндік беріледі.
Емтиханға қатысу құны — 21 072 теңге.
TOEFL ITP сертификаты бар тұлғалар докторантураға түсу емтиханы басталғанға дейін ағылшын тілін білуге арналған қосымша тестілеуді (қосымша тестілеу) тапсырады.
Қосымша тестілеуді өткізу орны мен уақыты туралы ақпарат 5 тамызда талапкердің жеке кабинетінде қолжетімді болады. Қосымша тестілеуге қатысу құны — 14 162 теңге.
Түсушілер міндетті түрде ҚАЗТЕСТ сертификатын және шет тілін меңгергенін растайтын сертификат ұсынуы керек.
2024 жылы шет тілін меңгергенін растайтын сертификаттардың шекті деңгейі B1-ге дейін төмендетілді және тізімге TOEIC және Duolingo English Test сертификаттары енгізілді.
Докторантураға "магистр" дәрежесі және кемінде 9 (тоғыз) ай еңбек өтілі бар немесе медицина мамандықтары бойынша резидентурада оқу бітірген адамдар қабылданады.
Мемлекеттік білім беру тапсырысы бойынша және ақылы негізде докторантураға түсу үшін шекті балл — 75 балл.
2024 жылдан бастап түсушілердің бейіні бойынша докторлар бағдарламасы аясында докторантураға түсуге мүмкіндігі бар.
Бұл бағдарлама үшін шет тілін меңгергенін растайтын сертификаттың белгілі бір деңгейі талап етілмейді.
Сондай-ақ бейіні бойынша докторлар бағдарламасына түсушілер емтихан барысында эссе жазбайды.
Ең жоғары көрсеткіш — 80 балл, оның ішінде әңгімелесуге — 25 балл, кәсіпорындар мен ұйымдардың ұсыныс хатына (болған жағдайда) — 5 балл және бейіні бойынша емтихан сұрақтары — 50 балл.
