Си Цзиньпин көп полярлы әлемді ілгерілетуге және гегемонияға қарсы тұруға шақырды
10:52 02.07.2024 (жаңартылды: 10:55 02.07.2024)
© Сергей Гунеев
/ Жазылу
Қытай басшысы Қазақстанға мемлекеттік сапарынан көп нәрсе күтетінін айтты
АСТАНА, 2 шілде - Sputnik. Си Цзиньпин "Қытай мен Қазақстан: жаңа көкжиектерге ортақ ұмтылыс" атты мақаласында көпполярлы әлемді ілгерілетуге және гегемонияға қарсы тұруға шақырды.
"БҰҰ-ға негізделген халықаралық жүйе мен халықаралық құқыққа негізделген әлемдік тәртіпті батыл қорғауға, шынайы мультилатерализмді жүзеге асыруға, гегемонизмге, күш саясатына және блоктық қақтығысқа қарсы тұруға, тең және реттелген көпполярлы әлемді, жалпыға ортақ және инклюзивті экономикалық жаһандануды алға жылжытуға шақырамын", - деді Си Цзиньпин.
Қытай басшысы Қазақстанға мемлекеттік сапарынан көп нәрсе күтетінін айтты.
Қасым-Жомарт Тоқаевтың шақыруымен 2024 жылғы 2-4 шілдеде Қытай Халық Республикасының Төрағасы Си Цзиньпин Қазақстанға мемлекеттік сапармен келеді.
Қытай басшысы Шанхай ынтымақтастық ұйымына мүше мемлекеттер басшылары кеңесінің 24-ші отырысына да қатысады.
