Батыс Қазақстан облысының 19 ауылында газ өшіріледі
© Photo : Пресс-служба акима ЮКОАрхивтегі фото
![Архивтегі фото Архивтегі фото - Sputnik Қазақстан, 1920, 21.06.2024](https://sputnik.kz/img/79/30/793009_0:56:1101:675_1920x0_80_0_0_62fb0c3c00197e128449d5e313971c12.jpg)
© Photo : Пресс-служба акима ЮКО
Жазылу
АЛМАТЫ, 21 маусым – Sputnik. Батыс Қазақстан облысы Бөрлі ауданының бір бөлігінде газ өшіріледі. Бұл туралы "Мой город" порталы жазды.
Бөрлі ауданы әкімдігінің ақпараты бойынша "Орал" ОМГ " филиалының газ тарату станциясында газ құбырлары жоспарлы сынақтан өткізіледі, сол себепті газ беру уақытша тоқтатылады.
Сынақты тек "Интергаз Орталық Азия" АҚ учаскелеріндегі газ тарататын құбырлардың бұрылмаларында, газ тарататын құбырларынсыз өткізу жоспарланған.
Аудан тұрғындары үшін газ беру 21-26 маусым аралығында тоқтатылады.
"Ақсай қаласы мен Бөрлі ауданының 19 елді мекеніне газ берілмейді, бұл елді мекендерде барлығы 11 563 тұтынушы тұрады. Ақсайдың 4, 5 және 10 шағын аудандарының тұтынушылары газ толық өндірілгенге дейін тауарлық газды уақытша пайдаланады", - деп хабарлады Бөрлі ауданының әкімдігі.
Газ өшірілетін елді мекендер:
Ақсай қаласы,
Утвинка кенті,
Бумакөл кенті,
Бөрлі кенті,
Қанай кенті,
Пугачево ауылы,
Аралтал кенті,
Қызылтал кенті,
Бақтыарал кенті,
Кентубек кенті,
Қарағанды кенті,
Қарақұдық кенті,
Достық кенті,
Тасқұдық кенті,
Талдыбұлақ кенті,
Жаңақоныс кенті,
Ақбұлақ кенті,
Ақсу кенті.
Әкімдік газ беру кезінде үзілістер туындаған жағдайда 104 нөмірі бойынша хабарласуға болатынын айтты.