Құны 1,2 млрд теңге: Жетісуда үйдің шатырынан төрт жүзден астам мүйіз табылды

© Photo : Погранслужба КНБ Республики КазахстанАрхивтегі фото
Архивтегі фото - Sputnik Қазақстан, 1920, 07.06.2024
Жазылу
Жедел іздестіру іс-шаралары барысында Панфилов ауданының аумағында 39 жастағы ер адам ұсталды
АСТАНА, 7 маусым – Sputnik. Жетісу облысында ақбөкен мүйізін заңсыз сақтап, мемлекетке 1 млрд 284 816 000 теңгенің шығынан келтірген күдікті ұсталды, деп хабарлады Polisia.kz.
6 маусымда Жетісу облысы бойынша ПД ұйымдасқан қылмысқа қарсы күрес, Шекара қызметі мен ҰҚК департаменті қызметкерлерімен бірлесе отырып, өсімдіктер мен жануарлардың сирек кездесетін және құрып кету қаупі төнген, сондай-ақ олардың бөліктері мен дериваттарымен заңсыз айналысқан күдіктіні ұстады.
"Жедел іздестіру іс-шаралары барысында Панфилов ауданының аумағында 39 жастағы ер адам ұсталды. Тінту кезінде үйдің шатырынан скочтпен оралған 7 картон қорап табылды. Бұл қораптардың ішінде 464 дана ақбөкен мүйізі болған", – деп атап өтті ПД бастығының орынбасары Елдар Әбдікенов.
Табылған мүйіздерге олардың шығу тегі мен түпнұсқалығын анықтауға мүмкіндік беретін сот-биологиялық сараптама тағайындалды. Келтірілген з шығын 1 млрд 284 816 000 теңгені құрады.
Сотқа дейінгі тергеу жалғасуда, істің барлық мән-жағдайлары мұқият зерттеліп жатыр.
Жаңалықтар
0