https://sputnik.kz/20240604/zhambyl-oblysynda-500-gektarga-egilgen-alma-agashy-qurap-ketti-44766216.html
Жамбыл облысында 500 гектарға егілген алма ағашы қурап кетті
Жамбыл облысында 500 гектарға егілген алма ағашы қурап кетті
Sputnik Қазақстан
Сербия елінен әкелінген 125 мың дана көшеттің біреуі де жеміс бермеген 04.06.2024, Sputnik Қазақстан
2024-06-04T20:37+0500
2024-06-04T20:37+0500
2024-06-04T20:37+0500
жамбыл облысы
https://sputnik.kz/img/07e6/0a/12/28574849_0:0:2417:1361_1920x0_80_0_0_26c9fd2c753042c6b682040df35ec619.jpg
АЛМАТЫ, 4 маусым – Sputnik. Жамбыл облысында 500 гектар алқапқа егілген алма ағашы қурап кетті. Тұрғындар 10 бақтың жеміссіз жайрап жатқанын айтты, деп хабарлады Almaty.tv.Көпшілік шаруалардың шығынға батуына қаражаттың жоқтығы себеп деп топшылайды. Ал жобаны қаржылай қолдаған қор ақша бөлінгенін айтып отыр.Бағбандар үйін кепілге қойып, Сербия елінен алып келген 125 мың дана көшеттің біреуі де жеміс бермеген.Бастапқыда "ҚазАгроға" қарасты "Ауыл шаруашылығын қаржылай қолдау" қоры 10 шаруаны жиып кооператив құрады. Алма бақпен айналысу үшін қаржы бөледі. Сондай-ақ "мамандармен қамтып, бақша өнгенше қолдау көрсетеміз" деп уәде береді. Тыңайтқыш пен түрлі шығын да жылма-жыл субсидиялануға тиіс еді. Бірақ шаруалар алғашқы көмектің өзін бақ ашылғаннан кейін екі жылдан соң алған.Облыстағы 1162 гектар алқапта интенсивті бақтар орналасқан. Бірақ жауапты басқарма мамандары оның қанша жері күйіп кеткенінен хабарсыз."Лабораториялық құжаттары болған. Алма ағашы егілген. Ал ары қарай агротехникалық іс-шараның барлығын шаруалар дер кезінде орындауы керек", – деді Ауыл шаруашығы басқармасы басшысының орынбасары Шәкім Момынқұлов.Ал ұлттық басқарушы холдингтің өкілдері "шаруалардың шағымы орынсыз" дейді. Себебі олар қаржы алуын алып, алма баққа тиісті күтім жасамаған. Бірақ облыс бойынша бұл жобаларға қанша қаражаттың жұмсалып, шаруалардың қанша қарыз болғаны құпия екен."Проблема көп. Кейбір шаруалар "су жоқ" дейді. Бірақ су бар. "Аграрлық несие" корпорациясы қаржы ұйымы болғандықтан, қарыз алушылар туралы мәліметті жария етуге құқымыз жоқ", – деді "Аграрлық несие корпорациясы" АҚ Жамбыл облыстық филиалы директорының орынбасары Бауыржан Тәжібаев."ҚазАгро" мамандары шаруаларға берген қаржыны қандай жағдай болмасын, қайтаруды көздеп отыр. Сол үшін сотқа жүгінбек. Ал бағбандар әзірге шарасыз.
жамбыл облысы
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
жамбыл облысы
Жамбыл облысында 500 гектарға егілген алма ағашы қурап кетті
Сербия елінен әкелінген 125 мың дана көшеттің біреуі де жеміс бермеген
АЛМАТЫ, 4 маусым – Sputnik. Жамбыл облысында 500 гектар алқапқа егілген алма ағашы қурап кетті. Тұрғындар 10 бақтың жеміссіз жайрап жатқанын айтты, деп хабарлады
Almaty.tv. Көпшілік шаруалардың шығынға батуына қаражаттың жоқтығы себеп деп топшылайды. Ал жобаны қаржылай қолдаған қор ақша бөлінгенін айтып отыр.
Бағбандар үйін кепілге қойып, Сербия елінен алып келген 125 мың дана көшеттің біреуі де жеміс бермеген.
Бастапқыда "ҚазАгроға" қарасты "Ауыл шаруашылығын қаржылай қолдау" қоры 10 шаруаны жиып кооператив құрады. Алма бақпен айналысу үшін қаржы бөледі. Сондай-ақ "мамандармен қамтып, бақша өнгенше қолдау көрсетеміз" деп уәде береді. Тыңайтқыш пен түрлі шығын да жылма-жыл субсидиялануға тиіс еді. Бірақ шаруалар алғашқы көмектің өзін бақ ашылғаннан кейін екі жылдан соң алған.
"Бұл жердегі "қамысты жойып, химикат себеміз, алма бақтың жемісін көресіздер, сертификат береміз" деп уәде берген. Сатпақ тұрмақ, бір тиын көрген жоқпыз", – деді шаруа Убайдулла Сериев.
Облыстағы 1162 гектар алқапта интенсивті бақтар орналасқан. Бірақ жауапты басқарма мамандары оның қанша жері күйіп кеткенінен хабарсыз.
"Лабораториялық құжаттары болған. Алма ағашы егілген. Ал ары қарай агротехникалық іс-шараның барлығын шаруалар дер кезінде орындауы керек", – деді Ауыл шаруашығы басқармасы басшысының орынбасары Шәкім Момынқұлов.
Ал ұлттық басқарушы холдингтің өкілдері "шаруалардың шағымы орынсыз" дейді. Себебі олар қаржы алуын алып, алма баққа тиісті күтім жасамаған. Бірақ облыс бойынша бұл жобаларға қанша қаражаттың жұмсалып, шаруалардың қанша қарыз болғаны құпия екен.
"Проблема көп. Кейбір шаруалар "су жоқ" дейді. Бірақ су бар. "Аграрлық несие" корпорациясы қаржы ұйымы болғандықтан, қарыз алушылар туралы мәліметті жария етуге құқымыз жоқ", – деді "Аграрлық несие корпорациясы" АҚ Жамбыл облыстық филиалы директорының орынбасары Бауыржан Тәжібаев.
"ҚазАгро" мамандары шаруаларға берген қаржыны қандай жағдай болмасын, қайтаруды көздеп отыр. Сол үшін сотқа жүгінбек. Ал бағбандар әзірге шарасыз.
