https://sputnik.kz/20240601/qazaqstanda-1-mausymnan-bastap-qanday-ozgerister-bolady--44687550.html
Қазақстанда 1 маусымнан бастап қандай өзгерістер болады
Қазақстанда 1 маусымнан бастап қандай өзгерістер болады
Sputnik Қазақстан
АСТАНА, 1 маусым – Sputnik. Бүгіннен бастап қазақстандықтардың өмірінде біраз өзгеріс болады. Жақын және алыс шетелге қосымша әуе рейстері ашылады. Астанаға... 01.06.2024, Sputnik Қазақстан
2024-06-01T09:00+0500
2024-06-01T09:00+0500
2024-06-01T09:00+0500
маусым
өзгерістер
https://sputnik.kz/img/1094/64/10946474_58:0:2943:1623_1920x0_80_0_0_df28071d8dfa936a6cec500a6bdc6c93.jpg
АСТАНА, 1 маусым – Sputnik. Бүгіннен бастап қазақстандықтардың өмірінде біраз өзгеріс болады. Жақын және алыс шетелге қосымша әуе рейстері ашылады. Астанаға Леонардо да Винчидің шедеврін алып келеді. Ал QIWI-да ақша ұстаған азаматтар өз қаржысын қайтара алады. Sputnik Қазақстан 1 маусымнан бастап болатын өзгерістерді ұсынады. Үржарға жаңа рейстер ашыладыQazaq Air әуе компаниясы 1 маусымнан бастап Алматы мен Астанадан Үржарға әуе рейстерін іске қосады. Оны аптасына төрт рет (сейсенбі, бейсенбі, жұма мен жексенбі күндері) орындайды.Алматы-НүкісАл Uzbekistan Airways компаниясы "Алматы – Нүкіс" бағытында әуе рейстерін бастайды. "Эйрбас-А320" ұшақтары аптасына екі рет (сәрсенбі және сенбі) ұшады.Айта кетері, Қазақстаннан ұшатын халықаралық рейстердің саны аптасына 567-ге дейін жетті. Жалпы қазақстандықтар 121 бағытта 28 елге ұша алады. Қазақстанға Леонардо да Винчидің шедеврі келедіТанымал италиялық суретші Леонардо да Винчидің жұмбаққа толы шедевлерінің бірі Астанадағы көрмеге шығарылады.La Bella Principessa – ақсүйектерден шыққан жас қыздың суреті. Леонардо да Винчи бұл картинаны XV ғасырдың соңында салған.Астанадағы көрме Ұлттық музейде 7 шілдеде ашылады. La Bella Principessa картинасын тамыздың 4-іне дейін сол жерде көруге болады. Бұған дейін бұл портрет әлем бойынша бес рет қана көрмеге шығарылған. Қазақстандықтар QIWI жүйесіндегі ақшаны қайтара алады10 маусымға дейін QIWI-әмиянда қалып қойған ақшаны қайтаруға болады. Өтінішті арнайы сайтта жолдау керек.Барлық ақша теңгемен Ұлттық банктің 27 мамырдағы валюта бағамы бойынша қайтарылады. Бірақ электронды әмиянда "Кәсіби" деген дәреже болуы керек. Сол себепті қажет болған жағдайда оның мәртебесін көтеріп алу керек.Биыл ақпан айында Ресейде "КИВИ Банк" лицензиясынан айырылды. Осыдан кейін кейбір адамдардың есепшоттары бұғатталып қалды. Мектеп түлектері аттестат алады27 мамырда барлық мектепте аралық және қорытынды емтихандарын тапсыру кезеңі басталды. Оқу-ағарту министрлігі таратқан мәліметке сәйкес, 29 мамыр мен 10 маусым аралығында 9-сынып оқушылары емтихан тапсырса, 11-сынып оқушылары 28 мамыр мен 11 маусым күндері сынаққа қатысады. Ал 12-15 маусым күндері аттестатты салтанатты түрде табыстайды.20 маусымда жоғары оқу орындарына құжат қабылдау басталады. Осы жұмыс 25 тамызға дейін жалғасады. Ал колледжге 25 маусымға дейін құжат тапсыру керек. Кәсіптік білім беру орындарына Қазақстан азаматтары, шетел азаматтары және азаматтығы жоқ адамдар қабылданады. Бірақ 9 немесе 11 жылдық мектеп аттестаты болуы шарт. Тұрмыстық зорлық-зобылыққа қарсы заң күшіне енеді16 маусымда "Әйелдер құқықтары мен балалар қауіпсіздігін қамтамасыз ету туралы" заң күшіне енеді. Оған сәйкес, зорлық-зомбылық үшін жаза күшейтіледі: Сондай-ақ, 15 маусымнан бастап зорлық-зомбылыққа қарсы арнайы құрылым өз жұмысын бастайды. Арапа мейрамы Биыл Арапа күні 15 маусымға келіп тұр. Ол күні Меккеге қажылыққа барған мұсылмандар Арафат тауында жиналады. Оны жасамаса, қажылық орындалмаған деп саналады. Оны қайтадан бастауға тура келеді. Арафат тауына барғандар ауыз бекітеді.Арапа күні Алладан жасаған күнә-қателіктер үшін көбірек кешірім тілеп, тәубе етіп, дұға қылған дұрыс. Өсек-өтірік, ғайбат сөз, харам дүниелерден тыйылған абзал. Бұған қоса мұқтаждарға қол ұшын созып, ауру-сырқаудың көңілін сұрап, ағайын-туыс, көрші-қолаңмен татуласып, өкпе-ренішті ұмыту арқылы да мол сауапқа кенелуге болады.Сонымен қатар Арапа күні әр шаңырақта ұлық мейрам Құрбан айтқа әзірлік басталады. Бауырсақ, шелпек пісіріп, дәмді тағамдар әзірленеді. Мол дастархан жайылып, қонақ күтуге дайындалады. Үйдің іші-сыртын тазалап, ретке келтіреді. Адамдар әдемі, жаңа киімдерін киіп, Құрбан айттың келгеніне ерекше шаттанып қуанады. Құрбан айт мейрамыҚұрбан айт Ораза айттан кейін 70 күн өткен соң басталады. Биыл мейрамның бірінші күні дүйсенбі, 17 маусымға түсіп тұр.Құрбан – араб тілінде "жақындау" деген мағынаны білдіреді, яғни жасаған сауап істер арқылы Аллаға жақындай түсу. Мейрам күндері мұсылмандар Алланың разылығы үшін құрбан шалады. Құран Кәрімде "Раббың үшін намаз оқы және құрбан шал" деп жазылған. Құрбандық шалудың белгілі уақыты бар. Құрбандықты одан алдын немесе кейін шалуға болмайды. Уақытынан бұрын шалған құрбандық өз отбасы үшін сойылған мал іспетті. Ол құрбандық болып есептелмейді. Ал уақытынан кейін шалса, оның етін садақа ету уәжіп болады, одан өзі жемейді.Құрбан шалудың уақыты Құрбан айттың бірінші күні айт намазынан кейін басталып, айттың үшінші күні күн батқанға дейін жалғасады.Қазақстанда Құрбан айттың алғашқы күні демалыс болып саналады. Осылайша, қазақстандықтар 3 күн - 15, 16 және 17 маусымда демалады. Оман әуе рейсін қайта ашады18 маусымнан бастап Оманның Salam Air әуе компаниясы "Алматы – Маскат" бағытындағы әуе рейсін қайта ашуды жоспарлап отыр."Эйрбас-А320/А321" ұшақтары аптасына екі рет (сейсенбі және жұма күндері) жолаушылар тасымалдайды. Әрбір ұшаққа 180-230 адам сыяды.Ақтөбеге дейін "Тальго" жүреді10 маусымда "Астана-Қостанай" бағытындағы Тальго пойызының бағдары Ақтөбе станциясына дейін ұзартылады.Пойыз Астанадан жұп күндері, ал Ақтөбеден тақ күндері жүреді.Айта кетері, жолаушылар пойыздарына жол жүру құжаттарын алдын-ала 45-тен кем емес және пойыз жөнелтілгенге дейін 1 тәуліктен аспайтын мерзімде сатып алуға болады. Кеңейтілген маршрутқа билеттер сатуға шығарылды. Астанадан тікелей Сеулге 15 маусымнан бастап Air Astana компаниясы Астанадан тікелей Сеулге ұшатын әуе рейстерін қайта іске қосады. Бұл бағыт 2020 жылы пандемияға байланысты тоқтатылды.Енді, әуе рейстері аптасына екі рет орындалады. Жолаушыларды Airbus A321LR ұшақтары тасымалдайды.Қазіргі кезде Алматыдан да Сеулге ұшуға болады. Бұл рейстер 2003 жылы іске қосылды. Жалпы, 22 жылдың ішінде Air Astana "Алматы – Сеул" бағытында шамамен 800 мың жолаушыны тасымалдады."Наурыз" бағдарламасына құжат қабылдау аяқталадыБиыл 25 сәуірде Қазақстанда "Наурыз" ипотекалық бағдарламасы басталды. Өтініш қабылдау уақыты – екі ай. Осылайша, маусымның соңында құжат қабылдау аяқталады."Наурыз" бағдарламасы аясында тұрғын үйді алғашқы нарықтан, сондай-ақ моноқалалар мен ауылдық елді мекендерде екінші нарықтан сатып алуға болады. Берілтін қарыздың ең жоғарғы мөлшері: Алматы мен Астана қалалары үшін - 36 млн теңгеге дейін, қалған өңірлер үшін – 30 млн теңгеге дейін жетеді. Бағдарлама шарты:Іріктеу кезінде балдық жүйе қолданылады. Ең жоғары ұпай алғандар жеңілдетілген ипотека рәсімдей алады.
https://sputnik.kz/20240529/ontustik-koreyada-qazaqstan-koreylerine-arnalgan-korme-ashyldy-44619735.html
https://sputnik.kz/20240522/ubt-ga-tirkelip-ulgermegen-talapkerlerge-songy-mumkindik-berildi-44467047.html
https://sputnik.kz/20240410/toqaev-pen-erdogan-bir-birin-oraza-ayt-meyramymen-quttyqtady-43589629.html
https://sputnik.kz/20240513/nauryz-ipotekasy-otbasy-bank-baspana-tandau-tartibin-tusindirdi-44227059.html
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
маусым, өзгерістер
АСТАНА, 1 маусым – Sputnik. Бүгіннен бастап қазақстандықтардың өмірінде біраз өзгеріс болады. Жақын және алыс шетелге қосымша әуе рейстері ашылады. Астанаға Леонардо да Винчидің шедеврін алып келеді. Ал QIWI-да ақша ұстаған азаматтар өз қаржысын қайтара алады.
Sputnik Қазақстан 1 маусымнан бастап болатын өзгерістерді ұсынады.
Үржарға жаңа рейстер ашылады
Qazaq Air әуе компаниясы 1 маусымнан бастап Алматы мен Астанадан Үржарға әуе рейстерін іске қосады. Оны аптасына төрт рет (сейсенбі, бейсенбі, жұма мен жексенбі күндері) орындайды.
Астана (08:25) – Үржар (10:10);
Үржар (14:30) – Астана (16:10);
Алматы (12:40) – Үржар (14:00);
Үржар (10:50) – Алматы (12:10).
Ал Uzbekistan Airways компаниясы "Алматы – Нүкіс" бағытында әуе рейстерін бастайды. "Эйрбас-А320" ұшақтары аптасына екі рет (сәрсенбі және сенбі) ұшады.
Нүкіс (сағат 10:05) – Алматы (сағат 12:15);
Алматы (сағат 13:15) – Нүкіс (сағат 15:45);
Айта кетері, Қазақстаннан ұшатын халықаралық рейстердің саны аптасына 567-ге дейін жетті. Жалпы қазақстандықтар 121 бағытта 28 елге ұша алады.
Қазақстанға Леонардо да Винчидің шедеврі келеді
Танымал италиялық суретші Леонардо да Винчидің жұмбаққа толы шедевлерінің бірі Астанадағы көрмеге шығарылады.
La Bella Principessa – ақсүйектерден шыққан жас қыздың суреті. Леонардо да Винчи бұл картинаны XV ғасырдың соңында салған.
Астанадағы көрме Ұлттық музейде 7 шілдеде ашылады. La Bella Principessa картинасын тамыздың 4-іне дейін сол жерде көруге болады. Бұған дейін бұл портрет әлем бойынша бес рет қана көрмеге шығарылған.
Қазақстандықтар QIWI жүйесіндегі ақшаны қайтара алады
10 маусымға дейін QIWI-әмиянда қалып қойған ақшаны қайтаруға болады. Өтінішті арнайы сайтта жолдау керек.
Барлық ақша теңгемен Ұлттық банктің 27 мамырдағы валюта бағамы бойынша қайтарылады. Бірақ электронды әмиянда "Кәсіби" деген дәреже болуы керек. Сол себепті қажет болған жағдайда оның мәртебесін көтеріп алу керек.
Биыл ақпан айында Ресейде "КИВИ Банк" лицензиясынан айырылды. Осыдан кейін кейбір адамдардың есепшоттары бұғатталып қалды.
Мектеп түлектері аттестат алады
27 мамырда барлық мектепте аралық және қорытынды емтихандарын тапсыру кезеңі басталды. Оқу-ағарту министрлігі таратқан мәліметке сәйкес, 29 мамыр мен 10 маусым аралығында 9-сынып оқушылары емтихан тапсырса, 11-сынып оқушылары 28 мамыр мен 11 маусым күндері сынаққа қатысады. Ал 12-15 маусым күндері аттестатты салтанатты түрде табыстайды.
20 маусымда жоғары оқу орындарына құжат қабылдау басталады. Осы жұмыс 25 тамызға дейін жалғасады. Ал колледжге 25 маусымға дейін құжат тапсыру керек. Кәсіптік білім беру орындарына Қазақстан азаматтары, шетел азаматтары және азаматтығы жоқ адамдар қабылданады. Бірақ 9 немесе 11 жылдық мектеп аттестаты болуы шарт.
Тұрмыстық зорлық-зобылыққа қарсы заң күшіне енеді
16 маусымда "Әйелдер құқықтары мен балалар қауіпсіздігін қамтамасыз ету туралы" заң күшіне енеді. Оған сәйкес, зорлық-зомбылық үшін жаза күшейтіледі:
денсаулыққа жеңіл зиян келтіргені үшін 200 АЕК (738 400 теңге) көлемінде айыппұл, я болмаса, 200 сағатқа қоғамдық жұмыстар, немесе 50 тәулікке дейін қамау;
адамды ұрғаны үшін 80 АЕК (295 360 теңге) көлемінде айыппұл, 80 сағатты қоғамдық жұмыстар немесе 25 тәулікке дейін қамауға алу.
Сондай-ақ, 15 маусымнан бастап зорлық-зомбылыққа қарсы арнайы құрылым өз жұмысын бастайды.
Биыл Арапа күні 15 маусымға келіп тұр. Ол күні Меккеге қажылыққа барған мұсылмандар Арафат тауында жиналады. Оны жасамаса, қажылық орындалмаған деп саналады. Оны қайтадан бастауға тура келеді. Арафат тауына барғандар ауыз бекітеді.
Арапа күні Алладан жасаған күнә-қателіктер үшін көбірек кешірім тілеп, тәубе етіп, дұға қылған дұрыс. Өсек-өтірік, ғайбат сөз, харам дүниелерден тыйылған абзал. Бұған қоса мұқтаждарға қол ұшын созып, ауру-сырқаудың көңілін сұрап, ағайын-туыс, көрші-қолаңмен татуласып, өкпе-ренішті ұмыту арқылы да мол сауапқа кенелуге болады.
Сонымен қатар Арапа күні әр шаңырақта ұлық мейрам Құрбан айтқа әзірлік басталады. Бауырсақ, шелпек пісіріп, дәмді тағамдар әзірленеді. Мол дастархан жайылып, қонақ күтуге дайындалады. Үйдің іші-сыртын тазалап, ретке келтіреді. Адамдар әдемі, жаңа киімдерін киіп, Құрбан айттың келгеніне ерекше шаттанып қуанады.
Құрбан айт Ораза айттан кейін 70 күн өткен соң басталады. Биыл мейрамның бірінші күні дүйсенбі, 17 маусымға түсіп тұр.
Құрбан – араб тілінде "жақындау" деген мағынаны білдіреді, яғни жасаған сауап істер арқылы Аллаға жақындай түсу. Мейрам күндері мұсылмандар Алланың разылығы үшін құрбан шалады. Құран Кәрімде "Раббың үшін намаз оқы және құрбан шал" деп жазылған.
Құрбандық шалудың белгілі уақыты бар. Құрбандықты одан алдын немесе кейін шалуға болмайды. Уақытынан бұрын шалған құрбандық өз отбасы үшін сойылған мал іспетті. Ол құрбандық болып есептелмейді. Ал уақытынан кейін шалса, оның етін садақа ету уәжіп болады, одан өзі жемейді.
Құрбан шалудың уақыты Құрбан айттың бірінші күні айт намазынан кейін басталып, айттың үшінші күні күн батқанға дейін жалғасады.
Қазақстанда Құрбан айттың алғашқы күні демалыс болып саналады. Осылайша, қазақстандықтар 3 күн - 15, 16 және 17 маусымда демалады.
Оман әуе рейсін қайта ашады
18 маусымнан бастап Оманның Salam Air әуе компаниясы "Алматы – Маскат" бағытындағы әуе рейсін қайта ашуды жоспарлап отыр.
"Эйрбас-А320/А321" ұшақтары аптасына екі рет (сейсенбі және жұма күндері) жолаушылар тасымалдайды. Әрбір ұшаққа 180-230 адам сыяды.
Ақтөбеге дейін "Тальго" жүреді
10 маусымда "Астана-Қостанай" бағытындағы Тальго пойызының бағдары Ақтөбе станциясына дейін ұзартылады.
Пойыз Астанадан жұп күндері, ал Ақтөбеден тақ күндері жүреді.
Айта кетері, жолаушылар пойыздарына жол жүру құжаттарын алдын-ала 45-тен кем емес және пойыз жөнелтілгенге дейін 1 тәуліктен аспайтын мерзімде сатып алуға болады. Кеңейтілген маршрутқа билеттер сатуға шығарылды.
15 маусымнан бастап Air Astana компаниясы Астанадан тікелей Сеулге ұшатын әуе рейстерін қайта іске қосады. Бұл бағыт 2020 жылы пандемияға байланысты тоқтатылды.
Енді, әуе рейстері аптасына екі рет орындалады. Жолаушыларды Airbus A321LR ұшақтары тасымалдайды.
Қазіргі кезде Алматыдан да Сеулге ұшуға болады. Бұл рейстер 2003 жылы іске қосылды. Жалпы, 22 жылдың ішінде Air Astana "Алматы – Сеул" бағытында шамамен 800 мың жолаушыны тасымалдады.
"Наурыз" бағдарламасына құжат қабылдау аяқталады
Биыл 25 сәуірде Қазақстанда "Наурыз" ипотекалық бағдарламасы басталды. Өтініш қабылдау уақыты – екі ай. Осылайша, маусымның соңында құжат қабылдау аяқталады.
"Наурыз" бағдарламасы аясында тұрғын үйді алғашқы нарықтан, сондай-ақ моноқалалар мен ауылдық елді мекендерде екінші нарықтан сатып алуға болады. Берілтін қарыздың ең жоғарғы мөлшері: Алматы мен Астана қалалары үшін - 36 млн теңгеге дейін, қалған өңірлер үшін – 30 млн теңгеге дейін жетеді.
тұрғын үй кезегінде тұрған азаматтардың әлеуметтік осал санаттары үшін несие бойынша мөлшерлеме - 7%;
азаматтардың барлық санаты үшін несие бойынша мөлшерлеме - 9%;
несие мерзімі - 19 жылға дейін.
Іріктеу кезінде балдық жүйе қолданылады. Ең жоғары ұпай алғандар жеңілдетілген ипотека рәсімдей алады.
депозиттегі сыйақының әрбір 1 мың теңгесі үшін 1 балл;
баспана кезегінде тұрған әлеуметтік осал топтарға – 10 балл;
35 жасқа дейінгі жастарға – 5 балл.
