Атырауда Талдыкөл ауылының тұрғындары эвакуацияланып жатыр

© Photo : Пресс-служба акима Актюбинской области Эвакуация пострадавших в селе Когалы Кобдинского района завершилась
Эвакуация пострадавших в селе Когалы Кобдинского района завершилась - Sputnik Қазақстан, 1920, 25.05.2024
Жазылу
Талдыкөл ауылында 1,2 мыңға жуық тұрғын тұрады
АСТАНА, 25 мамыр – Sputnik. Махамбет ауданының эвакуациялық комиссиясының шешімімен, Талдыкөл ауылының тұрғындарын мәжбүрлі түрде эвакуациялау басталды, деп хабарлайды Sputnik Қазақстан облыстық төтенше жағдайлар жөніндегі жедел штабқа сілтеме жасап.
"Су басу қаупінің күшеюіне байланысты, толық эвакуациялау тұрғындардың қауіпсіздігі үшін жасалып отыр", - делінген штаб хабарламасында.
Тұрғындар Халел Досмұхамедов атындағы Атырау университетінің №1 жатақхана базасындағы эвакопунктке орналасады. Сонымен бірге, өз қалауымен туыстарының үйіне де бара алады.
Қауіпсіздікті қамтамасыз ету мақсатында, Талдыкөл ауылында қорғаныс министрлігінің 59 сарбазы, Төтенше жағдайлар министрлігінің 17 қызметкері және арнайы техникалар жұмылдырылуда.
Бұған дейін хабарлағанымыздай, Талдыкөлде 207 тұрғын Атырау қаласына эвакуацияланып, 422 тұрғын өз қалауларымен туыстарының үйіне орналасқан болатын.
Қазіргі уақытта Талдыкөл ауылында қалған 250 тұрғын толық эвакуациялануда. Айта кетейік, Талдыкөл ауылында 1,2 мыңға жуық тұрғын тұрады.
Жаңалықтар
0