Тың игерудің 70 жылдығы: Астанада мерейтойлық дата аталып өтті
© Sputnik / Санат Имангалиев
Жазылу
Тың игеру Қазақстанды әлемдегі ең ірі астық өндірушіге айналдырды
АСТАНА, 18 мамыр - Sputnik. Астанадағы орыс үйінде тың жерлерді игерудің 70 жылдығы аталып өтті.
1954 жылы қазақстандық тың жерлерді көтеруге Кеңес Одағының түкпір-түкпірінен жастар келді. Соғыстан кейінгі кезеңде елде нан жетіспеді. Азық-түлік қауіпсіздігін қамтамасыз етудің екі жолы болды: игерілген жерлерді өңдеуді күшейту немесе соқа тимеген жерлерді жырту. Сол кезде бүкіл Орталық Азиядағы ең ауқымды аграрлық жоба басталды.
Астанада тың игерудің 70 жылдығы аталып өтті
© Sputnik / Санат Имангалиев
Тың игеруге алғашқы үш жылда одақтың түкпір-түкпірінен 600 мыңнан астам адам келді. Республикада 300-ден астам совхоз пайда болды. Тыңмен бірге елде ауыл шаруашылығы, ғылым және техникалық-материалдық жабдықтар дамыды.
"Целиноградтықтардың жасампаз еңбегінің нәтижесінде елордамыз Астана пайда болды. Сол жылдары ғылым, білім, мәдениет дамуға қандай күшті серпін алды!", - деп бөлісті Астананың құрметті азаматы, белгілі өнертанушы және өлкетанушы Нелли Шиврина.
Астанада тың игерудің 70 жылдығы аталып өтті
© Sputnik / Санат Имангалиев
Өкілдік басшысы Ольга Филонованың пікірінше, тың жерлерді игеру Қазақстан мен Ресей халықтарын жақындастырады.
"Соғыстан кейін барлық жас мұнда жұмыс істеуге келуге тырысты. Ғылым дамыды, ауыл шаруашылығы көтерілді, бидайдың жаңа сорттары пайда болды. Әрине, бұл тек үлкен пайда әкелді", - деп атап өтті орыс үйінің басшысы.
Патриотизм мен өтеусіз еңбекке толы жылдарды сағынышпен еске алу кешіне тың ардагерлері, тыңды басынан бастап көтерген еңбек батырлары шақырылды.
Астанада тың игерудің 70 жылдығы аталып өтті
© Sputnik / Санат Имангалиев
Бүкілодақтық астық шаруашылығы ғылыми-зерттеу институтының (ВНИИЗХ) ғалым-хатшысы Таисия Чиркова тың өлкенің қалыптасуы туралы айтып, Александр Бараев туралы естеліктерімен бөлісті ( ғалым, Қазақ КСР ғылымының еңбек сіңірген қайраткері, Қазақ егіншілік ҒЗИ директоры, топырақты қорғау егіншілік жүйесінің негізін қалаушы - Sputnik).
"Академик Бараев бастаған ВНИИЗХ осы кезеңде ауылшаруашылық мәселелерін шешуде үлкен рөл атқарды. Ол кездегі тіпті адамдар да басқаша болды: сабырлы, қайырымды, қаланың қарбаласынан аулақ еді.Мұны көріп, мен өзім зейнетке шығамын-осында тұрамын деп шештім", - деп еске алады Таисия Ивановна.
Торжественное мероприятие к 70-летию целины прошло в Астане
© Sputnik / Санат Имангалиев
Орыс үйінің фойесінде тың жерлерді игеру кезіндегі естеліктер көрмесі ұйымдастырылды. Көрме кештің ұйымдастырушылары мен қонақтарының жеке коллекциясынан жиналды. Шығармашылық ұжымдар тың игерушілердің сүйікті әндерін орындады.
Торжественное мероприятие к 70-летию целины прошло в Астане
© Sputnik / Санат Имангалиев
