https://sputnik.kz/20240417/astanadagy-kitap-kormesinde-400-reseylik-avtordyn-tuyndylary-usynyldy-43726529.html

Астанадағы кітап көрмесінде 400 ресейлік автордың туындылары ұсынылды

Астанадағы кітап көрмесінде 400 ресейлік автордың туындылары ұсынылды

Sputnik Қазақстан

Ресейлік баспалар өздерімен бірге тағы қандай кітаптар әкелгенін және оқырмандармен тілдесуге қай жазушылар келетінін бөлісті 17.04.2024, Sputnik Қазақстан

2024-04-17T16:56+0500

2024-04-17T16:56+0500

2024-04-17T17:01+0500

кітап

көрме

https://sputnik.kz/img/07e8/04/11/43718005_0:0:1280:720_1920x0_80_0_0_e7206a01fc14074c2085e21c9f62eb12.jpg

АСТАНА, 17 сәуір – Sputnik. Астанада өткен халықаралық кітап көрмесіне Ресей кітап одағының 400-ге жуық туындысы қойылды.Бүгін "Eurasian Book Fair – 2024" VII Еуразиялық халықаралық кітап көрмесінің салтанатты ашылуы өтті. Мұнда Ресейдің ұлттық стенді де көрермен назарына ұсынылды."Жыл сайын біз кітаптармен ғана емес, сонымен қатар өз жазушыларымызбен де келеміз. Стендке 40 баспаның кітабын, 400 туындысын ұсынамыз", - дейді Ресей кітап одағының жоба жетекшісі Алена Новокшонова.Стенд ұйымдастырушылары Ресей табиғаты мен қалалары туралы фотоальбомдарды ерекше атап өтті, сонымен қатар экспонаттар туралы мәліметтерді бөлісті.Оның айтуынша, қазіргі таңда жол нұсқаушы материалға сұраныс артып келеді."Біз сондай-ақ Ресейде жол көрсететін кітаптарды да ұсынамыз, өйткені қазір біздің елде ішкі туризм қарқынды дамып келеді. Сонымен қатар Ресей аймақтары туралы көптеген жаңа ақпарат пайда болып жатыр", - деді ол.Ұйымдастырушының айтуынша, дәстүр бойынша көрмеде орыс тілін шет тілі ретінде меңгеруге көмектесетін әдебиеттер тобы бар."Бізде орыс тілінің әртүрлі деңгейдегі тұтас сөрелері бар, кітаптардан бөлек, Астанада университет оқытушыларымен кездесулер болады. Ол жерде қандай әдіс-тәсілдер қолданылып жатыр, қандай жаңалық бар, қандай оқулықтар шығарылып жатыр, қандай оқу құралдары бар, соны талқылаймыз", - деп бөлісті Алена Новокшонова.Сондай-ақ ол оқырмандар арасында қандай кітаптар үлкен қызығушылық тудыратынын айтты.Ол 30 жастағылар қандай әдебиетті көп оқитынын айтты."Жастардың өздерімен бір жастағы авторларға деген қызығушылығы жоғары. Өйткені ол авторлар олардың дәл қазіргі проблемаларын сипаттайды", - деп түсіндірді ол.Көрмеде дөңгелек үстелдер, презентациялар, сондай-ақ ресейлік жазушылармен кездесулер және кітап шығарудағы жаңа өнімдермен таныстыру жоспарланған.Көрмеге келушілер Александр Мелихов, Евгений Чигрин, Андрей Коровин, Вера Богданова, Яна Вагнер, Рахым Жапаров секілді жазушылар және ақындар тілдесе алады.Sputnik Қазақстан тілшісі ақын Дмитрий Гасинмен сұхбаттасты. Ол кітап шолушысы ретінде де танымал және әлеуметтік желіде блог жүргізеді. Оның айтуынша, ол бүкіл өмірін кітапқа арнаған және биыл шығармашылығына 25 жыл толып отыр."Ақын ретінде мен қазір балалар өлеңдерімен көбірек айналысып жатырмын. Өйткені балалар әдебиеті біздің заманымызда өте қажетті. Бұл үлкен, ересек адамдар оқитын поэзия жазудан әлдеқайда жеңіл екен", - деді Гасин.Кітап көрмесі Астанадағы Конгресс-орталықта 21 сәуірге дейін жалғасады. Мұнда сүйікті туындыны сатып алуға да болады.

2024

Жаңалықтар

kk_KK

кітап, көрме