https://sputnik.kz/20240406/atyrau-qulsarynyn-tagdyryn-qaytalauy-mumkin-akimnin-orynbasary-turgyndarga-undeu-zhasady-43487507.html
"Атырау Құлсарының тағдырын қайталауы мүмкін": әкімнің орынбасары тұрғындарға үндеу жасады
"Атырау Құлсарының тағдырын қайталауы мүмкін": әкімнің орынбасары тұрғындарға үндеу жасады
Sputnik Қазақстан
Ол тұрғындарды жаға бекіту жұмыстарына қатысуға шақырды 06.04.2024, Sputnik Қазақстан
2024-04-06T10:11+0500
2024-04-06T10:11+0500
2024-04-06T10:11+0500
атырау
су тасқыны
https://sputnik.kz/img/517/05/5170575_0:89:1280:809_1920x0_80_0_0_ba13d516241f0a31219f14e1e0318543.jpg
АСТАНА, 6 сәуір - Sputnik. Құлсарыда болып жатқан ахуал өте күрделі, деп жазды Атырау қаласы әкімінің орынбасары Жасұлан Бисембиев.Жылыойлықтар тасқын сумен күреске бел шешпей 2 апта дайындалып, 3 күн бойы қарғын сумен күресті. Бірақ, тілсіз жау қаланы басып кетті.Айтуынша, Орынбор облысындағы Ирикла су қоймасынан Жайыққа жіберілген су Қазақстан аумағында Батыс Қазақстан облысы арқылы Атырауға облыстың Индер, Махамбет аудандарының аумағымен ағып келеді."Индер ауданы бойынша жаға бекіту жұмыстарына 54 арнайы техника, 408 қызметкер жұмылдырылған. Қазір ауданда Жайық өзенінің жағалауындағы қауіпті аумақтарға жалпы ұзындығы 10 км бөгет соғылды. Ол жұмыстарға 37950 дана қапшық пайдаланылды. Тасқынға қарсы күрес жұмыстары жалғасуда", - деді ол.Бисембиевтің мәліметінше, Махамбет ауданы бойынша елді мекендердің судан қорғану бөгеттерінің жалпы ұзындығы – 80 километр. Жайық өзені бойында орналасқан 17 елді мекеннің ішінде 9 қорғану бөгеті осал. Олар Талдыкөл, Бейбарыс, Алға, Махамбет, Сарытоғай, Ескі Сарайшық, Еңбекшіл, Есбол және Ортақшыл ауылдары тұсында.Тасқыннан қорғану үшін 56 мың дана қапшыққа топырақ қапталып, өзен жағалауы бекітілді. Бұл жұмыстарға барлығы 95 техника, 142 қызметкер, 1300 ерікті жұмылдырылды.Оның сөзінше, қазіргі таңда аталған жұмыстарды жалпы саны 5 мыңнан астам адам іске асыруда. Оның ішінде, әкімдіктің және Қорғаныс министрілігінің, Ұлттық ұланның, төтенше жағдайлар, полиция департаменттерінің өкілдері жұмылдырылған. Бұл іске 4 000-ға жуық еріктілер тобы да үлес қосып жатыр. "Бірақ бұл әлі жеткіліксіз. Себебі, бүгін Орынбордағы Ирикла су қоймасы рекордты су көлемін тағы да жіберді. Мұндай су көлемі біздің тарихымызда болмаған! Сондықтан ел болып, бірілігімізді көрсетіп қаламызды апаттан аман алып қалуға жұмылайық. Бізге әр атыраулықтың көмегі керек. Барлығымыз бір кісідей Жайық жағасын көтерейік. Көп түкірсе көл дегендей, әр азамат бір қапшық құмды жағаға әкелсе, үлкен бекет болары сөзсіз", - деп үндеді әкім орынбасары.Ол тұрғындарды жаға бекіту жұмыстарына қатысуға шақырды.
атырау
Sputnik Қазақстан
media@sputniknews.com
+74956456601
MIA „Rosiya Segodnya“
2024
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
атырау, су тасқыны
"Атырау Құлсарының тағдырын қайталауы мүмкін": әкімнің орынбасары тұрғындарға үндеу жасады
Ол тұрғындарды жаға бекіту жұмыстарына қатысуға шақырды
АСТАНА, 6 сәуір - Sputnik. Құлсарыда болып жатқан ахуал өте күрделі, деп жазды Атырау қаласы әкімінің орынбасары Жасұлан Бисембиев.
Жылыойлықтар тасқын сумен күреске бел шешпей 2 апта дайындалып, 3 күн бойы қарғын сумен күресті. Бірақ, тілсіз жау қаланы басып кетті.
"Атырау қаласы да бұл тағдырды қайталауы мүмкін. Су басу қаупі Орынбор, Орал қалаларынан кем болмайды деген болжам бар. Әлбетте әкімдік дайындалуда, бес күннен бері өңірдің ең үлкен 20 құрылыс компаниясы және алты ірі мұнай компаниялары жағаларды бекітуге, қорғау дамбаларын салуға жұмылдырылды. Қажетті материалдардың резервін дайындалып, инертті заттар жинақталды", - деп жазды Бисембиев әлеуметтік желідегі парақшасында.
Айтуынша, Орынбор облысындағы Ирикла су қоймасынан Жайыққа жіберілген су Қазақстан аумағында Батыс Қазақстан облысы арқылы Атырауға облыстың Индер, Махамбет аудандарының аумағымен ағып келеді.
"Индер ауданы бойынша жаға бекіту жұмыстарына 54 арнайы техника, 408 қызметкер жұмылдырылған. Қазір ауданда Жайық өзенінің жағалауындағы қауіпті аумақтарға жалпы ұзындығы 10 км бөгет соғылды. Ол жұмыстарға 37950 дана қапшық пайдаланылды. Тасқынға қарсы күрес жұмыстары жалғасуда", - деді ол.
Бисембиевтің мәліметінше, Махамбет ауданы бойынша елді мекендердің судан қорғану бөгеттерінің жалпы ұзындығы – 80 километр. Жайық өзені бойында орналасқан 17 елді мекеннің ішінде 9 қорғану бөгеті осал. Олар Талдыкөл, Бейбарыс, Алға, Махамбет, Сарытоғай, Ескі Сарайшық, Еңбекшіл, Есбол және Ортақшыл ауылдары тұсында.
Тасқыннан қорғану үшін 56 мың дана қапшыққа топырақ қапталып, өзен жағалауы бекітілді. Бұл жұмыстарға барлығы 95 техника, 142 қызметкер, 1300 ерікті жұмылдырылды.
"Ал, Жайық өзенінің құяр сағасындағы Атырау қаласында барлығы 12 аумақта жаға бекіту жұмыстарын 172 техника жүзеге асыруда. Қазір жаға бекіту бойыша 2 метр биіктікте жалпы ұзындығы 7 км бөгеттер салынды. Жұмыста барлығы 100 000 дана қапшық пайдаланылды. Жұмыстар жалғасуда", - деді әкім орынбасары.
Оның сөзінше, қазіргі таңда аталған жұмыстарды жалпы саны 5 мыңнан астам адам іске асыруда. Оның ішінде, әкімдіктің және Қорғаныс министрілігінің, Ұлттық ұланның, төтенше жағдайлар, полиция департаменттерінің өкілдері жұмылдырылған. Бұл іске 4 000-ға жуық еріктілер тобы да үлес қосып жатыр.
"Бірақ бұл әлі жеткіліксіз. Себебі, бүгін Орынбордағы Ирикла су қоймасы рекордты су көлемін тағы да жіберді. Мұндай су көлемі біздің тарихымызда болмаған! Сондықтан ел болып, бірілігімізді көрсетіп қаламызды апаттан аман алып қалуға жұмылайық. Бізге әр атыраулықтың көмегі керек. Барлығымыз бір кісідей Жайық жағасын көтерейік. Көп түкірсе көл дегендей, әр азамат бір қапшық құмды жағаға әкелсе, үлкен бекет болары сөзсіз", - деп үндеді әкім орынбасары.
Ол тұрғындарды жаға бекіту жұмыстарына қатысуға шақырды.
