Тайваньда кейінгі 25 жылдағы ең жойқын жер сілкінісі болды – фото

Тайваньның шығыс жағалауына жақын жерде сейсмологтар қатарынан үш жойқын жер сілкінісін тіркеді.

Жапонияның бас метеорологиялық агенттігінің мәліметі бойынша магнитудасы 7,7 болатын бірінші жер сілкінісі Жапония уақыты бойынша сағат 8:58-де Тайваньның шығыс жағалауында болды. Жер сілкінісінің тереңдігі әлі анықталған жоқ, тек оның су астында "өте таяз тереңдікте" болғаны белгілі болды.

Суретте: Қытайдың шығысындағы Тайваньдағы Хуалян қаласындағы жер сілкінісінен кейін қисайып тұрған ғимараттың жанындағы іздеу-құтқару тобының мүшелері.

Арада 15 минут өтпей жатып, магнитудасы 6,6 болатын тағы бір жер сілкінісі болды. Жер сілкінісінің тереңдігі тағы да "өте таяз" екені анықталды.

Суретте: Қытайдың шығысындағы Тайваньдағы Хуалян қаласында жер сілкінісі болғаннан кейін іздестіру-құтқару тобының мүшелері қисайған ғимарат ішінде зардап шеккендерді іздеуде.

Сол аймақта 9.35-те магнитудасы 6,3 болатын үшінші жер сілкінісі тіркелді. Жер сілкінісінің ошағы су астында 20 шақырым тереңдікте орналасқан.

Суретте: Тайбэйдегі (Тайвань, Қытай) жер сілкінісі салдарынан қозғалыс тоқтатылғаннан кейін жолаушылар пойызға мініп жатыр.

Жерасты дүмпулері Жапонияның оңтүстігіндегі Окинава префектурасында да сезілді. Жер сілкінісінен кейін Окинава, Мияко және Яеяма аралдары тобына цунами қаупі төнді. Мамандар толқынның биіктігі үш метрге жетуі мүмкін екенін жоққа шығармайды.

Суретте: Токио, Жапония жаңалықтарында Тайвань маңындағы жойқын жер сілкінісінен кейінгі цунами туралы ескерту айтылып жатыр.

Жапонияның оңтүстігіндегі Окинава аралындағы Наха әуежайы аймақта цунами қаупі жарияланғаннан кейін ұшақтарды қабылдауды және ұшыруды уақытша тоқтатты. Сонымен қатар терминалдағы адамдар ғимараттың үшінші қабатына көшірілді.

Әлеуметтік желіде жарияланған Тайваньдағы суретте бүлінген ғимараттар көрсетілген.

Тайваньда жер сілкінісінен кейін интернет жұмысында ақаулар басталды.

Суретте: Қытайдың шығысындағы Тайваньның Хуалян қаласындағы жер сілкінісінен кейін қисайып тұрған ғимараттың жанындағы іздеу-құтқару тобының мүшелері.

Тайвань аралынан табиғи апат салдарынан қаза тапқандар мен зардап шеккендер туралы алғашқы ақпарат келді.

Суретте: Қытайдың шығысындағы Тайваньның Хуалян қаласындағы жер сілкінісінен кейін қисайып тұрған ғимараттың маңында жұмыс істеп жатқан өрт сөндірушілер жанында тұрған үкімет қызметкерлері мен журналистер.