https://sputnik.kz/20240329/bishimbaev-ony-oltirip-qoydym-ba-dep-qaytalay-berdi-sotta-kuagerlerden-zhauap-alyndy-43292130.html
"Бишімбаев "Оны өлтіріп қойдым ба?" деп қайталай берді": сотта куәгерлерден жауап алынды
"Бишімбаев "Оны өлтіріп қойдым ба?" деп қайталай берді": сотта куәгерлерден жауап алынды
Sputnik Қазақстан
Астананың қылмыстық істер жөніндегі мамандандырылған ауданаралық сотында бұрынғы ұлттық экономика министрі Қуандық Бишімбаевқа қатысты қылмыстық іс қаралып... 29.03.2024, Sputnik Қазақстан
2024-03-29T19:20+0500
2024-03-29T19:20+0500
2024-03-29T19:20+0500
қуандық бишімбаев
сот отырысы
https://sputnik.kz/img/07e8/03/1b/43229185_0:10:904:519_1920x0_80_0_0_0d7b0f94055e4036f087108a60947f32.jpg
АЛМАТЫ, 29 наурыз - Sputnik. Сот процесінде куәгерлерден жауап алынып жатыр."Гастроцентр" орталығын жалдау бөлімінің бұрынғы басшысы Қалмұрат Молдақаш сотталушы Бақытжан Байжановтың тапсырмасымен орталықтың барлық бақылау камерасынан жазбаларды түгел алып тастағанын айтты. Сондай-ақ куәгер Молдақаш айыпталушы Байжановтың өтінішімен дәріханадан аммиак сатып алған.Салтанат Нүкенова қайтыс болған күні Гастроцентрдің бірінші қабаты ғана жұмыс істеген, ал бірінші қабаттың әкімшісінің айтуынша, "BAU" мейрамханасы орналасқан екінші қабатта 9 қарашада санитариялық күн болған.Куәгердің айтуынша, ол қайғылы оқиғадан кейін бір айдан кейін жұмыстан шығып кеткен. Жұмыстан шығуына оның принциптеріне қайшы келетін мекеме тұжырымдамасының өзгеруі себеп болған.Куәгер Молдақаш Нүкенованы "көңілді және мейірімді болды" деп сипаттады."Мен онымен (Салтанат Нүкеновамен. - Sputnik) таныс емеспін. Тек келген кезде ғана көргенім бар. Ол көңілді және мейірімді болып көрінді", - деп сипаттайды куәгер.Байжановтың бейнежазбаларды жою туралы тапсырмасын Қалмұрат Молдақашқа жеткізген гастроорталықтың бірінші қабатының әкімшісі Гүлзада Смайлова кісі өлімінен кейін бір айдан соң жұмыстан шығып кеткен."Орталықтың бірінші қабатындағы фудкорт жабылды, сондықтан мен жұмыстан шығып кеттім", - дейді куәгер Смайлова.Үшінші куәгер 9 қарашада ауысымда болған Bau мейрамханасының бұрынғы бар-менеджері Абылайхан Ерденов те айғақ берді."9 қарашада мен ауысымға кірген кезде бірінші вип-кабинаға кірмеу керектігін айтты, өйткені ол жерде Бишімбаев бар деді. Сондай-ақ орталық әкімшісі мейрамхана сол күні жұмыс істемейтінін айтты, өйткені санитариялық күн. Сондықтан мен бірінші қабаттан барменмен ауыстым.Кешкі жетіге қарай Байжанов маған қоңырау шалып, тез көтерілу керектігін айтты. Мен көтерілгенде, қолында пышағы бар Қуандық Бишімбаевты көрдім. Ол дәретханаға кетті, біз (Байжановпен бірге – Sputnik) оның артынан барып, пышақты алып алдық. Бишімбаев қарсылық көрсетпеді, мас күйде болды. "Не үшін бұлай істедім? Мен оны өлтіріп қойдым ба?" деп Бишімбаев қайталай берді", - дейді куәгер.Бүгін, 29 наурызда сот талқылауы барысында жәбірленуші тараптан жауап алынды, онда қаза тапқан Салтанат Нүкенованың туған ағасы Айтбек Амангелді сөз сөйледі.Жәбірленуші тараптан жауап алғаннан кейін Қуандық Бишімбаев Нүкенованың ағасының сөздеріне түсініктеме беруге ниет білдірді.Айыпталушыны қорғаушы тарап Қуандық Бишімбаевтан белгіленген мерзімнен бұрын жауап алу үшін дәлелдемелерді зерттеу тәртібін өзгерту туралы өтініш білдірді. Салтанат Нүкенованың ағасының сөзіне түсініктеме беру ниетін сотталушының өзі білдірді."Сіз (сот. - Sputnik) сот процесінің тәртібін нақтыладыңыз, сотталушы кез келген уақытта өз айғақтарын бере алатынын анықтады. Сондықтан жәбірленушінің айғақ бергенін ескере отырып, Қуандық Бишімбаевтан жауап алуды сұраймыз", - деді адвокат Назкен Құсайынова.Бұған прокурор Айжан Аймағанова қарсы болды. Оның айтуынша, жоспар бойынша отырысқа куәгерлер келді, олар сағат 10.00-ден бастап айғақ беру үшін өз кезектерін күтіп тұр.Судья Айжан Құлбаева Бишімбаевты қорғау тарапының өтінішін қанағаттандырмады. Ол адвокаттар барлық куәгерлерден жауап алғаннан кейін тәртіпті өзгерту туралы қайта өтініш бере алатынын айтты.Еске сала кетейік, Қуандық Бишімбаев өзінің азаматтық әйелі Салтанат Нүкенованы аса қатыгездікпен өлтірді деп айыпталуда. Тергеу мәліметтері бойынша, Бишімбаев әйелін бірнеше сағат бойы өзінің мейрамханасында ұрып-соққан.Аса қатыгездікпен адам өлтіру бабы бойынша Бишімбаевқа 15 жылдан 20 жылға дейін бас бостандығынан айыру қаупі төніп тұр.Сотталушылардың орындығында оның туысы Бақытжан Байжанов та отыр, ол қылмысты жасырды деген күдікке ілінді.Процеске судья Айжан Құлбаева төрағалық етуде.
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
қуандық бишімбаев, сот отырысы
қуандық бишімбаев, сот отырысы
"Бишімбаев "Оны өлтіріп қойдым ба?" деп қайталай берді": сотта куәгерлерден жауап алынды
Астананың қылмыстық істер жөніндегі мамандандырылған ауданаралық сотында бұрынғы ұлттық экономика министрі Қуандық Бишімбаевқа қатысты қылмыстық іс қаралып жатыр
АЛМАТЫ, 29 наурыз - Sputnik. Сот процесінде куәгерлерден жауап алынып жатыр.
"Гастроцентр" орталығын жалдау бөлімінің бұрынғы басшысы Қалмұрат Молдақаш сотталушы Бақытжан Байжановтың тапсырмасымен орталықтың барлық бақылау камерасынан жазбаларды түгел алып тастағанын айтты. Сондай-ақ куәгер Молдақаш айыпталушы Байжановтың өтінішімен дәріханадан аммиак сатып алған.
"Мен аммиакты Гастроцентр орталығының жанындағы дәріханадан сатып алдым. Сағат 16:00-ге таман мен оны Байжановқа әкелдім. Оны BAU мейрамханасының барынан алып кетті", - деді ол.
Салтанат Нүкенова қайтыс болған күні Гастроцентрдің бірінші қабаты ғана жұмыс істеген, ал бірінші қабаттың әкімшісінің айтуынша, "BAU" мейрамханасы орналасқан екінші қабатта 9 қарашада санитариялық күн болған.
Куәгердің айтуынша, ол қайғылы оқиғадан кейін бір айдан кейін жұмыстан шығып кеткен. Жұмыстан шығуына оның принциптеріне қайшы келетін мекеме тұжырымдамасының өзгеруі себеп болған.
Куәгер Молдақаш Нүкенованы "көңілді және мейірімді болды" деп сипаттады.
"Мен онымен (Салтанат Нүкеновамен. - Sputnik) таныс емеспін. Тек келген кезде ғана көргенім бар. Ол көңілді және мейірімді болып көрінді", - деп сипаттайды куәгер.
Байжановтың бейнежазбаларды жою туралы тапсырмасын Қалмұрат Молдақашқа жеткізген гастроорталықтың бірінші қабатының әкімшісі Гүлзада Смайлова кісі өлімінен кейін бір айдан соң жұмыстан шығып кеткен.
"Орталықтың бірінші қабатындағы фудкорт жабылды, сондықтан мен жұмыстан шығып кеттім", - дейді куәгер Смайлова.
Үшінші куәгер 9 қарашада ауысымда болған Bau мейрамханасының бұрынғы бар-менеджері Абылайхан Ерденов те айғақ берді.
"9 қарашада мен ауысымға кірген кезде бірінші вип-кабинаға кірмеу керектігін айтты, өйткені ол жерде Бишімбаев бар деді. Сондай-ақ орталық әкімшісі мейрамхана сол күні жұмыс істемейтінін айтты, өйткені санитариялық күн. Сондықтан мен бірінші қабаттан барменмен ауыстым.
Кешкі жетіге қарай Байжанов маған қоңырау шалып, тез көтерілу керектігін айтты. Мен көтерілгенде, қолында пышағы бар Қуандық Бишімбаевты көрдім. Ол дәретханаға кетті, біз (Байжановпен бірге – Sputnik) оның артынан барып, пышақты алып алдық. Бишімбаев қарсылық көрсетпеді, мас күйде болды. "Не үшін бұлай істедім? Мен оны өлтіріп қойдым ба?" деп Бишімбаев қайталай берді", - дейді куәгер.
Бүгін, 29 наурызда сот талқылауы барысында жәбірленуші тараптан жауап алынды, онда қаза тапқан Салтанат Нүкенованың туған ағасы Айтбек Амангелді сөз сөйледі.
Жәбірленуші тараптан жауап алғаннан кейін Қуандық Бишімбаев Нүкенованың ағасының сөздеріне түсініктеме беруге ниет білдірді.
Айыпталушыны қорғаушы тарап Қуандық Бишімбаевтан белгіленген мерзімнен бұрын жауап алу үшін дәлелдемелерді зерттеу тәртібін өзгерту туралы өтініш білдірді. Салтанат Нүкенованың ағасының сөзіне түсініктеме беру ниетін сотталушының өзі білдірді.
"Сіз (сот. - Sputnik) сот процесінің тәртібін нақтыладыңыз, сотталушы кез келген уақытта өз айғақтарын бере алатынын анықтады. Сондықтан жәбірленушінің айғақ бергенін ескере отырып, Қуандық Бишімбаевтан жауап алуды сұраймыз", - деді адвокат Назкен Құсайынова.
Бұған прокурор Айжан Аймағанова қарсы болды. Оның айтуынша, жоспар бойынша отырысқа куәгерлер келді, олар сағат 10.00-ден бастап айғақ беру үшін өз кезектерін күтіп тұр.
Судья Айжан Құлбаева Бишімбаевты қорғау тарапының өтінішін қанағаттандырмады. Ол адвокаттар барлық куәгерлерден жауап алғаннан кейін тәртіпті өзгерту туралы қайта өтініш бере алатынын айтты.
Еске сала кетейік, Қуандық Бишімбаев өзінің азаматтық әйелі Салтанат Нүкенованы аса қатыгездікпен өлтірді деп айыпталуда. Тергеу мәліметтері бойынша, Бишімбаев әйелін бірнеше сағат бойы өзінің мейрамханасында ұрып-соққан.
Аса қатыгездікпен адам өлтіру бабы бойынша Бишімбаевқа 15 жылдан 20 жылға дейін бас бостандығынан айыру қаупі төніп тұр.
Сотталушылардың орындығында оның туысы Бақытжан Байжанов та отыр, ол қылмысты жасырды деген күдікке ілінді.
Процеске судья Айжан Құлбаева төрағалық етуде.
