https://sputnik.kz/20240302/oraza-bir-apta-qaldy-neni-bilu-qazhet-42621850.html
Оразаға бір апта қалды: нені білу қажет
Оразаға бір апта қалды: нені білу қажет
Sputnik Қазақстан
Балиғат жасына толған, ақыл-есі дұрыс әрбір мұсылманға Рамазан айында ораза ұстау – парыз
2024-03-02T10:49+0500
2024-03-02T10:49+0500
2024-03-02T10:49+0500
дерекқор
ораза
рамазан айы
2024 жыл
https://sputnik.kz/img/07e5/0b/19/18754835_0:0:3640:2048_1920x0_80_0_0_0e1941edab826f37c49c58f19e6fa21f.jpg
Рамазан айының басталуы, оразаның пайдасы мен оны бұзатын әрекеттер туралы толығырақ Sputnik Қазақстан дерекқорынан оқыңыз.Мұсылман күнтізбесіндегі қасиетті айлардың бірі әрі бірегейі – Рамазан айы. Оның ерекшелігі сол – мұсылмандар бір ай бойы ораза ұстайды. Рамазан айында мың айдан да қайырлы Қадір түнін қарсы алады.Рамазан – мейірімділік пен қайырымдылық, сабырлық пен кешірімділік айы.Ораза қашан басталады2024 жылы ораза 11 наурызда басталады. Яғни мұсылмандар 11 наурызға қараған түні сәресіне тұрып, ауыз бекітеді.Ал 9 сәуір – Рамазан айының соңғы күні.Барша мұсылман үшін оразаның аяқталғанын білдіретін ұлық мейрам Ораза айт 10 сәуірде болады.Қасиетті Қадір түні 5-нен 6 сәуірге қараған түнге түсіп тұр.Ораза кімдерге парызШариғат бойынша балиғат жасына келген, ақыл-есі дұрыс әрбір мұсылманға Рамазан айында ораза ұстау – парыз.Алайда қасиетті айда мына адамдарға ораза тұту міндет емес. Олар:Сәресі мен ауызашарда оқылатын дұғаОраза ұстауға ниет еткен мұсылмандар сәресіде "Алланың разылығы үшін Рамазан айының оразасын таң атқаннан күн батқанға дейін ұстауға ниет еттім" дейді.Ал ауызашар кезде "Жаратушы ием! Сенің разылығың үшін ораза ұстадым, Саған иман келтірдім, Саған тәуекел еттім. Сен берген ризық-несібеңмен ауыз аштым. Уа, Кешірімді Алла! Менің өткен және келешек күнәларымды кешіре көр!" дейді.Оразаны не бұзадыМұндай жағдайларда каффарат оразасын ұстау қажет.Каффарат дегеніміз – Рамазан айының оразасын себепсізден-себепсіз бұзып жіберген жағдайда екі ай ораза ұстау, егер оған шамасы келмесе алпыс кедейді тамақтандыру.Оразаның пайдасыЖалпы оразаның адамның тәні мен жанына, рухани өміріне пайдасы зор. Ең алдымен, мұсылман баласы ауыз бекіту арқылы Аллаға бойұсынуды үйренеді. Оразаның көмегімен бойындағы жағымсыз қасиеттер мен әдеттерден арылады.Ораза адамды сабырлық пен төзімділікке тәрбиелейді, өз нәпсісімен күресуді үйретеді. Ардақты Пайғамбарымыз (оған Алланың салауаты мен сәлемі болсын) бір хадисінде: "Ораза – сабырдың жартысы" деген.Ораза адамның зейінін тазартып, жақсы ойларға жетелейді. Пенденің бойында мейірімділік, жанашырлық, бауырмалдық сезімдерін оятып, жетім-жесірге қол ұшын созуға тәрбиелейді. Рамазанда берілетін пітір садақа, ауызашар дастарханы, қайырымдылық бағытта жасалған барлық амал мұсылмандардың бір-біріне деген мейірімі мен сүйіспеншілігін арттырады.Бұдан бөлек бір ай бойы ораза тұтқан адамның ағзасы артық және зиянды нәрселерден тазарады.Рамазан – шүкіршілік айы. Ораза, тіпті, бір жұтым су мен бір үзім нанның қадірін сездіреді.
https://sputnik.kz/20230326/ramazan-ayy-oraza-adam-neden-tyyyluy-kerek-33271655.html
Sputnik Қазақстан
media@sputniknews.com
+74956456601
MIA „Rossiya Segodnya“
2024
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
ораза 2024 рамазан айы 2024 ауызашар кесте
ораза 2024 рамазан айы 2024 ауызашар кесте
Оразаға бір апта қалды: нені білу қажет
Балиғат жасына толған, ақыл-есі дұрыс әрбір мұсылманға Рамазан айында ораза ұстау – парыз
Рамазан айының басталуы, оразаның пайдасы мен оны бұзатын әрекеттер туралы толығырақ
Sputnik Қазақстан дерекқорынан оқыңыз.
Мұсылман күнтізбесіндегі қасиетті айлардың бірі әрі бірегейі – Рамазан айы. Оның ерекшелігі сол – мұсылмандар бір ай бойы ораза ұстайды. Рамазан айында мың айдан да қайырлы Қадір түнін қарсы алады.
Рамазан – мейірімділік пен қайырымдылық, сабырлық пен кешірімділік айы.
2024 жылы ораза 11 наурызда басталады. Яғни мұсылмандар 11 наурызға қараған түні сәресіне тұрып, ауыз бекітеді.
Ал 9 сәуір – Рамазан айының соңғы күні.
Барша мұсылман үшін оразаның аяқталғанын білдіретін ұлық мейрам Ораза айт 10 сәуірде болады.
Қасиетті Қадір түні 5-нен 6 сәуірге қараған түнге түсіп тұр.
Шариғат бойынша балиғат жасына келген, ақыл-есі дұрыс әрбір мұсылманға Рамазан айында ораза ұстау – парыз.
Алайда қасиетті айда мына адамдарға ораза тұту міндет емес. Олар:
жүкті немесе омырауда баласы бар әйелдер.
Сәресі мен ауызашарда оқылатын дұға
Ораза ұстауға ниет еткен мұсылмандар сәресіде "Алланың разылығы үшін Рамазан айының оразасын таң атқаннан күн батқанға дейін ұстауға ниет еттім" дейді.
Ал ауызашар кезде "Жаратушы ием! Сенің разылығың үшін ораза ұстадым, Саған иман келтірдім, Саған тәуекел еттім. Сен берген ризық-несібеңмен ауыз аштым. Уа, Кешірімді Алла! Менің өткен және келешек күнәларымды кешіре көр!" дейді.
ораза ұстағанын біле тұра ішіп-жеу;
темекі тарту, насыбай ату, дәрі ішу, құрамында нәрлі заттары бар укол қабылдау;
аузындағы жаңбыр тамшыларын әдейі жұту;
әйелімен жақындасу (яғни, таң намазынан ақшам намазына дейін жақындасу оразаны бұзады);
себепсіз қорек немесе қоректік қасиеті бар барлық затты әдейілеп жеу.
Мұндай жағдайларда каффарат оразасын ұстау қажет.
Каффарат дегеніміз – Рамазан айының оразасын себепсізден-себепсіз бұзып жіберген жағдайда екі ай ораза ұстау, егер оған шамасы келмесе алпыс кедейді тамақтандыру.
Жалпы оразаның адамның тәні мен жанына, рухани өміріне пайдасы зор. Ең алдымен, мұсылман баласы ауыз бекіту арқылы Аллаға бойұсынуды үйренеді. Оразаның көмегімен бойындағы жағымсыз қасиеттер мен әдеттерден арылады.
Ораза адамды сабырлық пен төзімділікке тәрбиелейді, өз нәпсісімен күресуді үйретеді. Ардақты Пайғамбарымыз (оған Алланың салауаты мен сәлемі болсын) бір хадисінде: "Ораза – сабырдың жартысы" деген.
Ораза адамның зейінін тазартып, жақсы ойларға жетелейді. Пенденің бойында мейірімділік, жанашырлық, бауырмалдық сезімдерін оятып, жетім-жесірге қол ұшын созуға тәрбиелейді. Рамазанда берілетін пітір садақа, ауызашар дастарханы, қайырымдылық бағытта жасалған барлық амал мұсылмандардың бір-біріне деген мейірімі мен сүйіспеншілігін арттырады.
Бұдан бөлек бір ай бойы ораза тұтқан адамның ағзасы артық және зиянды нәрселерден тазарады.
Рамазан – шүкіршілік айы. Ораза, тіпті, бір жұтым су мен бір үзім нанның қадірін сездіреді.
