https://sputnik.kz/20240118/qandalany-ulaymyn-dep-balalardy-oltirgen-ayelge-qatysty-sot-ukimi-shyqty-41658540.html

Қандаланы улаймын деп балаларды өлтірген әйелге қатысты сот үкімі шықты

Қандаланы улаймын деп балаларды өлтірген әйелге қатысты сот үкімі шықты

Sputnik Қазақстан

Сотталушы өз кінәсін толық мойындады 18.01.2024, Sputnik Қазақстан

2024-01-18T16:48+0500

2024-01-18T16:48+0500

2024-01-18T16:48+0500

ақтау

https://sputnik.kz/img/150/02/1500244_0:58:1280:778_1920x0_80_0_0_e32ff9ffed0749023afa701b44bf620c.jpg

АСТАНА, 18 қаңтар – Sputnik. Ақтауда қандаланы улаймын деп екі кішкентай баланы өліміне себепші болған қала тұрғыны бес жылға сотталды. Бұл туралы Маңғыстау облыстық сотының баспасөз қызметіне сілтеме жасап Aktau.kz хабарлады.Әйелге санитарлық ережелерді бұзып, абайсызда көршінің екі баласын өлтірді деген айып тағылды.2022 жылдың қазан айында көршісі зиянкестермен күресу үшін қабылдаған әрекеттерден кейін жеті адамнан тұратын отбасы уланғаны белгілі болды. Оқиға салдарынан 2021 және 2022 жылы туған екі бала қайтыс болды.Санитарлық эпидемиологтар анықтағандай, әйел адам қандалаға қарсы құралды Алматының жайма базарынан сатып алған. Ол затты қолдануды бастаған кезде жақын жерде тұратын адамдарға ескертпеген.Бүгін, 18 қаңтарда сот айыпталушыға қатысты үкім шығарғаны белгілі болды. Қазақстан Республикасы Қылмыстық кодексінің 304-бабының 3-бөлігімен (Екі немесе одан да көп адамның өліміне әкеп соққан санитарлық ережелерді немесе гигиеналық нормаларды бұзу) іс қаралды.Прокурор сотталушыны кінәлі деп тауып, бес жылға бас бостандығынан айыруды сұрады. Адвокат жазаны жеңілдететін мән-жайларды және қылмыс абайсызда жасалғанын ескере отырып, бас бостандығынан айырмайтын жаза тағайындауды сұрады.Сотталушы өз кінәсін мойындап, жасаған қылмысына өкінді.Сот прокурордың ұсынысын қолдап, әйелді бес жылға бас бостандығынан айырды.

ақтау

2024

Жаңалықтар

kk_KK

ақтау