https://sputnik.kz/20231212/meni-yadrolyq-apat-qaupi-alandatyp-otyr--nazarbaev-40867967.html
Мені ядролық апат қаупі алаңдатып отыр – Назарбаев
Мені ядролық апат қаупі алаңдатып отыр – Назарбаев
Sputnik Қазақстан
Нұрсұлтан Назарбаев кейінгі ондаған жыл ішінде Қазақстан көптеген дағдарыстың сәтті шешілуіне дәнекер болғанын атап өтті 12.12.2023, Sputnik Қазақстан
2023-12-12T19:53+0500
2023-12-12T19:53+0500
2023-12-12T19:53+0500
қазақстан
назарбаев
ядролық қарусыздандыру
https://sputnik.kz/img/07e5/0b/11/18683102_0:0:3065:1725_1920x0_80_0_0_ec2c50f4c3bef2563efb16bebe8f9d4c.jpg
АСТАНА, 12 желтоқсан – Sputnik. Жаһандық қақтығыстың алдын алу үшін әлемдік саясатта диалог құрудан басқа жол жоқ. Бұл туралы Қазақстанның тұңғыш президенті "Астана клубының" пленарлық отырысында айтты, деп хабарлады Nazarbayev.kz.Назарбаев халықаралық аренадағы текетірестердің күшеюі, санкциялық шектеулердің салдарынан әлемдің экономикада микродағдарыстардың көбеюі, климаттың өзгеруі, сондай-ақ ядролық қауіпті төмендетуге қатысты ынтымақтастықтың әлсіреуі сынды себептер жаңа геосаяси ахуалдың қалыптасуына негіз болғанын жеткізді.Ол болашақта тікетірес күшейе түсуі мүмкін екенін ескере отырып, ядролық қаруды таратпау және қарусыздану мәселесіне ядролық қаруға қарсы қозғалыстың барлық қатысушысы белсене атсалысуы қажеттігін атап өтті. Осы процеске "Астана клубы" пікірсайыс алаңы да қомақты үлес қоса алатынын жеткізді."Өздеріңіз білесіздер, мен 2019 жылы наурыз айында өз еркіммен Қазақстан президенттігінен кеттім, қазір ешқандай лауазым атқармаймын. Алайда саналы ғұмырын еліне қызмет етуге арнаған, қашанда маңызды оқиғалардың ортасында жүрген адам ретінде өзіміз, балаларымыз бен немерелеріміз өмір сүретін әлемнің жай-күйіне, болашағына әркез алаңдаймын. Жаһандық қақтығыстың алдын алу үшін әлемдік саясатта диалог құрудан басқа жол жоқ екеніне сенімдімін", – деді Назарбаев.Қазақстанның тұңғыш президенті қатысушыларға өте күрделі жағдайда да бітімгерлік шешім табуға болатынын жеткізе отырып, соның айқын көрінісі ретінде Ресей мен Түркия арасындағы "ұшақ дағдарысы", қазақстандық дипломаттардың күш-жігерінің арқасында бастау алған "Сирия процесі" сынды тарихи оқиғаларды тілге тиек етті."Жалпы, кейінгі ондаған жыл ішінде Қазақстан көптеген дағдарыстың сәтті шешілуіне дәнекер болды. Оның бәрін бір кездесу аясында қамту мүмкін емес. Соңғы 30 жылда сыртқы саясатта болған ең ауқымды оқиғалар туралы толығырақ менің желтоқсан айының басында жарияланған естеліктерімде жан-жақты айтылды. Бұл еңбек үлкен қызығушылық тудырды, шетелдік баспалардан да оны ағылшын тіліне аударуға ұсыныстар түсіп жатыр. Кітап жақын арада жаһандық аудиторияға жетеді деп ойлаймын", – деді Назарбаев.Сөз соңында экс-президент өзара ымырашылдық пен парасатты қада арқылы ғана әлемдік қоғамдастық шиеленіс шеңберінен шығатын жол таба алатынына сенім білдірді.
қазақстан
Sputnik Қазақстан
media@sputniknews.com
+74956456601
MIA „Rossiya Segodnya“
2023
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
қазақстан, назарбаев, ядролық қарусыздандыру
қазақстан, назарбаев, ядролық қарусыздандыру
Мені ядролық апат қаупі алаңдатып отыр – Назарбаев
Нұрсұлтан Назарбаев кейінгі ондаған жыл ішінде Қазақстан көптеген дағдарыстың сәтті шешілуіне дәнекер болғанын атап өтті
АСТАНА, 12 желтоқсан – Sputnik. Жаһандық қақтығыстың алдын алу үшін әлемдік саясатта диалог құрудан басқа жол жоқ. Бұл туралы Қазақстанның тұңғыш президенті "Астана клубының" пленарлық отырысында айтты, деп хабарлады
Nazarbayev.kz. Назарбаев халықаралық аренадағы текетірестердің күшеюі, санкциялық шектеулердің салдарынан әлемдің экономикада микродағдарыстардың көбеюі, климаттың өзгеруі, сондай-ақ ядролық қауіпті төмендетуге қатысты ынтымақтастықтың әлсіреуі сынды себептер жаңа геосаяси ахуалдың қалыптасуына негіз болғанын жеткізді.
"Еліміз ядролық қарусыздану ісіне елеулі үлес қосты. Мені ядролық апат қаупі алаңдатып отыр. Бұл орайда, жаһандық деңгейдегі саяси ерік-жігерсіз нақты прогреске қол жеткізу мүмкін емес. Сол үшін мен 2019 жылы қарашада өткен "Астана клубының" бесінші отырысында Ядролық қауіпсіздік және ядролық қарудан азат әлем үшін жаһандық көшбасшылық альянсын (GAL) құруды ұсындым", – деді экс-президент.
Ол болашақта тікетірес күшейе түсуі мүмкін екенін ескере отырып, ядролық қаруды таратпау және қарусыздану мәселесіне ядролық қаруға қарсы қозғалыстың барлық қатысушысы белсене атсалысуы қажеттігін атап өтті. Осы процеске "Астана клубы" пікірсайыс алаңы да қомақты үлес қоса алатынын жеткізді.
"Өздеріңіз білесіздер, мен 2019 жылы наурыз айында өз еркіммен Қазақстан президенттігінен кеттім, қазір ешқандай лауазым атқармаймын. Алайда саналы ғұмырын еліне қызмет етуге арнаған, қашанда маңызды оқиғалардың ортасында жүрген адам ретінде өзіміз, балаларымыз бен немерелеріміз өмір сүретін әлемнің жай-күйіне, болашағына әркез алаңдаймын. Жаһандық қақтығыстың алдын алу үшін әлемдік саясатта диалог құрудан басқа жол жоқ екеніне сенімдімін", – деді Назарбаев.
Қазақстанның тұңғыш президенті қатысушыларға өте күрделі жағдайда да бітімгерлік шешім табуға болатынын жеткізе отырып, соның айқын көрінісі ретінде Ресей мен Түркия арасындағы "ұшақ дағдарысы", қазақстандық дипломаттардың күш-жігерінің арқасында бастау алған "Сирия процесі" сынды тарихи оқиғаларды тілге тиек етті.
"Жалпы, кейінгі ондаған жыл ішінде Қазақстан көптеген дағдарыстың сәтті шешілуіне дәнекер болды. Оның бәрін бір кездесу аясында қамту мүмкін емес. Соңғы 30 жылда сыртқы саясатта болған ең ауқымды оқиғалар туралы толығырақ менің желтоқсан айының басында жарияланған естеліктерімде жан-жақты айтылды. Бұл еңбек үлкен қызығушылық тудырды, шетелдік баспалардан да оны ағылшын тіліне аударуға ұсыныстар түсіп жатыр. Кітап жақын арада жаһандық аудиторияға жетеді деп ойлаймын", – деді Назарбаев.
Сөз соңында экс-президент өзара ымырашылдық пен парасатты қада арқылы ғана әлемдік қоғамдастық шиеленіс шеңберінен шығатын жол таба алатынына сенім білдірді.
