https://sputnik.kz/20231204/politseyge-zhudyryq-ala-zhugirgen-auyl-turgyndary-turmege-qamaldy-40607755.html

Полицейге жұдырық ала жүгірген ауыл тұрғындары түрмеге қамалды

Полицейге жұдырық ала жүгірген ауыл тұрғындары түрмеге қамалды

Sputnik Қазақстан

Кінәлілердің үлкені 3 жыл 6 айға, басқа екеуі 3 жылға бас бостандықтарынан айырылды 04.12.2023, Sputnik Қазақстан

2023-12-04T14:41+0500

2023-12-04T14:41+0500

2023-12-04T14:41+0500

сот

полиция

https://sputnik.kz/img/07e7/09/15/38664144_0:79:1500:923_1920x0_80_0_0_3a67c3c8c998434996b244e52a97b084.jpg

АСТАНА, 4 желтоқсан – Sputnik. Солтүстік Қазақстан облысында ауылдың үш тұрғыны полицейге жұдырық ала жүгіргені үшін үш жылға бас бостандығынан айырылды, деп хабарлайды Sputnik Қазақстан Polisia.kz порталына сілтеме жасап.Заң бойынша адамның өмірі мен денсаулыққа қауіпті болмаса да, билік өкілдеріне қатысты күш қолдану үшін ауыр қылмыстық жауапкершілік қарастырылған. Мамлютка қаласының үш тұрғыны осы әрекет үшін түрмеге қамалды.Биыл наурыз айында үшеуі көппәтерлі үйдің ауласында спирттік сусындар ішіп отырған. Оларды екі учаскелік инспектор көріп қалады. Тәртіп сақшылары ер адамдардың бұл әрекеті әкімшілік құқық бұзушылыққа жататынын ескертті. Сол кезде олар жұдырық ала жүгірді. Инспектордың біреуі табельдік қарудан аспанға оқ атуға да мәжбүр болды."Аталған факті бойынша 21, 28 және 39 жастағы үш күдікті ұсталды. Тергеу жұмыстары және соттың қарауы жарты жылға созылды. Қыркүйек айында оларға үкім шығарылды. Кінәлілердің үлкені 3 жыл 6 айға, басқа екеуі 3 жылға бас бостандықтарынан айырылды", - дейді полицейлер.Ресми мәліметке сәйкес, билік өкіліне қатысты күш қолданудың әр дерегі спирттік ішімдік ішу салдарынан жасалады.

2023

Жаңалықтар

kk_KK

сот, полиция