https://sputnik.kz/20231111/aqtobe-oblysynan-qostanayga-deyin-zhana-gaz-qubyry-salynady-40101734.html
Ақтөбе облысынан Қостанайға дейін жаңа газ құбыры салынады
Ақтөбе облысынан Қостанайға дейін жаңа газ құбыры салынады
Sputnik Қазақстан
Ауқымды жоба елді мекендерді газдандыруға мүмкіндік береді 11.11.2023, Sputnik Қазақстан
2023-11-11T14:53+0500
2023-11-11T14:53+0500
2023-11-11T14:53+0500
экономика
газ құбыры
қостанай
ақтөбе облысы
https://sputnik.kz/img/07e7/05/16/35162561_40:0:1160:630_1920x0_80_0_0_5e08625c68fddcc0d5ac61df3b4b3489.jpg
АСТАНА, 11 қараша – Sputnik. Ақтөбе облысынан Қостанай қаласына дейін жаңа газ құбыры салынады. Жоба туралы премьер-министрдің бірінші орынбасары Роман Склярдың Қостанай облысына жұмыс сапары барысында өңір әкімі Құмар Ақсақалов айтты, деп хабарлайды премьер-министрдің баспасөз қызметі.Әкімнің айтуынша, ауқымды жобаны іске асыру елді мекендерді де, оған қоса көп отын көлемін қажет ететін ірі инвестициялық жобаларды да газдандыруға мүмкіндік береді.Қазір Қостанай облысында ауылдық елді мекендердің тек 28%-ы орталық газбен қамтамасыз етілген. Сондықтан бұл жобаның өңір тұрғындары үшін маңызы зор.Премьер-министрдің орынбасары әкімдік алдағы уақытта да өңірді газдың қосымша көлемімен қамтамасыз ету мәселесін ескере отырып, инвестициялық жобаларды іске асыруды үйлестіру бойынша инвесторлармен жұмыс жүргізуі тиіс екенін айтты.Облыс әкімдігі бұл жобаны іске асыру өңір үшін қуатты серпіліс екендігін атап өтті. Бұл жоба республиканың қолданыстағы газ тасымалдау желісімен байланыстыруға мүмкіндік береді және өңірдің табиғи газ бойынша қажеттілігін, оның ішінде бәсекеге қабілетті өндірісті дамыту үшін артып келе жатқан қажеттіліктерін қамтамасыз етеді.Мемлекет басшысы Қасым-Жомарт Тоқаев биыл қаңтар айында Қостанай облысына жұмыс сапары кезінде Ақтөбе облысынан Қостанайға дейін магистральдық газ құбырын салу жөнінде тапсырма берген болатын. Энергетика министрлігі "QazagGaz" ҰК" АҚ-мен бірлесіп, бірден техникалық-экономикалық негіздеме әзірлеуге кірісті. Қазіргі уақытта жұмыс толық қарқынмен жүріп жатыр.
https://sputnik.kz/20231110/zhambyl-oblysynda-zhana-gaz-ken-orny-paydalanuga-berildi-40093711.html
қостанай
ақтөбе облысы
Sputnik Қазақстан
media@sputniknews.com
+74956456601
MIA „Rossiya Segodnya“
2023
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
газ құбыры, қостанай, ақтөбе облысы
газ құбыры, қостанай, ақтөбе облысы
Ақтөбе облысынан Қостанайға дейін жаңа газ құбыры салынады
Ауқымды жоба елді мекендерді газдандыруға мүмкіндік береді
АСТАНА, 11 қараша – Sputnik. Ақтөбе облысынан Қостанай қаласына дейін жаңа газ құбыры салынады. Жоба туралы премьер-министрдің бірінші орынбасары Роман Склярдың Қостанай облысына жұмыс сапары барысында өңір әкімі Құмар Ақсақалов айтты, деп хабарлайды премьер-министрдің баспасөз қызметі.
Әкімнің айтуынша, ауқымды жобаны іске асыру елді мекендерді де, оған қоса көп отын көлемін қажет ететін ірі инвестициялық жобаларды да газдандыруға мүмкіндік береді.
Қазір Қостанай облысында ауылдық елді мекендердің тек 28%-ы орталық газбен қамтамасыз етілген. Сондықтан бұл жобаның өңір тұрғындары үшін маңызы зор.
"Менің білуімше, болат өнеркәсібіне арналған шикізат – ыстық крикетті темір өндіру жобасын іске асыру үшін газдың үлкен көлемі қажет болады. Сонымен қатар қажетті шикізат базасы мен білікті кадрлар бар, ендігі кезекте халықаралық сапа және экология стандарттарына сәйкес келетін түпкілікті өнім шығару, терең өндеу өндірісін жолға қою қажет", — деді Роман Скляр.
Премьер-министрдің орынбасары әкімдік алдағы уақытта да өңірді газдың қосымша көлемімен қамтамасыз ету мәселесін ескере отырып, инвестициялық жобаларды іске асыруды үйлестіру бойынша инвесторлармен жұмыс жүргізуі тиіс екенін айтты.
Облыс әкімдігі бұл жобаны іске асыру өңір үшін қуатты серпіліс екендігін атап өтті. Бұл жоба республиканың қолданыстағы газ тасымалдау желісімен байланыстыруға мүмкіндік береді және өңірдің табиғи газ бойынша қажеттілігін, оның ішінде бәсекеге қабілетті өндірісті дамыту үшін артып келе жатқан қажеттіліктерін қамтамасыз етеді.
Мемлекет басшысы Қасым-Жомарт Тоқаев биыл қаңтар айында Қостанай облысына жұмыс сапары кезінде Ақтөбе облысынан Қостанайға дейін магистральдық газ құбырын салу жөнінде тапсырма берген болатын. Энергетика министрлігі "QazagGaz" ҰК" АҚ-мен бірлесіп, бірден техникалық-экономикалық негіздеме әзірлеуге кірісті. Қазіргі уақытта жұмыс толық қарқынмен жүріп жатыр.
