https://sputnik.kz/20231013/alem-chempiony-qazaq-shakhmatshysynan-ne-sebepti-zhenilip-qalganyn-tusindirdi-39320383.html

Магнус Карлсен қазақ шахматшысынан не себепті жеңіліп қалғанын түсіндірді

Магнус Карлсен қазақ шахматшысынан не себепті жеңіліп қалғанын түсіндірді

Sputnik Қазақстан

Әлішер Сүлейменовтің қолындағы сағаты концентрацияны ұстауға кедергі келтірген және ол қулық жасауы мүмкін деген оймен ерік-жігерін бір жерге топтай алмаған 13.10.2023, Sputnik Қазақстан

2023-10-13T07:59+0500

2023-10-13T07:59+0500

2023-10-13T09:13+0500

шахмат

https://sputnik.kz/img/07e6/0c/1a/30635658_0:120:1280:840_1920x0_80_0_0_0ffe39e3673675b8e574a4219522a2f6.jpg

АСТАНА, 13 қазан - Sputnik. Әлемнің мықты шахматшыларының бірі, 16-шы әлем чемпионы Магнус Карлсен Qatar Masters турнирінде 23 жастағы қазақстандық Әлішер Сүлейменовтен күтпеген жерден жеңіліп қалды."Бұл оймен дұрыс күресе алмағаным үшін жауапкершілікті өз мойныма аламын, бірақ ұйымдастырушылардың алаяқтықпен күресуге әлі де байыппен қарамайтынын көріп қатты қынжылдым: трансляцияға ешқандай шектеу жоқ, көрермендер ойын залында смартфонмен жүр", - деп атап өтті норвегиялық.Әлішер Сүлейменовпен ойын барысында Карлсен тіпті төрешіден сағат тағуға рұқсат бар ма деп сұраған, оған "ақылды" сағаттарға ғана тыйым салынғанын айтқан. Карлсен бұл жағдай жоғары деңгейдегі жарыстар үшін ФИДЕ ережелеріне қайшы келеді деп есептейді.Жанжал бұқаралық ақпарат құралдарында қарқын алған соң, бірнеше сағаттан кейін Карлсен тағы бір жазба шығарды: "Мен қарсыласымды алаяқтық жасады деп айыптап жатқан жоқпын. Менің атымды айғай-шу үшін қолданып жатқаны анық, бірақ бұл жағымсыз нәрсе".Магнус Карлсен бір жыл бұрын да жанжал шығарған: ол 19 жастағы америкалық Ханс Ниманнан жеңіліп, турнирден шығып қалды, оған компьютердің кеңесін пайдаланды деп тікелей айып тақты.Ниман ешқашан қулық істемегенін айтып, Магнус Карлсенге қарсы 100 миллион долларға сотқа шағым түсірді. Кейінірек қарсыластар келісімге келді.

2023

Жаңалықтар

kk_KK

шахмат