https://sputnik.kz/20230928/aziya-oyyndarynyn-ushinshi-altyny-qazaqstandyq-mergender-aralas-zhuptyq-synda-zheniske-zhetti-38842633.html

Азия ойындарының үшінші алтыны: қазақстандық мергендер аралас жұптық сында жеңіске жетті

Азия ойындарының үшінші алтыны: қазақстандық мергендер аралас жұптық сында жеңіске жетті

Sputnik Қазақстан

АЛМАТЫ, 28 қыркүйек - Sputnik. Әсем Орынбай мен Эдуард Ещенко жұбы Қытайдың Ханчжоу қаласында өтіп жатқан ХІХ жазғы Азия ойындарында алтын медаль жеңіп алды... 28.09.2023, Sputnik Қазақстан

2023-09-28T12:07+0500

2023-09-28T12:07+0500

2023-09-28T12:07+0500

спорт

азия ойындары

чемпион

алтын жүлде

https://sputnik.kz/img/07e7/09/1c/38842415_0:27:1280:747_1920x0_80_0_0_4dde9e6bc74ade19b6e4f29fbcb47150.jpg

АЛМАТЫ, 28 қыркүйек - Sputnik. Әсем Орынбай мен Эдуард Ещенко жұбы Қытайдың Ханчжоу қаласында өтіп жатқан ХІХ жазғы Азия ойындарында алтын медаль жеңіп алды, деп хабарлайды Туризм және спорт министрлігі. Ұлттық құрама спортшылары аралас жұптық сынның финалында кувейттік мергендер – Эман Әлшамаа мен Абдулла Әл-Рашидиден басым түсті. Қатар құрамасы Бахрейннен басым түсіп, қола медаль алды. Екінші қола Қытай спортшыларына бұйырды. Сәл ертеректе Әсем мен Эдуард іріктеуде 148 ұпай жинап, 2-орынмен ақтық сынға жолдама алған. Әсем Орынбай мен Эдуард Ещенко осыған дейінгі бірқатар халықаралық бәсекеде бірге сәтті өнер көрсетіп, елімізге тарихи жүлде сыйлап үлгерді. Атап айтар болсақ, биыл мамырда Алматыда өткен рейтингтік Әлем кубогында олар күміс жүлдегер атанды. Сондай-ақ жазда Италиядағы Әлем кубогында аралас жұптар арасында 3-орын алған. Ал былтыр қазан айында Хорватияның Осиек қаласындағы әлем чемпионатында Әсем Орынбай мен Эдуард Ещенко скит бағдарламасында қола жүлдеге қол жеткізген. Бұл - Қазақстан үшін осы спорт түріндегі алғашқы медалі.

2023

Жаңалықтар

kk_KK

азия ойындары, чемпион, алтын жүлде