https://sputnik.kz/20230829/smayylov-politsiya-zhumysyn-tsifrlandyru-barysymen-tanysty-38014693.html
Жыл басынан бері бейнекамера арқылы 6 мың қылмыс ашылды
Жыл басынан бері бейнекамера арқылы 6 мың қылмыс ашылды
Sputnik Қазақстан
Биыл еліміздегі қылмыс көрсеткіші 17 пайызға төмендеген 29.08.2023, Sputnik Қазақстан
2023-08-29T07:29+0500
2023-08-29T07:29+0500
2023-08-29T07:32+0500
әлихан смайылов
қылмыс
https://sputnik.kz/img/07e7/08/1d/38014377_0:0:1920:1080_1920x0_80_0_0_29574905534bab31d51c73f620d6cd00.jpg
АСТАНА, 29 тамыз — Sputnik. Премьер-министр Әлихан Смайылов полиция жұмысын цифрландыру барысымен танысты, деп хабарлады үкімет басшысының баспасөз қызметі.Министр Марат Ахметжановтың айтуынша, ішкі істер министрлігі қала көшелері мен қоғамдық орындарда "толық қамту" принципімен бейнебақылау енгізіліп жатыр.Жыл басынан бері полицияның жедел басқару орталықтарындағы (ЖБО) бейнекамера арқылы 6 мың қылмыс ашылды, 2,7 млн жол ережесін бұзу, сондай-ақ 312 мың басқа да әкімшілік құқық бұзушылық анықталды. Нәтижесінде биыл еліміздегі қылмыс көрсеткіші 17%-ға төмендеген.Бұдан бөлек, үкімет басшысы мектептердегі қауіпсіздікті қамтамасыз ету жұмыстарымен танысты. Атап айтқанда, оқу орындарында орнатылған бейнекамералардағы жазбалар мен дабыл түймешелерінің сигналдарын жедел басқару орталықтарына және полицияның кезекші бөлімшелеріне шығару барысы көрсетілді. Бүгінде мұндай шаралармен 3 654 мектеп қамтылған, бейнебақылау камералары 7 600 мектепте орнатылған. Оларды қосу жұмыстары жалғасып жатыр.Сонымен қатар ішкі істер органдарының мекемелері де жаппай бейнебақылаумен қамтылған. Барлығы 18 мың камера орнатылған. Бұл қызметкерлердің және жұмыс процесіне басқа да қатысушылардың іс-әрекетін бақылауға мүмкіндік береді.Дәл осындай жұмыстар қылмыстық-атқару жүйесі мекемелерінде де жүргізілуде. Атап айтқанда, 52 колонияға 22 мың бейнекамера орнатылған. Бейнебақылауды Қылмыстық-атқару жүйесі комитетінің ситуациялық орталығы мен прокуратура органдары жүргізеді.Бұдан бөлек, үкімет басшысы "Цифрлық полицей"жобасы аясында сатып алынған жаңа бейнежетондардың жұмысын бағалады. Құрылғы видеоны басшылар мен басқа да тексерушілердің жұмыс орындарына онлайн режимде трансляциялайды. Бейнежетондарға орнатылған бағдарлама полиция қызметкеріне бейнежазбаларды өз бетінше жоюға, құрылғыны өшіруге немесе өзінің отырған жерін жасыруға мүмкіндік бермейді.Сондай-ақ премьер-министрге полицияға жол ережесін бұзғандарды анықтауға көмектесетін "Қорғау" жүйесінің ерекшеліктері туралы баяндалды. Бағдарлама көше камераларынан алынған деректерді талдай отырып, жақын маңдағы полиция қызметкерінің планшетіне қауіпті жүргізушінің келе жатқаны туралы сигнал береді. Бұл жол қозғалысы ережелерін қасақана бұзушы, я жоғары жылдамдықпен келе жатқан көлік жүргізушісі де болуы мүмкін.Әлихан Смайылов тұрмыстық зорлық-зомбылық үшін жауапкершілікті күшейту шараларын жүзеге асыру барысымен, көші-қон саласындағы мемлекеттік қызметтерді көрсету жұмыстарының нәтижесімен және CyberPol интернет-алаяқтықпен күрес жөніндегі жобамен танысты. Атап айтқанда, полиция байланыс операторларымен бірлесе отырып, жалған нөмірлерден келетін қоңырауларға техникалық тосқауыл қояды, нәтижесінде, бүгінгі күні алаяқтардың 36,5 млн қоңырауына тосқауыл қойылды.Есірткі қылмысымен күрес бойынша, биыл құқық қорғау және арнайы органдар 14 тоннадан астам есірткі тәркіледі, оның ішінде 71 келіден астамы героин және 652 келісі "синтетика". Құны 24 млрд теңге болатын 4,7 млн бір реттік доза айналымға жіберілмеді. 52 есірткі зертханасы жойылды. Сондай-ақ 85 тонна прекурсор тәркіленіп, нәтижесінде 20 млн бір реттік "синтетика" өндірісіне тосқауыл қойылды. 2,5 мың есірткі сайты бұғатталды.
Sputnik Қазақстан
media@sputniknews.com
+74956456601
MIA „Rosiya Segodnya“
2023
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
әлихан смайылов, қылмыс
Жыл басынан бері бейнекамера арқылы 6 мың қылмыс ашылды
07:29 29.08.2023 (жаңартылды: 07:32 29.08.2023) Биыл еліміздегі қылмыс көрсеткіші 17 пайызға төмендеген
АСТАНА, 29 тамыз — Sputnik. Премьер-министр Әлихан Смайылов полиция жұмысын цифрландыру барысымен танысты, деп хабарлады үкімет басшысының баспасөз қызметі.
Министр Марат Ахметжановтың айтуынша, ішкі істер министрлігі қала көшелері мен қоғамдық орындарда "толық қамту" принципімен бейнебақылау енгізіліп жатыр.
Жыл басынан бері полицияның жедел басқару орталықтарындағы (ЖБО) бейнекамера арқылы 6 мың қылмыс ашылды, 2,7 млн жол ережесін бұзу, сондай-ақ 312 мың басқа да әкімшілік құқық бұзушылық анықталды. Нәтижесінде биыл еліміздегі қылмыс көрсеткіші 17%-ға төмендеген.
"Цифрландыру арқылы тиісті мемлекеттік қызметтер жұмысының тиімділігін арттыруға болатынына талай рет көзіміз жетті. Нәтижесінде еңбек өнімділігі артып, жемқорлық фактілері азаюда. Цифрлық технологияларды енгізу арқылы Ішкі істер министрлігі де жақсы нәтижелерге қол жеткізіп отыр. Енді мұны аймақтарда одан әрі кезең-кезеңімен жүзеге асыру қажет", — деді Смайылов.
Бұдан бөлек, үкімет басшысы мектептердегі қауіпсіздікті қамтамасыз ету жұмыстарымен танысты. Атап айтқанда, оқу орындарында орнатылған бейнекамералардағы жазбалар мен дабыл түймешелерінің сигналдарын жедел басқару орталықтарына және полицияның кезекші бөлімшелеріне шығару барысы көрсетілді. Бүгінде мұндай шаралармен 3 654 мектеп қамтылған, бейнебақылау камералары 7 600 мектепте орнатылған. Оларды қосу жұмыстары жалғасып жатыр.
Сонымен қатар ішкі істер органдарының мекемелері де жаппай бейнебақылаумен қамтылған. Барлығы 18 мың камера орнатылған. Бұл қызметкерлердің және жұмыс процесіне басқа да қатысушылардың іс-әрекетін бақылауға мүмкіндік береді.
Дәл осындай жұмыстар қылмыстық-атқару жүйесі мекемелерінде де жүргізілуде. Атап айтқанда, 52 колонияға 22 мың бейнекамера орнатылған. Бейнебақылауды Қылмыстық-атқару жүйесі комитетінің ситуациялық орталығы мен прокуратура органдары жүргізеді.
Бұдан бөлек, үкімет басшысы "Цифрлық полицей"жобасы аясында сатып алынған жаңа бейнежетондардың жұмысын бағалады. Құрылғы видеоны басшылар мен басқа да тексерушілердің жұмыс орындарына онлайн режимде трансляциялайды. Бейнежетондарға орнатылған бағдарлама полиция қызметкеріне бейнежазбаларды өз бетінше жоюға, құрылғыны өшіруге немесе өзінің отырған жерін жасыруға мүмкіндік бермейді.
Сондай-ақ премьер-министрге полицияға жол ережесін бұзғандарды анықтауға көмектесетін "Қорғау" жүйесінің ерекшеліктері туралы баяндалды. Бағдарлама көше камераларынан алынған деректерді талдай отырып, жақын маңдағы полиция қызметкерінің планшетіне қауіпті жүргізушінің келе жатқаны туралы сигнал береді. Бұл жол қозғалысы ережелерін қасақана бұзушы, я жоғары жылдамдықпен келе жатқан көлік жүргізушісі де болуы мүмкін.
Әлихан Смайылов тұрмыстық зорлық-зомбылық үшін жауапкершілікті күшейту шараларын жүзеге асыру барысымен, көші-қон саласындағы мемлекеттік қызметтерді көрсету жұмыстарының нәтижесімен және CyberPol интернет-алаяқтықпен күрес жөніндегі жобамен танысты. Атап айтқанда, полиция байланыс операторларымен бірлесе отырып, жалған нөмірлерден келетін қоңырауларға техникалық тосқауыл қояды, нәтижесінде, бүгінгі күні алаяқтардың 36,5 млн қоңырауына тосқауыл қойылды.
Есірткі қылмысымен күрес бойынша, биыл құқық қорғау және арнайы органдар 14 тоннадан астам есірткі тәркіледі, оның ішінде 71 келіден астамы героин және 652 келісі "синтетика". Құны 24 млрд теңге болатын 4,7 млн бір реттік доза айналымға жіберілмеді. 52 есірткі зертханасы жойылды. Сондай-ақ 85 тонна прекурсор тәркіленіп, нәтижесінде 20 млн бір реттік "синтетика" өндірісіне тосқауыл қойылды. 2,5 мың есірткі сайты бұғатталды.
