https://sputnik.kz/20230808/qaragandy-oblysynda-alayaqtarga-zhumys-istegen-kurer-ustaldy-37342662.html
Қарағанды облысында алаяқтарға жұмыс істеген курьер ұсталды
Қарағанды облысында алаяқтарға жұмыс істеген курьер ұсталды
Sputnik Қазақстан
АСТАНА, 8 тамыз - Sputnik. Қарағанды облысының полицейлері алаяқтарға жұмыс істеген "курьерді" ұстады, деп хабарлайдыPolisia.kz. 08.08.2023, Sputnik Қазақстан
2023-08-08T07:37+0500
2023-08-08T07:37+0500
2023-08-08T07:37+0500
қарағанды облысы
алаяқтық
https://sputnik.kz/img/07e6/08/0a/26639669_0:359:2273:1638_1920x0_80_0_0_9ff3ef3872f66b7a250e89d3a41695c2.jpg
АСТАНА, 8 тамыз - Sputnik. Қарағанды облысының полицейлері алаяқтарға жұмыс істеген "курьерді" ұстады, деп хабарлайдыPolisia.kz.Теміртау қалалық полиция басқармасына қарасты Ескіқалалық полиция бөліміне 5 тамыз күні 75 жастағы зейнеткер арызбен жүгінді. Жәбірленушіге өзін полиция қызметкерімін деп таныстырған белгісіз біреу хабарласып, қызының жол апатына ұшырағанын айтқан. 50 жастағы қызының кінәсі толық дәлелденгенін айтып, оны қылмыстық жауапкершілектен босату үшін ақша талап еткен. Кейін хабарласқан белгісіз адам телефон тұтқасын әйел адамға берген. Оның дауысы жәбірленушінің қызының даусына ұқсас болған. Не істерін білмей қалған жәбірленуші үйінде жинаған 19 000 евро және 14 700 АҚШ доллары барын айтқан. Сол кезде хабарласқан адам оның үйіне "курьер" баратынын айтып, ешқайда шықпауын ескерткен.Жедел әрекеттер барысында Шахтинск қалалық полиция бөлімінің қызметкерлері күдіктіні Астана қаласындағы банкоматтардың бірінде ақша салып жатқан жерінен ұстады. Оның 19 жастағы Тараз қаласының тұрғыны екені анықталды. Жігіт ақшаның қандай жолмен келіп жатқанын білген. Ұсталған сәтте күдіктіден 17 800 евро және 115 000 теңге ақша тәркіленді."Өкінішке орай, алаяқтық туралы ескертулерге қарамастан, алданып қалған адамдардан әлі де арыздар түседі. Жыл басынан бері Қарағанды қаласында "жол-көлік оқиғасына түсті және қылмыстық жауапкершіліктен босату үшін ақша қажет" деген желеумен алданып қалу дерегі бойынша 80-нен астам арыз тіркелді. Жүргізілген кешенді жұмыстар барысында осы істерге қатысы бар деген күдікпен 27 адам ұсталса, оның бесеуі – кәмелеттік жасқа толмағандар болса, 13-і – такси жүргізушілері. Егер де сіздерге белгісіз адамдар хабарласып, "балаңыз немесе жақын туысыңыз жол-көлік оқиғасына түсті, жауапкершіліктен босату үшін ақша қажет" деген қоңыраулар болса, бірден телефон тұтқасын қойып, 102 арнасына қоңырау соғуларыңызды сұраймын", - деді Қарағанды облыстық полиция департаменті бастығының орынбасары Әбіл Әбілдин.
қарағанды облысы
Sputnik Қазақстан
media@sputniknews.com
+74956456601
MIA „Rossiya Segodnya“
2023
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
қарағанды облысы, алаяқтық
қарағанды облысы, алаяқтық
Қарағанды облысында алаяқтарға жұмыс істеген курьер ұсталды
АСТАНА, 8 тамыз - Sputnik. Қарағанды облысының полицейлері алаяқтарға жұмыс істеген "курьерді" ұстады, деп хабарлайды
Polisia.kz.
Теміртау қалалық полиция басқармасына қарасты Ескіқалалық полиция бөліміне 5 тамыз күні 75 жастағы зейнеткер арызбен жүгінді. Жәбірленушіге өзін полиция қызметкерімін деп таныстырған белгісіз біреу хабарласып, қызының жол апатына ұшырағанын айтқан. 50 жастағы қызының кінәсі толық дәлелденгенін айтып, оны қылмыстық жауапкершілектен босату үшін ақша талап еткен.
Кейін хабарласқан белгісіз адам телефон тұтқасын әйел адамға берген. Оның дауысы жәбірленушінің қызының даусына ұқсас болған. Не істерін білмей қалған жәбірленуші үйінде жинаған 19 000 евро және 14 700 АҚШ доллары барын айтқан. Сол кезде хабарласқан адам оның үйіне "курьер" баратынын айтып, ешқайда шықпауын ескерткен.
Жедел әрекеттер барысында Шахтинск қалалық полиция бөлімінің қызметкерлері күдіктіні Астана қаласындағы банкоматтардың бірінде ақша салып жатқан жерінен ұстады. Оның 19 жастағы Тараз қаласының тұрғыны екені анықталды. Жігіт ақшаның қандай жолмен келіп жатқанын білген. Ұсталған сәтте күдіктіден 17 800 евро және 115 000 теңге ақша тәркіленді.
"Өкінішке орай, алаяқтық туралы ескертулерге қарамастан, алданып қалған адамдардан әлі де арыздар түседі. Жыл басынан бері Қарағанды қаласында "жол-көлік оқиғасына түсті және қылмыстық жауапкершіліктен босату үшін ақша қажет" деген желеумен алданып қалу дерегі бойынша 80-нен астам арыз тіркелді. Жүргізілген кешенді жұмыстар барысында осы істерге қатысы бар деген күдікпен 27 адам ұсталса, оның бесеуі – кәмелеттік жасқа толмағандар болса, 13-і – такси жүргізушілері. Егер де сіздерге белгісіз адамдар хабарласып, "балаңыз немесе жақын туысыңыз жол-көлік оқиғасына түсті, жауапкершіліктен босату үшін ақша қажет" деген қоңыраулар болса, бірден телефон тұтқасын қойып, 102 арнасына қоңырау соғуларыңызды сұраймын", - деді Қарағанды облыстық полиция департаменті бастығының орынбасары Әбіл Әбілдин.
