https://sputnik.kz/20230707/batys-reseydin-aviabombalaryna-qatysty-alandaushylyq-bildirdi-36657507.html

Батыс Ресейдің авиабомбаларына қатысты алаңдаушылық білдірді

Батыс Ресейдің авиабомбаларына қатысты алаңдаушылық білдірді

Sputnik Қазақстан

Ресейдің технологиялық тұрғыдан озық және қуатты авиабомбалары Украинадағы арнайы әскери операция мақсатына қол жеткізу мерзімін жақындатып жатыр, деп жазды... 07.07.2023, Sputnik Қазақстан

2023-07-07T18:02+0500

2023-07-07T18:02+0500

2023-07-10T16:04+0500

ресейдің украинадағы арнайы әскери операциясы

ресей

https://sputnik.kz/img/07e6/09/02/27243472_0:0:3085:1736_1920x0_80_0_0_11c47d2c3d434efef86e2e3e95938b96.jpg

НАТО мамандары Ресейдің әскери-ғарыш күштерінің жоспарлаушы авиабомбаларды қолдануы Украина үшін үлкен проблема тудырып жатқанын алаңдаушылықпен талдап жатыр. 500-ден 1500 килограммға дейінгі калибрлі ресейлік авиабомбаларға ерекше назар аударуға АҚШ пен НАТО-да оларға қарсы тұратын тиімді жүйенің болмауы себеп.Ресейде жоғары қуатты жоспарлаушы авиабомбалардың сериялық өндірісі арнайы әскери операциядан бұрын басталды. Бірақ Украинадағы әскери іс-қимылдар театры қарсыластың эшелондалған қорғанысын жедел бұзудағы мұндай өнімдердің ерекше рөлін айқындады.УПАБ-1500B басқарылатын жоспарлаушы авиабомбалары 2022 жылдың көктемінде арнайы әскери операция аймағында қолданыла бастады да, көп ұзамай украиналық қолбасшылық оларды "төтенше қауіп" деп атады. Кейін Украина Қарулы күштері тіпті НАТО-ның NASAMS, Iris-T және Patriot зениттік зымыран жүйелерін қолдану арқылы да оларды атып түсіруді немесе навигациясын тежеуді үйренбеді, деп жазды Хроленко.Жалпы конструкциясы әртүрлі ресейлік жоспарлаушы авиабомбалардың барлығы басым екенін айта кету керек. Әмбебап жоспарлау және түзету модулі (ӘЖТМ) 1962 жылғы үлгідегі қарапайым FAB-500 бомбасын ақылды және қанатты етеді.Жаңа басқарылатын жоспарлаушы авиабомба UPAB-1500B әлдеқайда күшті және жетілдірілген. Жауынгерлік мүмкіндіктері бойынша ол "әуе – жер" санатындағы қанатты зымыранға ұқсайды. Инерциялық спутниктік бағыттау жүйесін пайдаланады. Ол құлау нүктесінен 50 киломтерге дейінгі қашықтықтағы (15 км-ге дейінгі биіктікте) нысаналарға дәл тиюге қабілетті. Ресейлік авиабомбасы кедергілерге берік төзімді.Қуаты 1 010 килограмм жауынгерлік бөліктің салмағымен анықталады. Мұндай мүмкіндік күн сайын Украина Қарулы күштерінің позициялары мен тереңдетілген командалық пункттерін талқандауға ықпал етіп отыр.Осыған ұқсас шағын калибрлі авиабомба – UPAB-500B – 390 килограмм жарылғыш затты тасымалдайды және 40 километрге дейін жоспарлауға қабілетті. Мақсаттан айналмалы ықтимал ауытқу 10 метрден аспайды.Сарапшының пікірінше, мұндай оқ-дәрілерді белсенді қолдану Украина Қарулы күштерінің бекініс аймақтарын тиімді "демилитаризациялайды". Жақын болашақта жасанды интеллекттің дамуы жоспарлаушы авиабомбаларды жауынгерлік қолдану мүмкіндіктерін айтарлықтай кеңейтеді деген пікір бар.Жаңа дәлдігі жоғары қару-жарақ өндірісін ұлғайту және қолданыстағыны жаңғыртуды жеделдету арқылы Ресей қорғаныс өнеркәсібі арнайы операция жүргізілген бір жыл ішінде оқ-дәрі өндірісін бірнеше есеге арттырды. Ресей экономиканы милитаризацияламай-ақ әскери бағытқа еркін ауысты.Арнайы әскери операция аймағында GPS бағыттауышы бар америкалық жоспарлаушы авиабомбалары – 225-тен 450 килограмға дейінгі калибрдегі JDAM-ER және оқтұмсығы 150 килограмға жететін 150 километрге дейінгі қашықтыққа ұша алатын GLSDB бомбалары межелі міндетке жетпеді.Кеше Германияның Business Insider басылымы былай деп жазды: "Ресейдің радиоэлектронды шабуылға қарсы күрес жүйелерінің тиімділігі сонша, Украина, сондай-ақ АҚШ пен НАТО бұдан былай JDAM жоспарлаушы авиабомбалары мен басқа да "ақылды" қаруларға үміт арта алмайды". Расында да ресейлік радиоэлектронды кедергілердің қуаты жоғары болып тұр.Әскери шолушы Александр Хроленконың Telegram арнасы.

ресей

2023

Жаңалықтар

kk_KK

ресей