Қазақстандық журналистер "SputnikPro" шеберлік сабағына қатысты
15:35 24.06.2023 (жаңартылды: 16:05 24.06.2023)
© Sputnik / sp
Жазылу
МТРК телеарнасының тілшісі Самал Жүнісова мен Астанадағы Русский дом қызметкері Данил Чепков 19-23 маусым аралығында "Россия сегодня" медиа тобының халықаралық мультимедиялық баспасөз орталығында өткен "SputnikPro на Зубовском" шеберлік сабағының екінші кезеңіне қатысты
Олар Тәжікстан, Молдова, Грузия, Қырғызстан және Әзербайжаннан келген әріптестерімен бірге саладағы озық тәжірибелермен танысуға мүмкіндік алды.
"Мен бұл саладағы қызметке жаңадан қадам бастым, оқуымды былтыр ғана бітірдім. Мұнда тәжірибе жинақтау, журналистердің тыныс-тіршілігімен танысу үшін келдім", - дейді Самал Жүнісова.
Қатысушыларға Зубовский бульварындағы медиа топ ғимаратына экскурсия ұйымдастырылды. Олар агенттіктің көпұлтты ұжымы заманауи жоғары технологиялық кеңселерде жұмыс істейтінін көрді.
Бес күн бойы шетелдік әріптестер телеграм арналарын құру және сүйемелдеу, әлеуметтік желілердегі парақшаларды жүргізу, журналистикада виртуалды шынайылық технологияларын пайдалану келешегі, дрондардың мүмкіндіктері туралы біліп, фототүсірілім дағдыларын кеңейтті.
"Бізге әр әлеуметтік желіге жеке-жеке көңіл бөлу керек екенін, ал көптеген әріптесіміз мұны орындауға ерінетінін түсіндірді. Олар бір мәтін жазып, оны барлық жерде жариялайды. Бірақ бұл мәселемен өте мұқият айналысу керек", - деді Данил Чепков.
МТРК телеарнасының тілшісі Самал Жүнісова мен Астанадағы Русский дом қызметкері Данил Чепков "SputnikPro на Зубовском" шеберлік сабағының екінші кезеңіне қатысты
© Sputnik / sp
Оның айтуынша, кейде әлеуметтік желілердегі мұндай жарияланымдарды БАҚ жай есептілік үшін жасайды, бірақ адамдарды тарту үшін оқырманға назар аудару керек.
Sputnik агенттігінің әскери шолушысы Александр Хроленко аналитикалық материалдың неден тұратынын түсіндіріп, пайдалы ақпарат алуға болатын арнайы дереккөздердің тізімін берді. Ол жұмыс барысында осындай тақырыпта жазатын журналиске қатысты бақылаушы органдардан немесе арнайы қызметтерден сауалдар болуы мүмкін екеніне назар аударды.
"Сондықтан маңызды аудио сұхбаттар мен бастапқы дереккөздерге сілтемелерді мұрағатта мәңгі сақтау маңызды", - дейді шолушы.
Журналистикада нейрожелілерді пайдалану туралы дәріс тыңдармандардың есінде қалатын дәрістердің бірі болды. Таяу шетел және Балтық елдеріндегі Sputnik мультимедиялық орталықтарының жетекшісі Маргарита Некрасова жасанды интеллекттің мүмкіндіктерін көрсетті.
МТРК телеарнасының тілшісі Самал Жүнісова мен Астанадағы Русский дом қызметкері Данил Чепков "SputnikPro на Зубовском" шеберлік сабағының екінші кезеңіне қатысты
© Sputnik / sp
Ол бірнеше секунд ішінде елең еткізер тақырыптар құрастырып, мәтіндерді сапалы рерайт жасады және эмодзилері бар әлеуметтік желілер үшін қарапайым тілде жазылған постар жазды.
Аудитория бағдарламаның қажетті материалдарды соншалықты тез және жақсы құрастыра алғанына тәнті болды.
Жасанды интеллект технологиясы ерекше картиналар жасауға мүмкіндік береді. Маргарита мұны әлеуметтік желідегі жазбаларда қалай қолдануға болатынын көрсетті. Мысалы, АҚШ билігінің "Солтүстік ағын" газ құбырын жаруға қатысы болуы мүмкін екендігі туралы жазбаға АҚШ президенті Джо Байденнің су астында сүңгуір костюмін киген әзіл-оспақ суретті қолдануға болады. Осы суретті құрастыруға жасанды интеллект бірнеше минут жұмсады.
Сонымен қатар Маргарита Некрасова қазіргі уақытта жасанды интеллект кейде қолданушының өтінішін дұрыс түсінбей, шындап айтылған сөздерден әзілді ажырата алмайтынын ескертті.
МТРК телеарнасының тілшісі Самал Жүнісова мен Астанадағы Русский дом қызметкері Данил Чепков "SputnikPro на Зубовском" шеберлік сабағының екінші кезеңіне қатысты
© Sputnik / sp
Бразилия-Жапония соғысы туралы ойдан шығарылған оқиғаны мысалға келтіре отырып, ол технологияның шындыққа ұқсас жалған ақпарат көзі бола алатынын айтты.
Маргарита сөзін қорытындылай келе, журналист мамандығы жақын арада талап етілмейтін кәсіптер қатарында болады деген қорқынышты сейілтті. Оның айтуынша, өз оқырмандары алдында жауапты БАҚ ақпаратты кәсіби журналист тексермей таратуға жол бермейді. Өйткені мұндай ақпарат сенімсіз немесе бұрмаланған ақпарат болып қалу қаупі бар.
"SputnikPro на Зубовском" шеберлік сабақтары қатысушыларға білім алуға ғана емес, сонымен қатар өзара тәжірибе алмасуға мүмкіндік берді.
"Қазақстандықтар ресейлік телевидениені жақсы біледі. Көзқарас қандай болса да, ол жерде жасалып жатқан жұмыстың жоғары деңгейін көруге болады. Бізде біршама жеңілдетілген әрекет байқалады", - деді Данил Чепков.
Оның айтуынша, бұқаралық ақпарат құралдарында танымал болған және Ресей он жыл бұрын қолданған құралдар Қазақстанда енді ғана дами бастады және "SputnikPro на Зубовском" сынды шеберлік сабақтары бұл мәселеде ілгерілеуге ықпал ете алады.
