Денсаулық

Отыз адамның өліміне әкеп соққан танымал сусынды сатуға тыйым салынды

© Sputnik / Абзал КалиевАурухана
Аурухана - Sputnik Қазақстан, 1920, 07.06.2023
Жазылу
НовостиTelegram
АСТАНА, 7 маусым – Sputnik. Ресейде адам өлімінен кейін Қазақстанда сидр алкогольдік сусынын сатуға тыйым салынды, деп хабарлайды санитарлық-эпидемиологиялық бақылау комитеті.
Көрші елде 31 адам "АНДИ" жауапкершілігі шектеулі қоғамдастығы (РФ, Самара ) өндірген "Мистер Сидр" сусынынан уланып өлді.
"Осыған байланысты Қазақстанның денсаулық сақтау министрлігінің санитариялық-эпидемиологиялық бақылау комитеті алкоголь өнімін импорттаушылар мен өткізушілерді хабардар етуге тапсырма берді. Мән-жайы анықталғанға дейін өнімді сатылымнан уақытша алып тастау қажеттігі туралы аумақтық департаменттерге ескертті", - делінген ресми хабарламада.
Комитет осы өнімді пайдаланудан бас тартуға кеңес берді. Ал бір жерде сатылса, сауда орнының орналасқан жері бойынша аумақтық бөлімшелерге дереу хабар беру керек.
Айта кетері, бұған дейін Ресейдің бірнеше облысында сидрдан уланған адамдар туралы ақпарат тарады. Ульянов облысында 20 адам қайтыс болса, Самара облысында – 9 адам, Нижегород облысында – 2 адам, ал Удмуртияда бір адам қайтыс болды. Ауруханаға түскендер де аз емес.
Жедел жәрдем, архивтегі фото - Sputnik Қазақстан, 1920, 30.05.2023
Алматы облысында энергетикалық сусын ішкен адам жансақтау бөліміне түсті
Жаңалықтар
0