"Алтын Орда" директорының орынбасары ұсталды: полиция түсініктеме берді
12:36 03.06.2023 (жаңартылды: 13:52 03.06.2023)
© 5region.kz
Жазылу
АСТАНА, 3 маусым – Sputnik. Алматы облысы Қарасай ауданының полиция қызметкерлері Алматы – Бішкек тас жолында BMW көлігін тоқтатты.
"Тінту кезінде жолаушы көлігінен ерекше иісі бар ақ ұнтақ тәрізді зат табылды, ал басқа жолаушыдан МК-471С травматикалық тапанша анықталды", - деп хабарлады полицейлер.
Сот-химиялық сараптама жасалады, тергеу амалдары жүргізіліп жатыр. Фактілер Қылмыстық кодекстің 287-бабының 3-бөлігі ("Қаруды, оқ-дәрілерді, жарылғыш заттарды және жарылғыш құрылғыларды заңсыз алу, беру, сату, сақтау, тасымалдау немесе алып жүру") және 296-бабының 4-бөлігі ("Есірткі, психотроптық заттарды, осылардың баламаларын аса ірі мөлшерде өткізу мақсатынсыз заңсыз дайындау, қайта өңдеу, сатып алу, сақтау, тасымалдау") бойынша тіркелді.
Бұған дейін БАҚ-та BMW көлігінде ұсталғандардың арасында "Алтын Орда"базары директорының орынбасары бар екені туралы ақпарат тарады. Базардың баспасөз қызметі ұсталғандардың қару алып жүруге барлық рұқсат қағазы бар екенін хабарлады.
