Экономика

Ұлттық банк базалық мөлшерлемені өзгеріссіз қалдырды

© Photo : Пресс-служба Национального банка КазахстанаАрхивтегі сурет
Архивтегі сурет - Sputnik Қазақстан, 1920, 26.05.2023
Жазылу
НовостиTelegram
АСТАНА, 26 мамыр – Sputnik. Қазақстан Ұлттық банкінің ақша-кредит саясаты комитеті базалық мөлшерлемені +/– 1 п.т. дәлізімен жылдық 16,75% деңгейінде сақтау туралы шешім қабылдады.
Бұл шешім Ұлттық банктің жаңартылған болжамдары, деректерді талдау және инфляция тәуекелдерінің балансын бағалау негізінде қабылданған.

"Сыртқы ортаның проинфляциялық қысымы бәсеңдеп келеді. Әлемдегі инфляция, атап айтқанда, сауда-серіктес елдердегі инфляция қуат көзі мен азық-түліктің әлемдік бағасы төмендегендіктен, баяулай бастағанын көрсетіп отыр. Тұрақты нақты айырбастау бағамы аясында сыртқы бағалардың мейілінше баяу өсуі елдегі инфляцияның бәсеңдеуіне қолайлы жағдай жасап отыр", - деп хабарлайды Ұлттық банктің баспасөз қызметі.

Қазақстанда проинфляциялық қысым фискалдық ынталандыру, тұрақты ішкі сұраныс, жоғары және тұрақсыз инфляциялық болжаулар, сондай-ақ жанар-жағармай бағасының өсуі мен тұрғын-үй коммуналдық қызмет тарифтерінің көтерілуі тарапынан сақталуда.
"Осылайша қазіргі уақытта сыртқы инфляция тарапынан қысымның әлсіреуі есебінен тәуекелдердің жиынтық балансы дезинфляциялық факторлар жағына аздап ығысты. Бұл 2022 жылғы қыркүйектен бастап инфляцияның тұрақты бөлігіндегі көрсеткіштердің баяулауын қоса алғанда, осы жылдың екінші жартысында базалық мөлшерлеменің біртіндеп және баяу төмендеуіне мүмкіндік тудыруы ықтимал", - деп мәлімдеді Ұлттық банк.
Базалық ставка бойынша кезекті жоспарлы шешім 2023 жылғы 5 шілдеде жарияланады.
Айта кетері, жылдық инфляция 2023 жылғы сәуірде 16,8%-ке дейін баяулады.
Еске салсақ, Қазақстанда соңғы рет базалық ставка былтыр 5 желтоқсанда жылдық 16%-тен 16,75%-ке дейін көтерілген болатын. Ол осымен төртінші рет өзгеріссіз қалып отыр.
Архивтегі сурет - Sputnik Қазақстан, 1920, 21.10.2021
Дерекқор
Кредиті бар адамдар базалық ставка туралы нені білуге тиіс
Жаңалықтар
0