Атырауда 11 жетім бала тұрғын үй есебіне алынбаған

© Sputnik / Владислав ВодневАрхивтегі фото
Архивтегі фото - Sputnik Қазақстан, 1920, 26.05.2023
Жазылу
АЛМАТЫ, 26 мамыр – Sputnik. Атырауда жетім және ата-анасының қамқорлығынсыз қалған балалар тұрғын үй есебіне алынбаған, деп хабарлады облыстық прокуратураның баспасөз қызметі.
Атырауда жетім және ата-анасының қамқорлығынсыз қалған 11 бала заңды тұрғын үй кезегіне алынбаған.
"Уәкілетті органдардың әрекетсіздігі салдарынан жетімдер балалар үйінен шыққан кезде заңда қарастырылған баспанасын ала алмай қалады. Прокуротураның араласуынан кейін жоғарыда аталған балалар тиісті есепке қойылды, сол арқылы олардың конституциялық құқығы қорғалды", - дейді ведомство.
Неке (ерлі-зайыптылық) және отбасы туралы кодекске сәйкес ата-анасының қамқорлығынсыз қалған жетім балалар басым тәртіппен Қазақстан Республикасының заңнамасына сәйкес тұрғын үймен қамтамасыз етіледі. Сондай-ақ заңнамада ата-анасының қамқорлығынсыз қалған жетім балаларға коммуналдық тұрғын үй қорынан тұрғын үйдің жалпы санының кемінде 20 пайызы бөлінеді.
"Ал тұрғын үй алу құқықтары бұзылған жағдайда, аталған санаттағы адамдар прокуратураға жүгінуге құқылы. Бұл бағыттағы жұмыс қатаң бақылауда", - дейді прокурорлар.
Жаңалықтар
0