Саясат

Италия премьер-министрі Астанаға жұмыс сапарымен келмейтін болды

© Sputnik / Владислав ВодневАрхивтегі сурет
Архивтегі сурет - Sputnik Қазақстан, 1920, 21.05.2023
Жазылу
НовостиTelegram
Тоқаев Джорджа Мелонимен телефон арқылы сөйлеседі
АСТАНА, 21 мамыр – Sputnik. Италияның премьер-министрі Джорджа Мелони өз елінде болған жойқын су тасқынына байланысты Қазақстанға жұмыс сапарымен келмейтін болды.
Бұл туралы президенттің баспасөз хатшысы Руслан Желдібай әлеуметтік желіде хабарлды.
"Эмилия-Романья аймағында болған жойқын су тасқыны салдарынан көптеген адамның қаза табуына байланысты Италия премьер-министрі Джорджа Мелони табиғат апатынан зардап шеккен өңірлерге бару үшін Хиросимада өтіп жатқан G7 саммитіне соңына дейін қатыспай, еліне қайтып барады. Осы себепке байланысты Италия үкіметі басшысының Астанаға алдын жоспарланған жұмыс сапары болмайды", - деп жазды Желдібай.
Италия тарапы президент Қасым-Жомарт Тоқаев пен Джорджа Мелонидің телефон арқылы сөйлесуін ұйымдастыруды сұраған.
Келіп түскен мәлімет бойынша Италияның солтүстігінде кем дегенде 40-тан астам елді мекен су астында қалып, 20 мыңнан астам адам баспанасынан айырылды.
Бұған дейін Ақорда 22 мамыр күні Қазақстанға Италия премьер-министрі Джорджа Мелони жұмыс сапарымен келетінін хабарлаған еді.
Ақорда - Sputnik Қазақстан, 1920, 20.05.2023
Саясат
Сингапур президенті мен Италия премьері Қазақстанға келеді
Жаңалықтар
0