Смайылов "Еуропалық Одақ – Орталық Азия" екінші экономикалық форумына қатысады

© Photo : Пресс-служба премьер-министра Казахстана Әлихан Смайылов
Әлихан Смайылов - Sputnik Қазақстан, 1920, 19.05.2023
Жазылу
АСТАНА, 19 мамыр – Sputnik. Бүгін премьер-министр Әлихан Смайылов Алматыда өтіп жатқан "Еуропалық Одақ – Орталық Азия" екінші экономикалық форумына қатысады, деп хабарлады үкіметтің баспасөз қызметі.
Форумның панельдік сессиялары аясында екі өңірдің экономикалық қарым-қатынасын нығайтудың өзекті мәселелері талқыланып жатыр. Олардың ішінде:
кәсіпкерлер арасындағы сауда байланыстарын дамыту;
мультимодальды жүк тасымалдарын жүзеге асыру;
сауда маршруттарының инфрақұрылымын жаңғырту;
коммерциялық операцияларды жүргізу саласында цифрлық шешімдерді енгізу;
мемлекеттік реттеу және т.б. бар.
Жоғары деңгейдегі сессияға Қырғызстан, Тәжікстан премьер-министрлері, Түрікменстан және Өзбекстан үкіметтерінің ресми өкілдері, Еурокомиссия, Еуропа елдері мемлекеттік органдарының және халықаралық қаржы ұйымдарының басшылары, іскер топ өкілдері және т.б. қатысады деп күтілуде.
Форум аясында Қазақстан үкіметінің басшысы бірқатар екіжақты кездесу өткізеді.
Жаңалықтар
0