Жүздеген автокөлік заңсыз тіркелген: 30 адам қылмыс жасады деген күдікке ілінді

© SputnikАрхивтегі фото
Архивтегі фото - Sputnik Қазақстан, 1920, 15.05.2023
Жазылу
АСТАНА, 15 мамыр – Sputnik. Сыбайлас жемқорлыққа қарсы қызмет Мамандандырылған халыққа қызмет көрсету орталықтары туралы іске қатысты тергеуді аяқтады, деп хабарлайды Sputnik Қазақстан.
"Астана қаласы бойынша "Азаматтарға арналған үкімет" мемлекеттік корпорациясы" КЕАҚ мамандандырылған бөлімінің қызметкерлері мен азаматтық тұлғалар ұйымдастырған қылмыстық топқа қатысты сотқа дейінгі тергеп-тексеру аяқталды", - деп жазылған ведомствоның хабарламасында.
Қылмыстық іс "Web-Модуль" және "ИИС ЦОН" ақпараттық жүйелерінде көлік құралдары туралы мәліметтерді заңсыз енгізу және жою, мәмілелердің жазбаша нысандарын қолдан жасау фактілері бойынша тергелді.
Қылмыстық топ 2022 жылдың қаңтар-мамыр айлары аралығында заңнамада қарастырылған алымдар мен төлемдерді төлеместен шетелден әкелінген 475 автокөлікті заңсыз тіркеген.
Осыған байланысты мемлекетке 1,4 млрд теңге көлемінде аса ірі көлемде залал келтірілді.
Барлығы 30 адам қылмыс жасады деген күдікке ілінді. Олардың қатарында Астана қаласы бойынша № 2 Мамандандырылған халыққа қызмет көрсету орталығының басшысы, 4 полиция қызметкері мен автокөліктерді заңсыз рәсімдеу бойынша өз қызметтерін ұсынған делдалдар бар.
Қазіргі уақытта қылмыстық іс материалдарымен танысу жүріп жатыр.
Архивтегі фото - Sputnik Қазақстан, 1920, 05.05.2023
"Конструктор" автокөліктерді заңдастыруға рұқсат етілді – үкімет қаулысы
Жаңалықтар
0