АСТАНА, 27 сәуір – Sputnik. Елорданың субұрқақтары дәстүр бойынша 1 мамырда іске қосылады, деп хабарлайды қалалық әкімдіктің ресми сайты.
"Қазақстан халқының бірлігі күні, яғни 1 мамырда Астанада барлық фонтан іске қосылады. Қазір аудан әкімдіктері оларды ретке келтіріп жатыр", - делінген хабарламада.
Байқоңыр ауданы әкімі аппаратының балансында екі субұрқақ нысаны бар: Республика даңғылы, 34 мекенжайы бойынша – 3 бірлік және Республика даңғылы, 6 бойынша – 1 бірлік. Биыл аудан әкімдігі оларды реконструкциялауды жоспарлап отырған жоқ.
Сарыарқа ауданында 10 субұрқақ бар: "Өмір ағашы", "Сирен", Абай/Желтоқсан фонтаны, "Ақжайық", "Атырау", "Жастар театры", Мәскеу көшесіндегі сквердегі субұрқақ, "Айналмалы шар" ("Чупачупс"), "Әлия Молдағұлова ескерткіші".
Алматы ауданында да субұрқақтарды іске қосу үшін реконсервация жүргізілуде. Аудан әкімдігінің балансында 10 субұрқақ пен субұрқақ кешені бар:
Президенттік саябақ;
"Қазақ Елі" алаңы;
"Әзірет Сұлтан" мешіті;
Тәуелсіздік сарайы;
Бейбітшілік және келісім сарайы;
Б.Момышұлы атындағы саябақ;
Әл-Фараби атындағы Оқушылар сарайы;
Отан қорғаушылар алаңы;
"Студенттік" саябақ;
Абылай хан даңғылы бойындағы желекжол.
Коммуналдық қызметтер субұрқақ кешендерін қалыпқа келтіріп жатыр
© Photo
"Субұрқақ саны жағынан абсолютті рекордшы Есіл және Нұра аудандары саналады. Барлығы 27 субұрқақ кешені бар, оған 48 субұрқақ кіреді", - деп хабарлады әкімдік.
Олар:
Бас алаңдағы 7 субұрқақ кешені;
"Ақ орда" субұрқағы;
Министрліктер үйі жанындағы "Шаршы және би" субұрқағы;
Сулы-жасыл бульвардағы "Музыкалық" субұрқақ;
"ҚазМұнайГаз" алаңындағы "Дөңгелек" және "Каскад" субұрқақтары және "Кит" субұрқағы;
"Ғашықтар саябағындағы" "Колесо и подкова" фонтаны;
"Хан Шатыр" СОО ауданындағы субұрқақ;
Жасыл орамдағы су айдынындағы субұрқақ;
Ислам мәдени орталығы ауданындағы субұрқақ;
"Астаналық цирк" субұрқағы;
"Құрманғазы" ескерткіші ауданындағы субұрқақ;
"Астаналық" саябағындағы субұрқақ;
Дипломатиялық қалашықтағы субұрқақтар;
"Жетісу" саябағындағы екі субұрқақ;
Бөкейхан көшесі бойындағы саябақтағы субұрқақ ("Еңбекшілер" сквері);
"Есіл" өзені бойындағы саябақтағы субұрқақтар кешені мен "Сарқырама" субұрқағы;
"Желілік саябақ" саябағындағы субұрқақ;
EXPO – 2017 субұрқағы, сондай-ақ "25 жылдық" саябағындағы құрғақ субұрқақ;
"Тойқазан" музыкалық фонтаны мен Ботаникалық бақтағы су айдынындағы субұрқақ.
