Сауаттылықты тексеру: оқушылар Sputnik Қазақстан баспасөз орталығында диктант жазды
17:00 08.04.2023 (жаңартылды: 09:58 09.08.2023)
© Sputnik / Владислав Воднев
Жазылу
АСТАНА, 8 сәуір – Sputnik. Sputnik Қазақстан мультимедиялық баспасөз орталығында республикалық физика-математика мектебінің оқушылары үшін жаппай диктант өтті. 30 оқушы бір сағат ішінде Владивосток жазушысы Василий Авченконың шығармасын жазып шықты.
Кейбір қатысушылар мұндай диктантты бұған дейін де жазған. Оның бірі - 11-ші сынып оқушысы Жәңгір Мусин, ол жаппай диктантқа төртінші рет қатысып отыр.
Оқушылар Sputnik Қазақстан баспасөз орталығында диктант жазды
© Sputnik / Владислав Воднев
"Мен үшін жаппай диктант – менің алғашқы орыс тілі мұғалімім Ильясова Лаура Орынбайқызымен кездесуге себеп болды. Екіншіден, мен өз құрдастарыммен таныстым", - дейді Жәңгір Мусин.
Тағы бір қатысушы – 10-сынып оқушысы Махаббат Бейсембаева, ол екінші рет диктант жазды.
"Маған диктант ұнады, өйткені ол сіздің орыс тілін білу деңгейіңізді, оны қаншалықты жақсы білетініңізді түсінуге көмектеседі. Бұл жолы қателіктер аз болады деп ойлаймын, өйткені мәтін былтырғыдай түсінікті және күрделі емес еді", - деді Махаббат Бейсембаева.
Акция қорытындысы бойынша барлық қатысушы сыйлық ретінде сертификат пен қалам алды.
Оқушылар Sputnik Қазақстан баспасөз орталығында диктант жазды
© Sputnik / Владислав Воднев
Айта кетері, биыл жаппай диктант жиырмасыншы рет өткізілді. Қатысуға ниет білдірген барлық адам өздерінің сауаттылығын тағы бір рет тексеріп, қазіргі орыс әдебиетімен танысуға мүмкіндік алды.
Оқушылар Sputnik Қазақстан баспасөз орталығында диктант жазды
© Sputnik / Владислав Воднев
Елордада жаппай диктант жазуға түрлі алаңдарда барлығы 243 адам қатысты.
Sputnik Қазақстан мультимедиялық баспасөз орталығында 30 адам болды:
Л. Н. Гумилев атындағы ЕҰУ – 114 адам;
Орыс ғылым және мәдениет үйі, "Мәскеу" БО – 50 адам;
№ 3 мектеп-гимназия – 49 адам.
Еске салсақ, жаппай диктант — бұл барлық ниет білдіруші үшін ерікті диктант түріндегі жыл сайынғы ағартушылық акция. Оның қатысушылары өздерінің сауаттылығы мен орыс тілін білу деңгейін тексере алады. Акция үшін жыл сайын ерекше диктант мәтінін белгілі жазушылардың кез келгені жасайды. Жаппай диктантқа жасына, жынысына, біліміне, дініне, кәсібіне, отбасылық жағдайына, мүдделері мен саяси көзқарастарына қарамастан кез келген адам қатыса алады. Бірінші жаппай диктант 2004 жылы өткен болатын.
Акцияның мақсаты — сауатты болу әр адам үшін маңызды екенін көрсету; орыс тілін үйрену оңай емес, бірақ қызықты және пайдалы екеніне сендіру; орыс тілінде жаза алатын немесе сөйлегісі келетіндердің барлығын біріктіру.
