Ақтөбеде анасы мен ағасы кісі қолынан қаза тапқан жасөспірім қыздың жағдайы ауыр

© Sputnik / Абзал КалиевКапельница
Капельница - Sputnik Қазақстан, 1920, 29.03.2023
Жазылу
АЛМАТЫ, 29 наурыз – Sputnik. Ақтөбеде қаскөйлердің қолынан аман қалған 13 жастағы қыздың жағдайы ауыр. Бұл туралы облыстық денсаулық сақтау басқармасының баспасөз қызметі айтты.
"Жасөспірім әлі жансақтау бөлімінде жатыр. Жағдайы өте ауыр. Жасанды тыныс алдыру аппаратына қосылған. Бет сүйегі сынған. Қыздың мойны бес жерден кесілген. Мойынның бұлшықеттері мен тамырына зақым келген", - деп мәлімдеді облыстық балалар ауруханасының бас дәрігері Ербол Жапахов.
Еске сала кетейік, жантүршігерлік оқиға 29 наурызда болған. 35 жастағы әйел мен оның 16 жастағы ұлының денесі сағат 5:30-да Ақтөбедегі пәтерлердің бірінен табылды. Ал 13 жастағы шалажансар қыз ауруханаға жеткізілді.
Полицейлердің айтуынша, марқұм анасы мен ұлының денесінде зорлық-зомбылықтың белгілері бар. Тергеу жүріп жатыр.
Жаңалықтар
0