https://sputnik.kz/20230323/densaulyqqa-ote-paydaly-kubi-pisu-umytylyp-barady-33208298.html
"Денсаулыққа өте пайдалы": күбі пісу ұмытылып барады
"Денсаулыққа өте пайдалы": күбі пісу ұмытылып барады
Sputnik Қазақстан
АЛМАТЫ, 23 наурыз – Sputnik. Қазақтың ақтан жасалатын ұлттық тағамының біразы күбіден алынады. Күбі пісу – ұлттық дәстүріміздің бірі. 23.03.2023, Sputnik Қазақстан
2023-03-23T17:40+0500
2023-03-23T17:40+0500
2023-03-23T17:40+0500
салт-дәстүр
https://sputnik.kz/img/07e7/03/17/33208885_0:0:2550:1435_1920x0_80_0_0_e2fc85ba9bb6ac45eac9fc5fa00b0ee7.jpg
АЛМАТЫ, 23 наурыз – Sputnik. Қазақтың ақтан жасалатын ұлттық тағамының біразы күбіден алынады. Күбі пісу – ұлттық дәстүріміздің бірі. Күбі – қымыз пісіп, май алатын ыдыс. Ол қатты ағаш - жидеден жасалады. Тек жиде ағашы емес, ықылым заманда ата-бабамыз қасиетті деп санаған ағаш түрлерінен де жасаған. Тек қатты болса болғаны. Ал жұмсақ ағаштан жасалған күбі көпке шыдамайды. Күбі жасалатын ағаш бірнеше ай, тіпті жылдап кептіріледі. Сосын малдың майымен майланады. Өйткені майланған ағашқа сұйықтық сіңбейді. Бабадан қалған дәстүрге селкеу түсірмей, күні бүгінге дейін сақтап келе жатқан күбіші - Жанат Мұхтар. "Күбі – қасиетті ыдыс. Бұл ыдыстан алынған тағамның дәмі өте ерекше болады. Күбі пісудің де өз ережесі болады. Оны қалай болса солай шайқай беруге болмайды, бабы болады", - дейді Жанат әжей. Ең бірінше ұйытылған қатықты күбіге құяды. Оның температурасы жылы да, қатты суық та болмауы керек. Күбі піскенде қатықтан май түсе бастайды. Әрине, бірден түсе қоймайды, май күбі біраз уақыт бабымен пісілгенде ғана түседі. "Қазіргі күні күбі пісетіндер жоқтың қасы. Бәрі ток аппаратпен май кілегей ала салады. Әрине күбі пісу де еңбекті қажет етеді. Бір шеті денсаулыққа өте пайдалы. Әсіресе қолға, иыққа жақсы. Қолдың бұлшық еттерін қатайтады. Негізі, қазақтың кез келген салт пен дәстүрі адамның денсаулығына пайдасы өте зор. Қай-қайсысына да қарап отырып, біздің ата-бабамыз жоғарғы білім алмай-ақ, ғылыммен айналыспай-ақ соның бәрін білгені, жүзеге асырғаны таңғалдырады, - дейді Жанат Мұхтар. Күбі ұзақ уақыт пайдаланылмаса қаңсып қалады. Бұрындары күбісі қаңсып қалғанды жаман ырымға балаған.
Sputnik Қазақстан
media@sputniknews.com
+74956456601
MIA „Rosiya Segodnya“
2023
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
күбі пісу қымыз май күбіден қалай алынады
күбі пісу қымыз май күбіден қалай алынады
АЛМАТЫ, 23 наурыз – Sputnik. Қазақтың ақтан жасалатын ұлттық тағамының біразы күбіден алынады. Күбі пісу – ұлттық дәстүріміздің бірі.
Күбі – қымыз пісіп, май алатын ыдыс. Ол қатты ағаш - жидеден жасалады. Тек жиде ағашы емес, ықылым заманда ата-бабамыз қасиетті деп санаған ағаш түрлерінен де жасаған. Тек қатты болса болғаны. Ал жұмсақ ағаштан жасалған күбі көпке шыдамайды. Күбі жасалатын ағаш бірнеше ай, тіпті жылдап кептіріледі. Сосын малдың майымен майланады. Өйткені майланған ағашқа сұйықтық сіңбейді.
Бабадан қалған дәстүрге селкеу түсірмей, күні бүгінге дейін сақтап келе жатқан күбіші - Жанат Мұхтар.
"Күбі – қасиетті ыдыс. Бұл ыдыстан алынған тағамның дәмі өте ерекше болады. Күбі пісудің де өз ережесі болады. Оны қалай болса солай шайқай беруге болмайды, бабы болады", - дейді Жанат әжей.
Ең бірінше ұйытылған қатықты күбіге құяды. Оның температурасы жылы да, қатты суық та болмауы керек. Күбі піскенде қатықтан май түсе бастайды. Әрине, бірден түсе қоймайды, май күбі біраз уақыт бабымен пісілгенде ғана түседі.
"Қазіргі күні күбі пісетіндер жоқтың қасы. Бәрі ток аппаратпен май кілегей ала салады. Әрине күбі пісу де еңбекті қажет етеді. Бір шеті денсаулыққа өте пайдалы. Әсіресе қолға, иыққа жақсы. Қолдың бұлшық еттерін қатайтады. Негізі, қазақтың кез келген салт пен дәстүрі адамның денсаулығына пайдасы өте зор. Қай-қайсысына да қарап отырып, біздің ата-бабамыз жоғарғы білім алмай-ақ, ғылыммен айналыспай-ақ соның бәрін білгені, жүзеге асырғаны таңғалдырады, - дейді Жанат Мұхтар.
Күбі ұзақ уақыт пайдаланылмаса қаңсып қалады. Бұрындары күбісі қаңсып қалғанды жаман ырымға балаған.
