https://sputnik.kz/20230228/astanada-onkologiyalyq-aurulardy-zhenu-tarikhyn-bayandaytyn-korme-otip-zhatyr-32536855.html

Астанада онкологиялық ауруларды жеңу тарихын баяндайтын көрме өтіп жатыр – фото

Астанада онкологиялық ауруларды жеңу тарихын баяндайтын көрме өтіп жатыр – фото

Sputnik Қазақстан

АЛМАТЫ, 28 ақпан – Sputnik. Астана қаласында онкологиялық ауруларды дестигматизациялауға қатысты алғаш рет арт-көрме ашылды, деп хабарлайды Sputnik Қазақстан... 28.02.2023, Sputnik Қазақстан

2023-02-28T13:40+0500

2023-02-28T13:40+0500

2023-02-28T13:57+0500

онкология

көрме

https://sputnik.kz/img/07e7/02/1c/32535422_0:160:3073:1888_1920x0_80_0_0_dee4eddd54139006f9b60f03509a783e.jpg

АЛМАТЫ, 28 ақпан – Sputnik. Астана қаласында онкологиялық ауруларды дестигматизациялауға қатысты алғаш рет арт-көрме ашылды, деп хабарлайды Sputnik Қазақстан тілшісі.Онкологиялық ауруларды жеңу тарихын баяндайтын суреттер көрмесіне келушілер онкологиялық аурулармен күресіп жатқан науқастарға қолдау көрсету үшін жасалған өнер туындыларын көре алады.Көрмені ұйымдастырушы "Seniminmen" қоры мүшелерінің айтуынша, онкологиялық науқастарды емдеу үшін ең маңызды қадам – психологиялық көмек. Өйткені қатерлі ісік науқастың моральдық жағдайына қатты әсер етеді."Физикалық процедуралар мен дәрі-дәрмек терапиясынан басқа, онкологиялық науқастарға аурумен байланысты эмоционалдық қиындықтарды жеңуге көмектесетін психологиялық қолдау өте қажет. Психологиялық көмек науқастарға диагнозына байланысты күйзелісті, мазасыздықты және үрейді жеңуге мүмкіндік береді", - дейді 15 жылдан астам тәжірибесі бар психотерапевт, онкопсихолог Динара Құсайынова.Оның айтуынша, психологиялық көмек науқастарға оптимистік көзқарасты сақтауға, эмоционалды тұрақтылықты нығайтуға және өзін-өзі бағалауды арттыруға көмектеседі, бұл олардың физикалық жағдайына және емдеу нәтижелеріне оң әсер ете алады.Көрмеде заманауи қазақстандық суретшілердің, соның ішінде Бақыт Бүбіханова, Асхат Ахмедияровтың, Аружан Жұмабек, Мөлдір Сағындықованың, Олег Зуевтің жәнеГеоргий Трякин-Бухаровтың жұмыстары қойылған, көрменің кураторы – Ольга Веселова. Суреттер өз өмірінде жаңа кезеңнен өтіп жатқан адамдардың уайымы мен сезімін бейнелейді. Онкологиялық диагнозына қарамастан қазақстандықтардың өмірін қалай жалғастырып жатқаны туралы эмоцияға толы әсер қалдырады."Мен үш кейіпкермен деректі хикая түсірдім. Біз олармен хобби, күнделікті өмірдегідей әртүрлі жағдайларда бірнеше күн өткіздік. Олардың бәрі өзінше ерекше екендігі таңғаларлық, бірақ оларды бір маңызды сезім байланыстырады. Менің кейіпкерлерім "ешбір адам өзінің жоспарларын, саяхаттарын, өмір бойы айналысқысы келген ісін кейінге қалдырмауы керек" деп есептейді. Менде көп деректі фотосуреттер бар. Мен көрмеге келушілерге абстрактылы диагноздар туралы айтпай кейіпкерлерімнің өздерін көрсеткім келді", - дейді фотосуретші Олег Зуев.Ал онкологиялық дертпен бар күш-жігерін жұмсап, күресіп келе жатқан суретші Бахыт Бүбіханованың айтуынша сырқатты үрей мен қорқыныш билеп алады."Инсталляциямды "Өмір жалғасады" көрмесіне арнап жасадым, бұл менің өз тақырыбым. Мен аурумен 2016 жылдан бері өмір сүріп келемін. Көп нәрсені бастан өткердім. Адам бұрын таныс емес нәрсеге, оның өміріне қауіп төндіретін нәрсеге тап болған кезде, әрине, үлкен қорқыныш пайда болады. Оның үстіне бұл диагнозға бір вето қойылған. Ең жаманы, бұл қорқыныш, яғни бұл диагноз емделмейді, бұл қорқыныш сіздің өмір сүруіңізге кедергі келтіреді және сіз айналаңызда ештеңені көрмейсіз, балаңыздың қалай өсіп жатқанын көрмейсіз, туыстарыңызда не болып жатқанын байқамайсыз, қуанышты байқамайсыз. Өмір өте таңғажайып", - дейді суретші.Көрмені ұйымдастырушылар бұл көрме арқылы қоғамның назарын онкологиялық сырқаты бар жандарды қолдауға аударуды мақсет етеді. Сондай-ақ айықпас дертке шалдықса да өмір сүруге құлшынған қайсар жандардан үлгі алуды насихаттайды.

2023

Жаңалықтар

kk_KK

онкология, көрме