Оқиға

Петропавлда 28 жастағы жігіт түнгі клубта оқ тиіп көз жұмды

© Photo : Polisia.kzПетропавлдағы көңіл көтеру мекемесі
Петропавлдағы көңіл көтеру мекемесі - Sputnik Қазақстан, 1920, 26.02.2023
Жазылу
АСТАНА, 26 ақпан – Sputnik. Петропавлда көңіл көтеру мекемелерінің бірінде ер адамға оқ тиді. Ол ауруханада көз жұмды, деп хабарлайды ІІМ баспасөз қызметі.
26 ақпан күні Петропавл полициясына қаладағы көңіл көтеру орындарының бірінде ер адамның оқ жарақатын алғаны туралы хабар түскен.
28 жастағы жігіт жедел жәрдем бригадасымен ауруханаға жеткізілді. Алайда ол алған жарақатынан қайтыс болды.
Бұл факті Қылмыстық кодекстің 99-бабы 2-бөлігі "адам өлтiру" бойынша сотқа дейінгі тергеулердің бірыңғай тізіліміне тіркелді.
Жедел-іздестіру шаралары барысында осы қылмысты жасады деген күдікпен Қызылжар ауданының 34 жастағы тұрғыны ұсталды. Күдікті Петропавл қаласы полиция басқармасының уақытша ұстау изоляторына қамалды.
Бірқатар қажетті сараптама тағайындалды. Тергеу жүргізілуде.
Жаңалықтар
0