Қазақстанда 250 мыңнан астам бүлдіршін балабақша кезегінде тұр

© Photo : Esi GrünhagenАрхивтегі фото
Архивтегі фото - Sputnik Қазақстан, 1920, 21.02.2023
Жазылу
Балабақшалардағы орын тапшылығын 2028 жылға қарай толығымен шешу жоспарланып отыр
АСТАНА, 21 ақпан – Sputnik. Бүгінде республика бойынша бірден алты жасқа дейінгі 250 мыңнан астам бүлдіршін балабақша кезегін күтіп жүр. Бұл туралы оқу-ағарту министрлігі мектепке дейінгі білім департаментінің директоры Наталья Жұмаділдаева мәлімдеді, деп хабарлайды Sputnik Қазақстан тілшісі.
Оның айтуынша, төрт жыл ішінде балабақша кезегі 2 есе қысқарған. 2-6 жастағы балаларды қамту 89,4%-ті, ал 3-6 жастағыларды қамту көрсеткіші 98,3%-ті құраған.
"Десе де балабақшаларға кезек әлі де бар. 2022 жылдың соңында республика бойынша 1-6 жастағы 250 мыңнан астам бала кезекте тұр", - деді Жұмаділдаева орталық коммуникациялар қызметінде өткен баспасөз мәслихатында.
Айтуынша, алдағы үш жылда 222 мыңнан астам жаңа орын ашу жоспарланып отыр. Бұл 2028 жылға қарай 2-6 жастағы барлық бүлдіршінді мектепке дейінгі біліммен 100 пайыз қамтуға мүмкіндік бермек.
Бүлдіршіндерді балабақшамен қамтуды арттыру және жеке инвесторларды тарту үшін жекеменшік балабақшалардың 93,4 процентінде мемлекеттік тапсырыс орналастырылған.
Балабақша, архивтегі сурет - Sputnik Қазақстан, 1920, 21.02.2023
Балабақша тәрбиешілері қанша жалақы алады
Жаңалықтар
0