https://sputnik.kz/20230220/antikor-qyzmetkerleri-akimder-para-32264964.html
Антикордың қызметкерлері ауыл әкімдерінен пара талап еткен
Антикордың қызметкерлері ауыл әкімдерінен пара талап еткен
Sputnik Қазақстан
АСТАНА, 20 ақпан – Sputnik. Түркістан облысында Сыбайлас жемқорлыққа қарсы қызметтің жедел уәкілдері шенеуніктерден пара талап еткен. Сот үкімімен Антикордың... 20.02.2023, Sputnik Қазақстан
2023-02-20T09:41+0500
2023-02-20T09:41+0500
2023-08-10T12:17+0500
қоғам
пара
әкім
https://sputnik.kz/img/1270/33/12703380_0:0:2048:1153_1920x0_80_0_0_479fb168f0b73a32973c42e6aac696ff.jpg
АСТАНА, 20 ақпан – Sputnik. Түркістан облысында Сыбайлас жемқорлыққа қарсы қызметтің жедел уәкілдері шенеуніктерден пара талап еткен. Сот үкімімен Антикордың екі қызметкері 6 жылға сотталды, деп хабарлайды бас прокуратура.Пара бопсалау фактілері Түркістан облысы Жетісай ауданының ауылдық әкімдіктерінде анықталды.Сыбайлас жемқорлыққа қарсы қызметтің өкілдері Жетісай ауданының ауылдарына тексеріспен барған. Олар ауылдық округтердің әкімдерін қылмыстық жауапқа тартамыз деп қорқытып, ақша талап еткен.Салдарынан 7 ауылдық округтің әкімдері мен әкімдіктің 1 есепшісі әртүрлі мерзімге бас бостандығынан айырылды және айыппұл арқалады.Алайда бас прокурордың наразылығымен Жоғарғы сот оларды толығымен ақтап шықты. Өйткені Антикор өкілдерінің іс-әрекетінде тікелей арандатушылық бар екені анықталған.Осыдан кейін Сыбайлас жемқорлыққа қарсы қызметтің 2 жедел уәкіліне қатысты Қылмыстық кодектің 362-бабы 4-бөлігі (билiктi және лауазымдық өкiлеттiктерді асыра пайдалану) бойынша сотқа дейінгі тергеу басталды. Тергеуді бас прокуратураның арнайы прокуроры жүргізді. Олар күдіктілердің кінәсін толығымен дәлелдеп, қылмыстық іс сотқа жолданды.Жетісай аудандық сотының үкімімен ауыр санаттағы қылмысты жасағаны үшін Сыбайлас жемқорлыққа қарсы қызметтің бұрынғы қызметкерлері арнайы шендерінен айырылып, әрқайсысы 6 жылға бас бостандығынан айыру жазасына кесілді.Сондай-ақ жәбірленушілердің пайдасына моральдық залал өндірілді.Үкім заңды күшіне енген жоқ, сотталушылар шағым түсірді.Бас прокуратура қылмыстық қудалау органдарының қызметкерлері тарапынан арандату фактілерін болдырмауға бағытталған жұмыс одан әрі жалғасатынын атап өтті."Жедел-iздестiру қызметi туралы" заңының 15-бабы қылмыстық қудалау органдарының қызметкерлеріне азаматтарды құқықбұзушылыққа итермелеуге және арандатуға тікелей тыйым салады.
Sputnik Қазақстан
media@sputniknews.com
+74956456601
MIA „Rossiya Segodnya“
2023
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
пара, әкім
АСТАНА, 20 ақпан – Sputnik. Түркістан облысында Сыбайлас жемқорлыққа қарсы қызметтің жедел уәкілдері шенеуніктерден пара талап еткен. Сот үкімімен Антикордың екі қызметкері 6 жылға сотталды, деп хабарлайды бас прокуратура.
Пара бопсалау фактілері Түркістан облысы Жетісай ауданының ауылдық әкімдіктерінде анықталды.
Сыбайлас жемқорлыққа қарсы қызметтің өкілдері Жетісай ауданының ауылдарына тексеріспен барған. Олар ауылдық округтердің әкімдерін қылмыстық жауапқа тартамыз деп қорқытып, ақша талап еткен.
"Олардың тұрақты талаптарынан кейін әкімдік қызметкерлері тексерістің оң шешімі үшін тексерушілерге 400 мыңнан 630 мың теңгеге дейін пара беріп, кейін сол үшін ұсталған", - деп мәлімдейді бас прокуратура.
Салдарынан 7 ауылдық округтің әкімдері мен әкімдіктің 1 есепшісі әртүрлі мерзімге бас бостандығынан айырылды және айыппұл арқалады.
Алайда бас прокурордың наразылығымен Жоғарғы сот оларды толығымен ақтап шықты. Өйткені Антикор өкілдерінің іс-әрекетінде тікелей арандатушылық бар екені анықталған.
Осыдан кейін Сыбайлас жемқорлыққа қарсы қызметтің 2 жедел уәкіліне қатысты Қылмыстық кодектің 362-бабы 4-бөлігі (билiктi және лауазымдық өкiлеттiктерді асыра пайдалану) бойынша сотқа дейінгі тергеу басталды. Тергеуді бас прокуратураның арнайы прокуроры жүргізді. Олар күдіктілердің кінәсін толығымен дәлелдеп, қылмыстық іс сотқа жолданды.
Жетісай аудандық сотының үкімімен ауыр санаттағы қылмысты жасағаны үшін Сыбайлас жемқорлыққа қарсы қызметтің бұрынғы қызметкерлері арнайы шендерінен айырылып, әрқайсысы 6 жылға бас бостандығынан айыру жазасына кесілді.
Сондай-ақ жәбірленушілердің пайдасына моральдық залал өндірілді.
Үкім заңды күшіне енген жоқ, сотталушылар шағым түсірді.
Бас прокуратура қылмыстық қудалау органдарының қызметкерлері тарапынан арандату фактілерін болдырмауға бағытталған жұмыс одан әрі жалғасатынын атап өтті.
"Жедел-iздестiру қызметi туралы" заңының 15-бабы қылмыстық қудалау органдарының қызметкерлеріне азаматтарды құқықбұзушылыққа итермелеуге және арандатуға тікелей тыйым салады.
