https://sputnik.kz/20230208/astanada-75-zhastagy-azheni-tonap-ketti--video-31913721.html

Астанада 75 жастағы әжені тонап кетті – видео

Астанада 75 жастағы әжені тонап кетті – видео

Sputnik Қазақстан

АЛМАТЫ, 8 ақпан – Sputnik. Астанадағы Жұмабаев көшесінде тепсе темір үзетін жігіт зейнеткерді тонап кетті, деп хабарлады Polisia.kz. 08.02.2023, Sputnik Қазақстан

2023-02-08T18:05+0500

2023-02-08T18:05+0500

2023-02-08T18:05+0500

зейнеткер

https://sputnik.kz/img/1260/18/12601845_0:0:2000:1125_1920x0_80_0_0_d3dedae5b4d034f915c355a5b17e1c4f.jpg

АЛМАТЫ, 8 ақпан – Sputnik. Астанадағы Жұмабаев көшесінде тепсе темір үзетін жігіт зейнеткерді тонап кетті, деп хабарлады Polisia.kz.75 жастағы зейнеткер үйінің кіреберісінде белгісіз біреудің 140 мың теңге салынған қол сөмкесін ұрлап кеткенін айтып, полицияға арызданған.Әжейдің айтуынша, ол күндіз банкоматтан зейнетақысын алған. Азық-түлік алу үшін жолай дүкенге кіріп, үйіне қайтқан. Көпқабатты үйдің кіреберісінде ер адамды жолықтырады. Ол әжейге 4-қабаттағы пәтерге пакеттері мен сөмкесін апаруға көмектесетінін айтқан. Зейнеткер ештеңеден күдіктенбестен, сөмкелерін бейтаныс адамға беріп, оның соңынан баспалдақпен көтерілген.Ер адам 4-ші қабатқа тез көтеріліп, әжейді пәтердің алдында күтіп тұрған. Күдікті оған сөмкелерді беріп, тез тайып тұрады. Бір-екі сағаттан кейін жәбірленуші сөмкесін тексеруді ұйғарып, ақшаның жоқ екенін аңғарған. Алматы ауданы ПБ-ның қызметкерлері жедел іздестіріп, бұрын ұрлық жасағаны үшін сотталған 38 жастағы күдіктіні анықтады.Сотқа дейінгі тергеу басталды. Күдіктінің осыған ұқсас басқа да қылмыстарға қатысы бар-жоғы тексеріліп жатыр.

2023

Жаңалықтар

kk_KK

зейнеткер