Спорт

Шаңғымен тұғырдан секіруден үздік жасөспірімдер марапатталды

© Photo : Спортты дамыту дирекциясыАлматыда республикалық IV қысқы жастар спорт ойындары өтіп жатыр
Алматыда республикалық IV қысқы жастар спорт ойындары өтіп жатыр - Sputnik Қазақстан, 1920, 07.02.2023
Жазылу
АЛМАТЫ, 7 ақпан – Sputnik. Алматыда республикалық IV қысқы жастар спорт ойындары өтіп жатыр. Жарыста шаңғымен тұғырдан секіруден үздік жасөспірімдер анықталып, марапатталды, деп хабарлады спортты дамыту дирекциясының баспасөз қызметі.
Соңғы жарыс күні аралас командалық сында (2 қыз бен 2 ұл) Алматы қаласының бірінші командасы айтарлықтай басымдықпен жеңіске жетті. Одан кейінгі орынға Алматы-2 командасы мен ШҚО спортшылары тұрақтады.
Жалпы есепте Алматы қаласы жеке-дара топ жарды. Шығыс Қазақстан облысы 2-ші орын алса, Алматы облысы үздік үштіктің қатарына кірді.
Барлығы "Сұңқар" халықаралық шаңғы трамплиндер кешенінде Алматы қаласы, ШҚО, Жетісу және Алматы облысының 100-ден астам спортшысы 5 жас санатына бөлініп, сынға түсті. Олар жекелей сында К-20 (12 жас), К-40 (13-15 жас), К-60 (14-16 жас), К-95 (17-20 жас) тұғырынан секірсе, командалық бәсеке К-90 трамплинінде өтті.
"Жарыс өзіме қатты ұнады. Қиын болды деп айта алмаймын. Десе де тартыс соңына дейін созылды. Шаңғымен тұғырдан секіруге 6 жасымда келгенмін. Биыл осы спортпен айналысқаныма 10 жыл болады. Кумирім – Данил Васильев. Жақын арада онымен бірге жаттығып, бірге өнер көрсетуді қалаймын", - деді 3 алтын медаль жеңіп алған алматылық Илья Мизерных.
Қазір енді Алматыда кёрлингшілер шеберлік байқасып жатыр. Барлығы 2 қала мен 8 облыстан келген 200-ге тарта жас спортшы 2 топқа бөлінген. Жеңімпаз бен жүлдегерлер 12 ақпанда белгілі болады.
Жалпы биылғы кешенді жарыс барысында 11 спорт түрінен үздіктер анықталады. Барлық бәсекеден соң әр спорт түрінен еліміздің жастар құрамасы жасақталады. Олар алдағы халықаралық ресми жарыстарға, оның ішінде 2024 жылы Оңтүстік Кореяның Канвондо қаласында өтетін қысқы Жасөспірімдер Олимпиадасына барады. Сондай-ақ 2026 жылғы Миландағы (Италия) Олимпия ойындарына сапалы дайындық жүргізуге қатысатын мықты спортшылар іріктеледі.
Жаңалықтар
0