Мұнай зауытындағы ақаулықтан кейін директордың орынбасары жұмыстан босатылды

© Photo : Пресс-служба Атырауского нефтеперерабатывающего завода Атырау мұнай өңдеу зауыты
Атырау мұнай өңдеу зауыты - Sputnik Қазақстан, 1920, 03.02.2023
Жазылу
НовостиTelegram
АСТАНА, 3 ақпан – Sputnik. Атырау мұнай өңдеу зауытындағы ақаулықтан кейін директордың бірінші орынбасары жұмыстан босатылды, деп хабарлайды Sputnik Қазақстан компанияның ресми сайтына сілтеме жасап.
1 ақпанда Атырау мұнай өңдеу зауыты регенераторларда температураның көтерілуіне байланысты каталитикалық крекинг қондырғысын тоқтатты. Бүгін "ҚазМұнайГаз" басшысы Мағзұм Мырзағалиев Атырауға өзі барып, кәсіпорын басшылығымен кеңес өткізді. Сол жерде жедел штаб құруға шешім қабылданды. Оған басқарма төрағасының мұнай өңдеу және мұнай химиясы жөніндегі орынбасары Арман Қайырденов жетекішілік етеді. Штаб зауыттағы ақаулық жойылғанға дейін жұмыс істейді.
Бүгінгі кеңесте Атырау мұнай өңдеу зауыты директорының бірінші орынбасары Рахымжан Жанғабылов қызметінен босатылды. Ал кәсіпорынның бас директоры Мұрат Досмұратовқа қатаң сөгіс жарияланды. Сондай-ақ соңғы жағдай бойынша қызметтік тексеріс жүргізіледі. Соның нәтижесінде тағы кадрлық шешімдер қабылданады.
"Ел басшылығының АМӨЗ-ге қатысты бірнеше рет айтқан ескертуін, сондай-ақ зауыт жұмысындағы жиі үзілістерді ескере отырып, барынша қатаң шаралар қабылдаймыз. Елде ішкі нарықты мұнай өнімдерімен қамтамасыз ету мәселесі аса өзекті болып тұрғанда мұндай жағдайға жол беруге болмайды", — дейді Мырзағалиев.
Жаңалықтар
0