"Бұрқасын-2023": елорда тұрғындары мен қонақтары спорттың 10 түрінен бақ сынайды

Бұрқасын-2023 - Sputnik Қазақстан, 1920, 30.01.2023
Жазылу
АСТАНА, 30 қаңтар – Sputnik. "Бұрқасын-2023" қысқы фестивалі 19 ақпанда Астанада өтеді, деп хабарлайды елорда әкімдігінің ресми сайты.
Фестивальге қатысушылар спорттың 10 түрінен сайысқа түседі. Олар: шаңғы жарысы, гір тасын көтеру, қол күресі, белбеу күресі, арқан тартыс, пималы хоккей, қармен нысананы дәлдеп ату жарысы, автоспорт, мотоспорт және қысқы футбол.
Жарысқа кез келген қала тұрғыны қатыса алады. Жасы мен жынысына шектеу жоқ. Тек денсаулығы жарамды болса болғаны. Тіркеуден өту үшін міндетті түрде жеке басын куәландыратын құжаты болуы керек.
Шаңғы жарысына тіркелу 30 минут бұрын жүргізіледі.
Сайыс қорытындысы бойынша жеңімпаздар мен жүлдегерлер жас топтарына қарай арнайы дипломдармен, медальдармен және бағалы сыйлықтармен марапатталады.
Айта кетсек, алғаш рет "Бұрқасын" жарысы 2000 жылдың 26 ақпанында өткен болатын. Бүгінде ол бүкілқалалық дәрежедегі спорттық дәстүрге айналды.
Өтетін орны: Есіл өзені, Амфитеатр жаны. Басталуы: 11:00-де.
Жаңалықтар
0