https://sputnik.kz/20230128/smayylov-shymkent-zhylusyz-qalgan-uyler-31543506.html
Смайылов Шымкентте жылусыз қалған үйлер жайлы: бұған жол беруге болмайды
Смайылов Шымкентте жылусыз қалған үйлер жайлы: бұған жол беруге болмайды
Sputnik Қазақстан
АСТАНА, 28 қаңтар – Sputnik. Премьер-министр Әлихан Смайыловтың төрағалығымен Шымкентті дамыту жөніндегі кеңес өтті. Отырыста жаңа өнеркәсіп объектілерін іске... 28.01.2023, Sputnik Қазақстан
2023-01-28T10:59+0500
2023-01-28T10:59+0500
2023-01-28T10:59+0500
өңірлер
шымкент
жылу
әлихан смайылов
https://sputnik.kz/img/07e7/01/1c/31543681_0:117:1280:837_1920x0_80_0_0_cec8a4a01a2fd45186ac82608bf43ac3.jpg
АСТАНА, 28 қаңтар – Sputnik. Премьер-министр Әлихан Смайыловтың төрағалығымен Шымкентті дамыту жөніндегі кеңес өтті. Отырыста жаңа өнеркәсіп объектілерін іске қосу, автокөлік жолдары мен тұрғын үй-коммуналдық инфрақұрылымды жаңғырту, әлеуметтік мекемелерді салу және реконструкциялау мәселелері қаралды.Смайылов үкімет президенттің сайлауалды бағдарламасында ұсынылған кең ауқымды реформаларды іске асыруға кіріскенін атап өтті."Онда халықтың тұрмыс сапасы мен әл-ауқатын арттыруға ерекше маңыз беріліп отыр. Осы міндеттерге қол жеткізу үшін егжей-тегжейлі іс-қимыл жоспары әзірленіп, бекітілді", — деді премьер.Оның айтуынша, қала әкімдігі инженерлік инфрақұрылымды, атап айтқанда жылу, электр, газ, сумен жабдықтау желілерін жаңғыртуға басымдық беруі керек.Үкімет басшысы қаладағы құрылыс қарқынына оң баға берді. Атап айтқанда, соңғы екі жылда 2 млн шаршы метрден астам тұрғын үй пайдалануға берілді.Сонымен қатар ол мегаполисте көлік желісіне жүктеме артып келе жатқанын, бұл жүргізіліп жатқан жөндеу жұмыстарының сапасын, сондай-ақ әлеуметтік инфрақұрылымды едәуір жақсартуды талап ететінін, осыған байланысты жаңа мектептер, ауруханалар мен басқа да әлеуметтік нысандарды уақытылы ашу қажеттігін айтты."Алдағы үш жылда қалада 68 мың оқушыға арналған 54 мектеп салу жоспарланып отыр. Бұл Шымкенттегі үш ауысымды оқыту мәселесін шешуге септігін тигізеді", — деді Әлихан Смайылов.Премьер-министр экономикалық блоктың мәселелеріне тоқтала келе, әкімдікке экономиканы әртараптандыру және импортты алмастыру бойынша жоспарлы жұмысты жалғастыру қажеттігін атап өтті. Бұл жағдайда негізінен өңдеу секторына назар аудару керек. Осыған байланысты үкімет басшысы тиімділікті арттырудың және қолданыстағы индустриялық аймақтарды кеңейтудің, сондай-ақ жаңа өндіріс алаңдарын ашудың маңыздылығын атап өтті."Жалпы қаланың 2022-2026 жылдарға арналған инвестициялық портфелі құны 2 трлн теңге болатын 283 жобаны қамтиды. Қала әкімдігі іске асырылып жатқан жобалардың мерзімінде іске қосылуын, сондай-ақ жоспарланған жобаларды пысықтауды қамтамасыз етуі қажет", — деді премьер-министр.Сонымен қатар Смайылов әлеуметтік маңызы бар азық-түлік тауарлары бағасының өсуін тежеу бойынша жүйелі жұмысты жалғастыру қажеттігін айтты. Бұл соның ішінде нарықтың қолжетімді тетіктерін қолдануға, делдалдық тізбектерді анықтау жөніндегі өңірлік комиссияның жұмысына және аграрлық секторды дамытуға қатысты да мәселе.Бұдан бөлек, премьер-министр "Сайрам" тұрғын алабын сумен қамтамасыз ету, "Тұран" шағын ауданында магистральдық кәріз коллекторы мен оқушылар сарайын салу, жалпы Шымкентте жол инфрақұрылымын салуды қаржыландыру көлемін ұлғайту мәселелерін пысықтауды тапсырды.Сондай-ақ ол жылу желілерін, сорғы станцияларын қайта жаңарту, қазандықтарды жаңғырту және "Қайнарбұлақ" тұрғын алабын газбен жабдықтау қажеттігін атап өтті.
шымкент
Sputnik Қазақстан
media@sputniknews.com
+74956456601
MIA „Rosiya Segodnya“
2023
Sputnik Қазақстан
media@sputniknews.com
+74956456601
MIA „Rosiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rosiya Segodnya“
Sputnik Қазақстан
media@sputniknews.com
+74956456601
MIA „Rosiya Segodnya“
шымкент, жылу, әлихан смайылов
шымкент, жылу, әлихан смайылов
АСТАНА, 28 қаңтар – Sputnik. Премьер-министр Әлихан Смайыловтың төрағалығымен Шымкентті дамыту жөніндегі кеңес өтті. Отырыста жаңа өнеркәсіп объектілерін іске қосу, автокөлік жолдары мен тұрғын үй-коммуналдық инфрақұрылымды жаңғырту, әлеуметтік мекемелерді салу және реконструкциялау мәселелері қаралды.
Смайылов үкімет президенттің сайлауалды бағдарламасында ұсынылған кең ауқымды реформаларды іске асыруға кіріскенін атап өтті.
"Онда халықтың тұрмыс сапасы мен әл-ауқатын арттыруға ерекше маңыз беріліп отыр. Осы міндеттерге қол жеткізу үшін егжей-тегжейлі іс-қимыл жоспары әзірленіп, бекітілді", — деді премьер.
Оның айтуынша, қала әкімдігі инженерлік инфрақұрылымды, атап айтқанда жылу, электр, газ, сумен жабдықтау желілерін жаңғыртуға басымдық беруі керек.
"Шымкент елдің оңтүстігінде орналасқаннан кейін мұнда қақаған аяз сирек болады. Соның өзінде қала тұрғындарының шағымы азаймай тұр. Мысалы, “Жаңа Талап”, “Тұран” шағын аудандарындағы көпқабатты үйлер жылусыз қалған. Бұған жол беруге болмайды", — деді Смайылов.
Үкімет басшысы қаладағы құрылыс қарқынына оң баға берді. Атап айтқанда, соңғы екі жылда 2 млн шаршы метрден астам тұрғын үй пайдалануға берілді.
Сонымен қатар ол мегаполисте көлік желісіне жүктеме артып келе жатқанын, бұл жүргізіліп жатқан жөндеу жұмыстарының сапасын, сондай-ақ әлеуметтік инфрақұрылымды едәуір жақсартуды талап ететінін, осыған байланысты жаңа мектептер, ауруханалар мен басқа да әлеуметтік нысандарды уақытылы ашу қажеттігін айтты.
"Алдағы үш жылда қалада 68 мың оқушыға арналған 54 мектеп салу жоспарланып отыр. Бұл Шымкенттегі үш ауысымды оқыту мәселесін шешуге септігін тигізеді", — деді Әлихан Смайылов.
Премьер-министр экономикалық блоктың мәселелеріне тоқтала келе, әкімдікке экономиканы әртараптандыру және импортты алмастыру бойынша жоспарлы жұмысты жалғастыру қажеттігін атап өтті. Бұл жағдайда негізінен өңдеу секторына назар аудару керек. Осыған байланысты үкімет басшысы тиімділікті арттырудың және қолданыстағы индустриялық аймақтарды кеңейтудің, сондай-ақ жаңа өндіріс алаңдарын ашудың маңыздылығын атап өтті.
"Жалпы қаланың 2022-2026 жылдарға арналған инвестициялық портфелі құны 2 трлн теңге болатын 283 жобаны қамтиды. Қала әкімдігі іске асырылып жатқан жобалардың мерзімінде іске қосылуын, сондай-ақ жоспарланған жобаларды пысықтауды қамтамасыз етуі қажет", — деді премьер-министр.
Сонымен қатар Смайылов әлеуметтік маңызы бар азық-түлік тауарлары бағасының өсуін тежеу бойынша жүйелі жұмысты жалғастыру қажеттігін айтты. Бұл соның ішінде нарықтың қолжетімді тетіктерін қолдануға, делдалдық тізбектерді анықтау жөніндегі өңірлік комиссияның жұмысына және аграрлық секторды дамытуға қатысты да мәселе.
Бұдан бөлек, премьер-министр "Сайрам" тұрғын алабын сумен қамтамасыз ету, "Тұран" шағын ауданында магистральдық кәріз коллекторы мен оқушылар сарайын салу, жалпы Шымкентте жол инфрақұрылымын салуды қаржыландыру көлемін ұлғайту мәселелерін пысықтауды тапсырды.
Сондай-ақ ол жылу желілерін, сорғы станцияларын қайта жаңарту, қазандықтарды жаңғырту және "Қайнарбұлақ" тұрғын алабын газбен жабдықтау қажеттігін атап өтті.
