Риддер тұрғыны 2 жасар баласын балконнан құлатып алды

© Sputnik / Илья Питалев / Медиабанкке өтуАрхивтегі фото
Архивтегі фото - Sputnik Қазақстан, 1920, 28.01.2023
Жазылу
АЛМАТЫ, 28 қаңтар – Sputnik. Шығыс Қазақстан облысының Риддер қаласында жас келіншек 2 жасар баласын балконнан құлатып алды, деп хабарлады Altaynews.kz.
Оқыс оқиға 27 қаңтарда болған. Облыстық полиция департаменті баспасөз қызметінің мәліметінше, 20 жастағы әйел баласымен қонақта болған. Үйіне қайтар кезде есіктің жабық екенін көрген.
"Мас әйел бірден балкон арқылы сыртқа шықпақ болғанда бала құлап кеткен. Бала бірден Риддер қаласындағы медициналық мекемеге жеткізілді", - дейді баспасөз қызметі.
Тексеру нәтижесі баланың өміріне еш қауіп жоқ екенін, ауыр жарақат алмағанын көрсетті.
"Аталған факті бойынша әйелге қатысты ҚР ӘҚБтК-нің 127-бабына сәйкес әкімшілік хаттама толтырылды", - дейді жауапты органдар.
Сондай-ақ алдағы уақытта кәмелетке толмағандардың құқықтарын қорғау жөніндегі комиссияға ата-ана құқығынан айыру туралы өтініш беріледі.
Жаңалықтар
0