https://sputnik.kz/20230127/aqtobelik-ekologtar-kokzhide-suy-munaymen-lastanyp-zhatqanyn-aytty-31516383.html
Ақтөбелік экологтар Көкжиде суы мұнаймен ластанып жатқанын айтты
Ақтөбелік экологтар Көкжиде суы мұнаймен ластанып жатқанын айтты
Sputnik Қазақстан
Кен орнындағы қорлар бүкіл Батыс Қазақстанды ең таза ауыз сумен қамтамасыз ете алады 27.01.2023, Sputnik Қазақстан
2023-01-27T13:15+0500
2023-01-27T13:15+0500
2023-01-27T13:15+0500
мұнай
ақтөбе облысы
https://sputnik.kz/img/old/1281/36/12813624_0:70:3076:1800_1920x0_80_0_0_3381c3aaee77e7bfe8bea78345879ca9.jpg
АСТАНА, 27 қаңтар – Sputnik. Темір ауданындағы Көкжиде кен орнында көмірсутегін өндіруді тоқтату керек, деп мәлімдеді Ақтөбе облысының экология департаменті басшысының міндетін атқарушы Тұрар Қожанов.Мемлекеттік комиссияның бағалауы бойынша кен орны тәулігіне 196,5 мың текше метр су өндіруге қауқарлы. Дегенмен Көкжиде бес компания жұмыс істейтін мұнайлы аймақта орналасқан, деп жазды "Диапазон" газеті.Оның пікірінше, ұңғымаларда апат болған жағдайда жер асты суларының мұнаймен толық ластану ықтималдығы жоғары. Мұндай жағдайда ел ауыз судың орасан қорынан айырылады."2022 жылы "Ада Ойл" компаниясына қатысты 16 миллион теңгеге 13 әкімшілік іс, "ҚМК Мұнайға" қатысты 30 өндірістік іс қозғалды. Іс сотқа жолданды. Көкжиде жерасты суы кен орнын сақтап қалу мақсатында 2022 жылдың қараша айында біз осы кен орнын ластаушы жер қойнауын пайдаланушылармен келісімшартты бұзу туралы экология министрлігіне ұсыныс жолдадық", - деді Қожанов.Спикердің айтуынша, одан кейін энергетика министрлігі мен экология министрлігі 2023 жылдың 1 ақпанына дейін бұл кәсіпорындар Көкжиде аумағында мұнай өндіруді тоқтату жоспарын дайындап, бекіту керек деген шешімге келді.Алайда 2022 жылдың желтоқсан айында облыстық экология департаменті аталған компаниялардың жұмыс істеуіне рұқсат беріп, 1 ақпанға дейін кәсіпорындар мұнай өндіруді тоқтатудың бекітілген жоспарын тапсыруға тиіс екенін ескерткен.Айта кетері, жерасты суы кен орнында "СПНС Ақтөбемұнайгаз" кәсіпорнында 10 ұңғыма, "ҚМК Мұнай" мекемесінде – 76 ұңғыма, "Ада Ойл" фирмасында – 69 ұңғыма, "Қазақойл Ақтөбе" кәсіпорнында – 121 ұңғыма, "Өріктау Оперейтинг" мекемесінде – 20 ұңғыма бар.
ақтөбе облысы
Sputnik Қазақстан
media@sputniknews.com
+74956456601
MIA „Rossiya Segodnya“
2023
Sputnik Қазақстан
media@sputniknews.com
+74956456601
MIA „Rossiya Segodnya“
Жаңалықтар
kk_KK
Sputnik Қазақстан
media@sputniknews.com
+74956456601
MIA „Rossiya Segodnya“
Sputnik Қазақстан
media@sputniknews.com
+74956456601
MIA „Rossiya Segodnya“
мұнай, ақтөбе облысы
Ақтөбелік экологтар Көкжиде суы мұнаймен ластанып жатқанын айтты
Кен орнындағы қорлар бүкіл Батыс Қазақстанды ең таза ауыз сумен қамтамасыз ете алады
АСТАНА, 27 қаңтар – Sputnik. Темір ауданындағы Көкжиде кен орнында көмірсутегін өндіруді тоқтату керек, деп мәлімдеді Ақтөбе облысының экология департаменті басшысының міндетін атқарушы Тұрар Қожанов.
Мемлекеттік комиссияның бағалауы бойынша кен орны тәулігіне 196,5 мың текше метр су өндіруге қауқарлы. Дегенмен Көкжиде бес компания жұмыс істейтін мұнайлы аймақта орналасқан, деп жазды "Диапазон" газеті.
"Көкжиде республикалық маңызы бар нысандар тізіміне енді. 2009-2019 жылдары экологиялық зерттеу жүргізіліп, жер асты суларының мұнаймен жыл сайынғы ластануы анықталды. 2022 жылы Көкжидеде құрамында мұнай бар заттардың концентрациясы рұқсат етілген нормадан алты есеге асып түсті", - деді Қожанов.
Оның пікірінше, ұңғымаларда апат болған жағдайда жер асты суларының мұнаймен толық ластану ықтималдығы жоғары. Мұндай жағдайда ел ауыз судың орасан қорынан айырылады.
"2022 жылы "Ада Ойл" компаниясына қатысты 16 миллион теңгеге 13 әкімшілік іс, "ҚМК Мұнайға" қатысты 30 өндірістік іс қозғалды. Іс сотқа жолданды. Көкжиде жерасты суы кен орнын сақтап қалу мақсатында 2022 жылдың қараша айында біз осы кен орнын ластаушы жер қойнауын пайдаланушылармен келісімшартты бұзу туралы экология министрлігіне ұсыныс жолдадық", - деді Қожанов.
Спикердің айтуынша, одан кейін энергетика министрлігі мен экология министрлігі 2023 жылдың 1 ақпанына дейін бұл кәсіпорындар Көкжиде аумағында мұнай өндіруді тоқтату жоспарын дайындап, бекіту керек деген шешімге келді.
Алайда 2022 жылдың желтоқсан айында облыстық экология департаменті аталған компаниялардың жұмыс істеуіне рұқсат беріп, 1 ақпанға дейін кәсіпорындар мұнай өндіруді тоқтатудың бекітілген жоспарын тапсыруға тиіс екенін ескерткен.
Айта кетері, жерасты суы кен орнында "СПНС Ақтөбемұнайгаз" кәсіпорнында 10 ұңғыма, "ҚМК Мұнай" мекемесінде – 76 ұңғыма, "Ада Ойл" фирмасында – 69 ұңғыма, "Қазақойл Ақтөбе" кәсіпорнында – 121 ұңғыма, "Өріктау Оперейтинг" мекемесінде – 20 ұңғыма бар.
