Жеңіс Қасымбек: елордада инватакси саны 2 есе артады

© пресс-служба акимата АстаныАрхивтегі фото
Архивтегі фото - Sputnik Қазақстан, 1920, 25.01.2023
Жазылу
НовостиTelegram
АСТАНА, 25 қаңтар – Sputnik. Астана әкімі Жеңіс Қасымбек қалада мүмкіндігі шектеулі 27 мыңнан астам адам оңалту көмегін алып жатқанын мәлім етті, деп хабарлады елорда әкімдігінің ресми сайты.
Әкім ерекше қажеттіліктері бар жандарға әлеуметтік және оңалту қызметтерін көрсететін түрлі қоғамдық ұйымдардың өкілдерімен кездескенін атап өтті. Онда инватакси, протездік-ортопедиялық көмек, санаторий-курорттық емдеу, оңалту орталықтарының желісін кеңейту және т.б. мәселелер көтерілді.
"Қазіргі уақытта қалада мүмкіндігі шектеулі 27 мыңнан астам адам оңалту көмегін алып жатыр, оның ішінде 7 мың бала бар. Елордада бірқатар әлеуметтік тұрғын үй салып жатырмыз, онда бірінші қабатта әлеуметтік нысандар ашылады: балалар орталықтары, медициналық нысандар, оның ішінде оңалту орталықтары", - деп жазды Жеңіс Қасымбек желідегі парақшасында.
Оның айтуынша, әкімдік биыл инватакси санын 2 есеге арттыруды жоспарлап отыр.
"Кездесу барысында көтерілген мәселелерді шешу жұмысы қолға алынды, ал жүйелі мәселелер бойынша министрліктермен жұмыс істейміз", - деп түйіндеді елорда әкімі.
Жаңалықтар
0