Денсаулық

Астаналық дәрігерлер ауыр сырқатқа шалдыққан жүкті әйелді өлім аузынан алып қалды

© Photo : Пресс-служба акимата АстаныАстаналық дәрігерлер ауыр сырқатқа шалдыққан жүкті әйелді өлім аузынан алып қалды
Астаналық дәрігерлер ауыр сырқатқа шалдыққан жүкті әйелді өлім аузынан алып қалды - Sputnik Қазақстан, 1920, 22.01.2023
Жазылу
НовостиTelegram
АСТАНА, 22 қаңтар – Sputnik. Астанада екінші көпбейінді қалалық ауруханаға түскен жүкті келіншектің панкреатиті асқынып кеткен. Дәрігерлер ота жасамай, баланы да, анасын да аман алып қалды, деп хабарлайды Sputnik Қазақстан елорда әкімдігі таратқан ақпаратқа сілтеме жасап.
Ресми мәліметке сәйкес, жүктіліктің 39-шы аптасында келіншектің бойында панкреонекроз өршіп кетті. Бұл – жедел панкреатиттің өмірге қауіп төндіретін асқынған түрі.
"Ондайда ұйқы безінің тіндері "өліп" қалады. Соның салдарынан адам ағзасы дұрыс істемей, қанның улануына және науқастың өліміне әкеліп соқтырады", - дейді дәрігерлер.
Ауруханаға түскен келіншек ішінің жоғарғы бөлігі қатты шаншып тұрғанын айтты. Жүрегі айнып, құсқысы келді. Оны шұғыл түрде жансақтау бөліміне жатқызған. Ана мен сәбидің өміріне қауіп төніп тұрған. Содан жансақтау бөліміндегі акушер-гинекологтар бригадасы жедел босандыруға шешім қабылдаған. Босанғаннан кейін келіншектің жағдайы ауыр болған.
Ал аурухананың бас дәрігері Нұрбол Тұрсынбаев әріптестерімен бірге диагностика жасап, клиникалық жағдайдың күрделілігіне қарамастан, отасыз емдеуге шешім шығарған.
"Жүргізіліп жатқан ем аясында жағдайды тұрақтандырып, әйелді жалпы хирургия бөлімшесіне ауыстыруға мүмкіндік туды. Бақытымызға орай, операция қажет болмады, көп ұзамай әйелдің жағдайы оңалды", - дейді емдеуші дәрігер Айдар Жұмағалиев.
Қазір ана мен бала өздерін жақсы сезінеді және ауруханадан шығуға дайындалып жатыр.
Жаңалықтар
0